Agni Purana · Chapter 158

:e ity āgneye mahāpurāṇe śāvāśaucaṃ nāma
saptapañcāśadādhikaśatatamo 'dhyāyaḥ ||
% Chapter {158}
:ś athāṣṭapañcāśadadhikaśatatamo 'dhyāyaḥ
srāvādyaśaucaṃ
puṣkara uvāca
srāvāśaucaṃ pravakṣyāmi manvādimunisammataṃ /AP_158.001ab/
:n
1 siddhārthakaistilair viprān yajadvāso 'paraṃ dadhaditi gha.. , ṅa.. , ña.. ca /
siddhārthastilair vidvān snāyādvāso 'paraṃ dadhaditi ga.. , ṭa.. ca
:p 134
rātribhirmāsatulyābhirgarbhasrāve tryaheṇa yā

cāturmāsikapātānte daśāhaṃ pañcamāsataḥ /AP_158.002ab/
rājanye ca catūrātraṃ vaiśye pañcāhameva ca

aṣṭāhena tu śūdrasya dvādaśāhādataḥ paraṃ /AP_158.003ab/
strīṇāṃ viśuddhiruditā(1) snānamātreṇa vai pituḥ

na snānaṃ hi sapiṇḍe syāttrirātraṃ saptamāṣṭayoḥ /AP_158.004ab/
sadyaḥ śaucaṃ sapiṇḍānāmādantajananāttathā

ācūḍādekarātraṃ syādāvratācca trirātrakaṃ /AP_158.005ab/
daśarātraṃ bhavedasmānmātāpitrostrirātrakaṃ

ajātadante tu mṛte kṛtacūḍe 'rbhake tathā /AP_158.006ab/
prete nyūne tribhirvarṣair mṛte śuddhistu naiśilkī

dvyaheṇa kṣatriye śuddhistribhirvaiśye mṛte tathā /AP_158.007ab/
śuddhiḥ śūdre pañcabhiḥ syāt prāgvivāhad dviṣaṭtvahaḥ(2)

yatra trirātraṃ viprāṇāmaśaucaṃ sampradṛśyate /AP_158.008ab/
tatra śūdre dvādaśāhaḥ ṣaṇṇava kṣatravaiśayyoḥ

dvyabde naivāgnisaṃskāro mṛte tannikhaned bhuvi /AP_158.009ab/
na codakakriyā tasya nāmni cāpi kṛte sati

jātadantasya vā kāryā syādupanayanāddaśa /AP_158.010ab/
ekāhācchuddhyate vipro yo 'gnivedasamanvitaḥ

hīne hīnatare caiva tryahaś caturahas tathā /AP_158.011ab/
pañcāhenāgnihīnastu daśāhādbrāhmaṇavruvaḥ

:n
1 viśuddhiḥ kathiteti gha.. , ṅa.. , ña.. ca
2 dviṣaṭkakamiti ṭa..
:p 135
kṣatriyo navasaptāhacchuddhyedvipro guṇair yutaḥ /AP_158.012ab/
daśāhāt saguṇo vaiśyo viṃśāhācchūdra eva ca

daśāhācchuddhyate vipro dvādaśāhena bhūmipaḥ /AP_158.013ab/
vaiśyaḥ pañcadaśāhena śūdro māsena śuddhyati

guṇotkarṣe daśāhāptau tryahamekāhakaṃ tryahe /AP_158.014ab/
ekāhāptau sadyaḥ śaucaṃ sarvatraivaṃ samūhayet

dāsāntevāsibhṛtakāḥ śiṣyāś caivātra vāsinaḥ /AP_158.015ab/
svāmitulyamaśaucaṃ syānmṛte pṛthak pṛthagbhavet

maraṇādeva kartavyaṃ saṃyogo yasya nāgnibhiḥ /AP_158.016ab/
dāhādūrdhvamaśaucaṃ syādyasya vaitāniko vidhiḥ

sarveṣāmeva varṇānāntribhāgāt sparśanambhavet /AP_158.017ab/
tricatuḥpañcadaśabhiḥ spṛśyavarṇāḥ krameṇa tu

caturthe pañcame caiva saptame navame tathā /AP_158.018ab/
asthisañcayanaṃ kāryaṃ varṇānāmanupūrvaśaḥ

ahastvadattakanyāsu pradattāsu tryahaṃ bhavet /AP_158.019ab/
pakṣiṇī saṃskṛtāsveva svasrādiṣu vidhīyate

pitṛgotraṃ kumārīṇāṃ vyūḍhānāṃ bhartṛgotratā /AP_158.020ab/
jalapradānaṃ pitre ca udvāhe cobhayatra tu

daśāhopari pitroś ca duhiturmaraṇe tryahaṃ /AP_158.021ab/
sadyaḥ śaucaṃ sapiṇḍānāṃ pūrvaṃ cūḍākṛterdvija

