Agni Purana · Chapter 216

:e ity āgneye mahāpurāṇe sandhyāvidhirnāma
pañcadaśādhikadviśatatamo 'dhyāyaḥ ||
:p 286
% Chapter {216}
:ś atha ṣoḍaśādhikadviśatatamo 'dhyāyaḥ
gāyatrīnirvāṇaṃ
agnir uvāca
evaṃ sandhyāvidhiṃ kṛtvā gāyatrīñca japet smaret /AP_216.001ab/
gāyañcchiṣyān yatastrāyet bhāryāṃ prāṇāṃstathaiva ca(1)

tataḥ smṛteyaṃ gāyatrī sāvitrīya tato yataḥ /AP_216.002ab/
prakāśanātsā saviturvāgrūpatvāt sarasvatī

taj jyotiḥ paramaṃ brahma bhargastejo yataḥ smṛtaṃ /AP_216.003ab/
bhā dīptāviti rūpaṃ hi bhrasjaḥ pāke 'tha tat smṛtaṃ

oṣadhyādikaṃ pacati bhrājṛ dīptau tathā bhavet /AP_216.004ab/
bhargaḥ syād bhrājata iti bahulaṃ chanda īritaṃ

vareṇyaṃ sarvatejobhyaḥ śreṣṭhaṃ vai paramaṃ padaṃ /AP_216.005ab/
svargāpavargakāmair vā varaṇīyaṃ sadaiva hi

vṛṇotervaraṇārthatvājjāgratsvapnādivarjitaṃ /AP_216.006ab/
nityaśuddhabuddhamekaṃ satyantaddhīmahīśvaraṃ

ahaṃ brahma paraṃ jyotirdhyayemahi vimuktaye /AP_216.007ab/
taj jyotirbhagavān viṣṇurjagajjanmādikāraṇaṃ

śivaṃ kecit paṭhanti sma śaktirūpaṃ paṭhanti ca /AP_216.008ab/
kecit sūryaṅkecidagniṃ vedagā agnihotriṇaḥ

:n
1 kāyān prāṇāṃstathaiva ceti ña..
:p 287
agnyādirūpo viṣṇurhi vedādau brahma gīyate /AP_216.009ab/
tat padaṃ paramaṃ viṣṇordevasya savituḥ smṛtaṃ

mahadājyaṃ sūyate hi svayaṃ jyotirhariḥ prabhuḥ /AP_216.010ab/
parjanyo vāyurādityaḥ śītoṣṇādyaiś ca pācayet

agnau prāstāhutiḥ samyagādityamupatiṣṭhate /AP_216.011ab/
ādityājjāyate vṛṣṭirvṛṣṭerannantataḥ prajāḥ

dadhātervā dhīmahīti manasā dhārayemahi /AP_216.012ab/
no 'smākaṃ yaś ca bhargaś ca sarveṣāṃ prāṇināṃ dhiyaḥ

codayāt prerayed buddhīrbhoktṝṇāṃ sarvakarmasu /AP_216.013ab/
dṛṣṭādṛṣṭavipākeṣu viṣṇusūryāgnirūpavān

īśvaraprerito gacchet svargaṃ vāśvabhrameva vā /AP_216.014ab/
īśāvāsyamidaṃ sarvaṃ mahadādijagaddhariḥ

svargādyaiḥ krīḍate devo yo 'haṃ sa puruṣaḥ prabhuḥ /AP_216.015ab/
ādityāntargataṃ yacca bhargākhyaṃ vai mumukṣubhiḥ

janmamṛtyuvināśāya duḥkhasya trividhasya ca /AP_216.016ab/
dhyānena puruṣo 'yañca draṣṭavyaḥ sūryamaṇḍale

tattvaṃ sadasi cidbrahma viṣṇoryat paramaṃ padaṃ /AP_216.017ab/
devasya saviturbhargo vareṇyaṃ hi turīyakaṃ

dehādijāgradābrahma ahaṃ brahmeti dhīmahi /AP_216.018ab/
yo 'sāvādityapuruṣaḥ so 'sāvahamananta oṃ

jñānāni śubhakarmādīn pravartayati yaḥ sadā //19