Agni Purana · Chapter 159

:e ity āgneye mahāpurāṇe srāvādyaśaucaṃ nāma
aṣṭapañcāśadadhikaśatatamo 'dhyāyaḥ ||
% Chapter {159}
:ś athaikonaṣaṣṭyadhikaśatatamo 'dhyāyaḥ
asaṃskṛtādiśaucaṃ
puṣkara uvāca
saṃskṛtasyāsaṃskṛtasya svargo mokṣo harimmṛteḥ /AP_159.001ab/
asthnāṅgaṅgāmbhasi kṣepāt pretasyābhyudayo bhavet

:n
1 āpāta iti kha.. , cha.. ca
2 ananepyevamevaṃ syādityādiḥ, bhokturekamahonyathetyantaḥ
pāṭhaḥ gha.. , jha.. , ña.. pustakatrayeṣu nāsti
:p 141
gaṅgātoye narasyāsthi yāvattāvaddivi sthatiḥ /AP_159.002ab/
ātmanastyāgināṃ nāsti patitānāṃ tathā kriyā

teṣāmapi tathā gāṅge toye 'sthnāṃ patanaṃ hitaṃ /AP_159.003ab/
teṣāṃ dattaṃ jalaṃ cānnaṃ gagane tat pralīyate

anugraheṇa mahatā pretasya patitasya ca /AP_159.004ab/
nārāyaṇabaliḥ kāryastenānugrahamaśnute

akṣayaḥ puṇḍarīkākṣastatra dattaṃ na naśyati /AP_159.005ab/
patanātrāyate yasmāt tasmāt pātraṃ janārdanaḥ

patatāṃ bhuktimuktyādiprada eko harirdhruvaṃ /AP_159.006ab/
dṛṣṭvā lokān mriyamāṇān sahāyaṃ dharmamācaret

mṛto 'pi bāndhavaḥ śakto nānugantuṃ naraṃ mṛtaṃ /AP_159.007ab/
jāyāvarjaṃ hi sarvasya yāmyaḥ panthā vibhidyate(1)

dharma eko(2) vrajatyenaṃ yatra kvacana gāminaṃ /AP_159.008ab/
śvaḥ kāryamadya kurvīta pūrvāhṇe cāparāhṇikaṃ

na hi pratīkṣate mṛtyuḥ kṛtaḥ vāsya na vā kṛtaṃ /AP_159.009ab/
kṣetrāpaṇagṛhāsaktamanyatragatamānasaṃ

vṛkīvīraṇamāsādya mṛtyurādāya gacchati /AP_159.010ab/
na kālasya priyaḥ kaścid dveṣyaścāsya na vidyate

āyuṣye karmaṇi kṣīṇe prasahya harite janaṃ /AP_159.011ab/
nāprāptakālo mriyate biddhaḥ śaraśatair api

kuśāgreṇāpi saṃspṛṣṭaḥ prāptakālo na jīvati /AP_159.012ab/
:n
1 panthā vibhajyate iti ga..
2 dharma eveti ja..
:p 142
auṣadhāni(1) na mantrādyāstrāyante mṛtyunānvitaṃ

vatsavat prākṛtaṃ karma kartāraṃ vindati dhruvaṃ /AP_159.013ab/
avyaktādi vyaktamadhyamavyaktanidhanaṃ jagat

kaumārādi yathā dehe tathā dehāntarāgamaḥ /AP_159.014ab/
navamanyadyathā vastraṃ gṛhṇātyevaṃ śarīrikaṃ

dehī nityamabadhyo 'yaṃ yataḥ śokaṃ tatastyajet //15