ekāhato hy āvivihādūrdhvaṃ hastodakāt tryahaṃ /AP_158.022ab/
pakṣiṇī bhrātṛputrasya sapiṇḍānāṃ ca sadyataḥ

daśāhācchuddhyate vipro janmahānau svayoniṣu /AP_158.023ab/
:p 136
ṣadbhistribhirahaikena kṣatraviṭśūdrayoniṣu

etajjñeyaṃ sapiṇḍānāṃ vakṣye cānaurasādiṣu /AP_158.024ab/
anauraseṣu putreṣu bhāryāsvanyagatāsu ca

parapūrvāsu ca strīṣu trirātrācchuddhiriṣyate /AP_158.025ab/
vṛthāsaṅkarajātānāṃ pravrajyāsu ca tiṣṭhatāṃ

ātmanastyāgināñcaiva nivartetodakakriyā /AP_158.026ab/
mātraikayā dvipitarau bhratarāvanyagāminau

ekāhaḥ sūtake tatra mṛtake tu dvyaho bhavet(1) /AP_158.027ab/
sapiṇḍānāmaśaucaṃ hi samānodakatāṃ vade

bāle deśāntarasthe ca pṛthakpiṇḍe ca saṃsthite /AP_158.028ab/
savāsā jalamāplutya sadya eva viśuddhyati

daśāhena sapiṇḍāstu śuddhyanti pretasūtake /AP_158.029ab/
trirātreṇa sukulyāstu snānāt(2) śuddhyanti gotriṇaḥ

sapiṇḍatā tu puruṣe saptame vinivartate /AP_158.030ab/
samānodakabhāvastu nivartetācaturdaśāt

janmanāmasmṛte vaitat tatparaṃ gotramucyate /AP_158.031ab/
vigatantu videśasthaṃ śṛṇuyādyo hy anirdaśaṃ

yaccheṣaṃ daśarātrasya tāvadevāśucirbhavet /AP_158.032ab/
atikrānte daśāhe tu trirātramaśucirbhavet

saṃvatsare vyatīte tu spṛṣṭvaivāpo viśuddhyati /AP_158.033ab/
:n
1 mṛtake tu tryaho bhavediti gha.. , ṅa.. , ña.. ca / matake tu tathā bhavediti
jha..
2 snātā iti kha.. , ga.. , gha.. , ṅa.. , cha.. , ja.. ca
:p 137
mātule pakṣiṇo rātriḥ śiṣyatvigbāndhaveṣu ca

mṛṭe jāmātari prete daihitre bhaginīsute(1) /AP_158.034ab/
śyālake tatsute caiva snānamātraṃ vidhīyate

mātāmahyāṃ tathācārye mṛte mātāmahe tryahaṃ /AP_158.035ab/
durbhikṣe rāṣṭrasampāte āgatāyāṃ tathāpadi

upasargamṛtānāñca dāhe brahmavidāntathā /AP_158.036ab/
satrivrati(2) brahmattārisaṅgrāme deśaviplave

dāne yajñe vivāhe ca sadyaḥ śaucaṃ vidhīyate /AP_158.037ab/
vipragonṛpahantṝṇāmanuktaṃ cātmaghātināṃ

asādhyavyādhiyuktasya svādhyāye cākṣamasya ca /AP_158.038ab/
prāyaścittamanujñātamagnitoyapraveśanaṃ

apamānāttathā(3) krodhāt snehātparibhavādbhayāt /AP_158.039ab/
udbadhya mriyate nārī puruṣo vā kathañcana

ātmaghātī caikalakṣaṃ vasetsa narake śucau /AP_158.040ab/
vṛddhaḥ śrautasmṛterluptaḥ parityajati yastvasūn

trirātraṃ tatra śāśaucaṃ dvitīye cāsthisañcayaṃ /AP_158.041ab/
tṛtīye tūdakaṃ kāryaṃ caturthe śrāddhamācaret

vidyudagnihatānāñca tryahaṃ śuddhiḥ sapiṇḍike(4) /AP_158.042ab/
pāṣaṇḍāśritā bhartṛghnyo nāśaucodakagāḥ striyaḥ

pitṛmātrādipāte tu ārdravāsā hy upoṣitaḥ /AP_158.043ab/
:n
1 prete, bhaginīsuta ity api iti ṭa..
2 yativratīti ja..
3 apamānādatheti kha.. , ga.. , gha.. , ṅa.. , cha.. , ja.. ca
4 vidyudādihatānāñca tryahācchuddhirvidhīyate iti ṭa..
:p 138
atītebde prakurvīta pretakāryaṃ yathāvidhi

yaḥ kaścittu haret pretamasapiṇḍaṃ kathañcana /AP_158.044ab/
snātvā scelaḥ spṛṣṭvāgniṃ ghṛtaṃ prāśya viśuddhyati

