Agni Purana · Chapter 210

:e ity āgneye mahāpurāṇe dānaparibhāṣā nāma
navādhikadviśatatamo 'dhyāyaḥ ||
% Chapter {210}
:ś atha daśādhikadviśatatamo 'dhyāyaḥ
mahādānāni
agnir uvāca
sarvadānāni vakṣyāmi mahādānāni ṣoḍaśa /AP_210.001ab/
tulāpuruṣa ādyantu hiraṇyagarbhadānakaṃ

brahmāṇḍaṃ kalpavṛkṣaś ca gosahasrañca pañcamaṃ /AP_210.002ab/
hiraṇyakāmadhenuś ca hiraṇyāśvaś ca saptamaṃ

hiraṇyāśvarathastadvaddhemahastirathas tathā /AP_210.003ab/
pañcalāṅgalakantadvaddharādānaṃ tathaiva ca

:n
1 samutpātādyapāpahṛt iti ṅa.. / samutpātādipāpahṛditi gha..
:p 261
viśvacakraṃ kalpalatā saptasāgarakaṃ paraṃ /AP_210.004ab/
ratnadhenurmahābhūtaghaṭaḥ śubhadine 'rpayet

maṇḍape maṇḍale dānaṃ devān prārcyārpayeddvije /AP_210.005ab/
merudānāni puṇyāni meravo daśa tān śṛṇu

dhānyadroṇasahasreṇa uttamo 'rdhārdhataḥ parau /AP_210.006ab/
uttamaḥ ṣoḍaśadroṇaḥ kartavyo lavaṇācalaḥ

daśabhārair guḍādriḥ syāduttamo 'rdhārdhataḥ parau /AP_210.007ab/
uttamaḥ palasāhasraiḥ svarṇamerus tathā parau

daśadroṇaistilādriḥ syāt pañcabhiś ca tribhiḥ kramāt /AP_210.008ab/
kārpāsaparvato viṃśabhāraiś ca daśapañcabhiḥ

viṃśatyā ghṛhakumbhānāmuttamaḥ syād ghṛtācalaḥ(1) /AP_210.009ab/
daśabhiḥ palasāhasrair uttamo rajatācalaḥ

aṣṭabhāraiḥ śarkarādrirmadhyomando 'rdhato 'rdhataḥ /AP_210.010ab/
daśa dhenūḥ pravakṣyāmi yā dattvā bhuktimuktibhāk

prathamā guḍadhenuḥ syād ghṛtadhenus tathāparā /AP_210.011ab/
tiladhenustṛtoyā ca caturthī jaladhenukā

kṣīradhenurmadhudhenuḥ śarkarādadhidhenuke /AP_210.012ab/
rasadhenuḥ svarūpeṇa daśamī vidhirucyate

kumbhāḥ syurdravadhenūnāmitarāsāntu rāśayaḥ /AP_210.013ab/
kṛṣṇājinañcaturhastaṃ prāggrīvaṃ vinyasedbhuvi

gomayenānuliptāyāṃ darbhānāstīrya sarvataḥ /AP_210.014ab/
:n
1 atra ratnācalabodhakapāṭhaḥ patitaḥ daśavidhācalavibhāgasya
pratijñātatvāt matsyapurāṇīyasaptasaptatyadhyāye ratnaśailas
tathāṣṭama ity anena ratnācalasya
daśavidhācalāntargatatvenollekhanācca
:p 262
laghvaiṇakājinaṃ tadvadvatsasya parikalpayet

prāṅmukhīṃ kalpayeddhenumudakpādāṃ savatsakāṃ /AP_210.015ab/
uttamā guḍadhenuḥ syāt sadā bhāracatuṣṭayāt

vatsaṃ bhāreṇa kurvīta bhārābhyāṃ madhyamā smṛtā /AP_210.016ab/
ardhabhāreṇa vatsaḥ syāt kaniṣṭhā bhārakeṇa tu

caturthāṃśena vatsaḥ syād guḍavittānusārataḥ /AP_210.017ab/
pañca kṛṣṇalakā māṣaste suvarnastu ṣoḍaśa

palaṃ suvarṇāś catvārastulā palaśataṃ smṛtaṃ /AP_210.018ab/
syādbhāro viṃśatitulā droṇastu caturāḍhakaḥ

dhenuvatsau guḍasyobhau sitasūkṣmāmbarāvṛtau /AP_210.019ab/
śuktikarṇāvikṣupādau śucimuktāphalekṣaṇau

sitasūtraśirālau ca sitakambalakamvalau /AP_210.020ab/
tāmragaḍḍukapṛṣṭhau tau sitacāmararomakau

vidrumabhrūyugāvetau navanītastanānvitau /AP_210.021ab/
kṣaumapucchau kāṃsyadohāvindranīlakatārakau

suvarṇaśṛṅgābharaṇau rajatakṣurasaṃyutau /AP_210.022ab/
nānāphalamayā dantā gandhaghrāṇaprakalpitau

racayitvā yajeddhenumimair mantrair dvijottama /AP_210.023ab/
yā lakṣmīḥ sarvabhūtānāṃ yā ca deveṣvavasthitā

dhenurūpeṇa sā devī mama śāntiṃ prayacchatu /AP_210.024ab/
dehasthā yā ca rudrāṇī śaṅkarasya sadā priyā

dhenurūpeṇa sā devī mama pāpaṃ vyapohatu /AP_210.025ab/
viṣṇuvakṣasi yā lakṣmīḥ svāhā yā ca vibhāvasoḥ

:p 263
candrārkaṛkṣaśaktiryā dhenurūpāstu sā śriye /AP_210.026ab/
caturmukhasya yā lakṣmīryā lakṣmīrdhanadasya ca

lakṣmīryā lokapālānāṃ sa dhenurvaradāstu me /AP_210.027ab/
svadhā tvaṃ pitṛmukhyānāṃ svāhā yajñabhujāṃ yataḥ

sarvapāpaharā dhenustasmācchāntiṃ prayaccha me /AP_210.028ab/
evamāmantritāṃ dhenuṃ brāhmaṇāya nivedayet

samānaṃ sarvadhenūnāṃ vidhānaṃ caitadeva hi /AP_210.029ab/
sarvayajñaphalaṃ prāpya nirmalo bhuktimuktibhāk

svarṇaśṛṅgo śaphai raupyaiḥ suśīlā vastrasaṃyutā /AP_210.030ab/
kāṃsyopadohā dātavyā kṣoriṇau gauḥ sadakṣiṇā

dātāsyāḥ svargamāpnoti vatsarān somasammitān /AP_210.031ab/
kapilā cettārayati bhūyaścāsaptamaṃ kulaṃ

svarṇaśṛṅgīṃ raupyakhurāṃ kāṃsyadohanakānvitāṃ /AP_210.032ab/
śaktito dakṣiṇāyuktāṃ dattvā syādbhuktimuktibhāk

savatsaromatulyāni yugānyubhayatomukhīṃ /AP_210.033ab/
dattvā svargamavāpnoti pūrveṇa vidhinā dadet

āsannamṛtyunā deyā savatsā gaustu pūrvavat /AP_210.034ab/
yamadvāre mahāvīre taptā vaitaraṇī(1) nadī