yadyannamatti teṣāntu daśāhenaiva śuddhyati /AP_158.045ab/
anadannannamahnyeva na vai tasmin gṛhe vaset

anāthaṃ vrāhmaṇaṃ pretaṃ ye vahanti dvijātayaḥ /AP_158.046ab/
pade pade yajñaphalaṃ śuddhiḥ syāt snānamātrataḥ

pretībhūtaṃ dvijaḥ śūdramanugacchaṃstryahācchuciḥ /AP_158.047ab/
mṛtasya bāndhavaiḥ sārdhaṃ kṛtvā ca paridevanaṃ

varjayettadahorātraṃ dānaśrāddhādi kāmataḥ(1) /AP_158.048ab/
śūdrāyāḥ prasavo gehe śūdrasya maraṇaṃ tathā

bhāṇḍāni tu parityajya tryahādbhūlepataḥ śuciḥ /AP_158.049ab/
na vipraṃ sveṣu tiṣṭhatsu mṛtaṃ śūdreṇa nāyayet

nayet pretaṃ snāpitañca pūjitaṃ kusumair dahet /AP_158.050ab/
nagnadehaṃ dahen naiva kiñciddehaṃ parityajet

gotrajastu gṛhītvā tu citāṃ cāropayettadā /AP_158.051ab/
āhitāgniryathānyāyaṃ dagdhavyastibhiragnibhiḥ

anāhitāgnirekena laukikenāparas tathā /AP_158.052ab/
asmāt tvamabhijāto 'si tvadayaṃ jāyatāṃ punaḥ

asau svargāya lokāya sukhāgniṃ pradadetsutaḥ /AP_158.053ab/
sakṛtprasiñcantyudakaṃ nāmagotreṇa bāndhavāḥ

:n
1 dānaśrāddhādikarma ceti jha..
:p 139
evaṃ mātāmahācāryapretānāñcodakakriyā /AP_158.054ab/
kāmyodakaṃ sakhipretasvasrīyaśvaśrurartvijāṃ

apo naḥ śośucidayaṃ daśāhañca suto 'rpayet /AP_158.055ab/
brāhmaṇe daśapiṇḍāḥ syuḥ kṣatriye dvādaśa smṛtāḥ

vaiśye pañcadaśa proktāḥ śūdre triṃśat prakīrtitā /AP_158.056ab/
putro vā putrikānyo vā piṇḍaṃ dadyācca putravat

vidiśya nimbapatrāṇi niyato dvāri veśmanaḥ /AP_158.057ab/
ācamya cāgnimudakaṃ gomayaṃ gaurasarṣapān

praviśeyuḥ samālabhya kṛtvāśmani padaṃ śanaiḥ /AP_158.058ab/
akṣaralavaṇānnaḥ syur nirmāṃsā bhūmiśāyinaḥ

krītalabdhāśanāḥ snātā ādikartā daśāhakṛt /AP_158.059ab/
abhāve brahmacārī tu kuryātpiṇḍodakādikaṃ

yathedaṃ śāvamāśaucaṃ sapiṇḍeṣu vidhīyate /AP_158.060ab/
jananepyevaṃ syānnipuṇāṃ śuddhimicchatāṃ

sarveṣāṃ śāvamāśaucaṃ mātāpitroś ca sūtakaṃ /AP_158.061ab/
sūtakaṃ mātureva syādupaspṛśya pitā śuciḥ

putrajanmadine śrāddhaṃ kartavyamiti niścitaṃ /AP_158.062ab/
tadahastatpradānārthaṃ gohiraṇyādivāsasāṃ

maraṇaṃ maraṇenaiva sūtakaṃ sūtakena tu /AP_158.063ab/
ubhayorapi yat pūrvaṃ tenāśaucena śuddhyati

sūtake mṛtakaṃ cetsyān mṛtake tvatha sūtakaṃ /AP_158.064ab/
tatrādhikṛtya mṛtakaṃ śaucaṃ kuryānna sūtakaṃ

samānaṃ laghvaśaucantu prathamena samāpayet /AP_158.065ab/
:p 140
asamānaṃ dvitīyena dharmarājavaco yathā

śāvāntaḥ śāva āyāte(1) pūrvāśaucena śuddhyati /AP_158.066ab/
guruṇā laghu bādhyeta laghunā naiva tadguru

mṛtake sūtake vāpi rātrimadhye 'nyadāpatet /AP_158.067ab/
taccheṣeṇaiva suddhyeran rātriśeṣe dvyahādhikāt

prabhāte yadyaśaucaṃ syācchuddheraṃś ca tribhirdinaiḥ /AP_158.068ab/
ubhayatra daśāhāni kulasyānnaṃ na bhujyate

dānādi ninivarteta kulasyānnaṃ na bhujyate /AP_158.069ab/
ajñāte pātakaṃ nādye bhokturekamaho 'nyathā(2)