Agni Purana · Chapter 157

puṣpāṇāñca phalānāñca prokṣaṇājjalato 'khilaṃ /AP_156.016ab/
:e ity āgneye mahāpurāṇe dravyaśuddhirnāma
ṣaṭpañcāśadadhikaśatatamo 'dhyāyaḥ ||
% Chapter {157}
:ś atha saptapañcāśadadhikaśatatamo 'dhyāyaḥ
śāvāśaucādiḥ
puṣkara uvāca
pretaśuddhiṃ pravakṣyāmi sūtikāśudhhimeva ca /AP_157.001ab/
daśāhaṃ śāvamāśaucaṃ sapiṇdeṣu vidhīyate

janane ca tathā śuddhirbrāhmaṇānāṃ bhṛgūttama /AP_157.002ab/
dvādaśāhena rājanyaḥ pakṣādvaiśyo 'tha māsataḥ

śūdro 'nulomato dāse svāmitulyantvaśaucakaṃ /AP_157.003ab/
ṣaṭbhistribhirathaikena kṣatraviṭśūdrayoniṣu

brāhmaṇaḥ śuddhimāpnoti kṣatriyastu tathaiva ca /AP_157.004ab/
viṭśūdrayoneḥ śuddhiḥ syāt kramāt paraśurāmaka

ṣaḍrātreṇa trirātreṇa ṣaḍbhiḥ śūdre tathā viśaḥ /AP_157.005ab/
:p 130
ādantajananāt sadya ācūḍānnaiśikī śrutiḥ(1)

trirātramāvratādeśāddaśarātramataḥ paraṃ /AP_157.006ab/
ūnatraivārṣike śūdre pañcāhācchuddhiriṣyate

dvādaśāhene śuddhiḥ syādatīte vatsaratraye /AP_157.007ab/
gataiḥ saṃvatsaraiḥ ṣaḍbhiḥ śuddhirmāsena kīrtitā

strīṇāmakṛtacūḍānāṃ viśuddhir naiśikī smṛtā /AP_157.008ab/
tathā ca kṛtacuḍānāṃ tryahācchuddhyanti bāndhavāḥ

vivāhitāsu nāśaucaṃ pitṛpakṣe vidhīyate /AP_157.009ab/
piturgṛhe prasūtānāṃ viśuddhir naiśikī smṛtā

sūtikā daśarātreṇa śuddhimāpnoti nānyathā /AP_157.010ab/
vivāhitā hi cet kanyā mriyate pitṛveśmani

tasyāstrirātrācchuddhyanti bāndhavā nātra saṃśayaḥ /AP_157.011ab/
samānaṃ labdhaśaucantu prathamena samāpayet

asamānaṃ dvitīyena dharmarājavaco yathā /AP_157.012ab/
deśāntarasthaḥ śrutvā tu kulyāṇāṃ maraṇodbhavau

yaccheṣaṃ daśarātrasya tāvadevaśucirbhavet /AP_157.013ab/
atīte daśarātre tu trirātramaśucirbhavet

tathā saṃvatsare 'tīte snāta eva viśuddhyati /AP_157.014ab/
mātāmahe tathātīte ācārye ca tathā mṛte

rātribhirmāsatulyābhirgarbhasrāve viśodhanaṃ /AP_157.015ab/
sapiṇde brāhmaṇe varṇāḥ sarva evāviśeṣataḥ

:n
1 ācaḍānnaiśikī tatheti ṭa..
:p 131
daśarātreṇa śuddhyanti dvādaśāhena bhūmipaḥ /AP_157.016ab/
vaiśyāḥ pañcadaśāhena śūdrā māsena bhārgava

ucchiṣṭasannidhāvekaṃ tathā piṇḍaṃ nivedayet /AP_157.017ab/
kīrtayecca tathā tasya namagotre samāhitaḥ

bhuktavatsu dvijendreṣu pūjiteṣu dhanena ca(1) /AP_157.018ab/
visṛṣṭākṣatatoyeṣu gotranāmānukīrtanaiḥ

caturaṅgulavistāraṃ tatkhātantāvadantaraṃ /AP_157.019ab/
vitastidīrghaṃ kartavyaṃ vikarṣūṇāṃ tathā trayaṃ

vikarṣūṇāṃ samīpe ca jvālayej jvalanatrayaṃ /AP_157.020ab/
somāya vahnaye rāma yamāya ca samāsataḥ

juhuyādāhutīḥ samyak sarvatraiva catustrayaḥ /AP_157.021ab/
piṇḍanirvapaṇaṃ kuryāt prāgvadeva pṛthak pṛthak

annena dadhnā madhunā tathā māṃsena pūrayet /AP_157.022ab/
madhye cedadhimāsaḥ syāt kuryādabhyadhikantu tat

athavā dvādaśāhena sarvametat samāpayet /AP_157.023ab/
saṃvatsarasya madhye ca yadi syādadhimāsakaḥ

tadā dvādaśake śrāddhe kāryaṃ tadadhikaṃ bhavet /AP_157.024ab/
saṃvatsare samāpte tu śrāddhaṃ śrāddhavadācaret

pretāya tata ūrdhavaṃ ca tasyaiva puruṣatraye /AP_157.025ab/
piṇḍān vinirvapettadvaccaturastu samāhitaḥ

sampūjya datvā pṛthivī samānā iti cāpyatha /AP_157.026ab/
:n
1 dhaneṣu ceti ka.. , kha.. , gha.. , ṅa.. , cha.. , ja.. , ña.. ca
:p 132
yojayet pretapiṇḍaṃ tu piṇḍeṣvanyeṣu bhārgava

pretapātraṃ ca pātreṣu tathaiva viniyojayet /AP_157.027ab/
pṛthak pṛthak prakartavyaṃ karmaitat karmapātrake

mantravarjamidaṃ karma śūdrasya tu vidhīyate /AP_157.028ab/
sapiṇḍīkaraṇaṃ strīṇāṃ kāryamevaṃ tadā bhavet(1)

śrāddhaṃ kuryācca pratyabdaṃ prete kumbhānnamabdakaṃ /AP_157.029ab/
gaṅgāyāḥ sikatā dhārā yathā varṣati vāsave

śakyā gaṇayituṃ loke natvatītāḥ pitāmahāḥ /AP_157.030ab/
kāle satatage sthairyaṃ nāsti tasmāt kriyāṃ caret

devatve yātanāsthāne pretaḥ śrāddhaṃ kṛtaṃ labhet /AP_157.031ab/
nopakuryānnaraḥ śocan pretasyātmana eva vā

bhṛgvagnipāśakāmbhobhirmṛtānāmātmaghātināṃ /AP_157.032ab/
patitānāṃ ca nāśaucaṃ vidyucchastrahatāś ca ye

yatibratibrahmacārinṛpakārukadīkṣitāḥ /AP_157.033ab/
rājājñākāriṇo(2) ye ca snāyādvai pretagāmyapi

maithune kaṭadhūme ca sadyaḥ snānaṃ vidhīyate /AP_157.034ab/
dvijaṃ na nirharet(3) pretaṃ śūdreṇa tu kathañcana

na ca śūdraṃ dvijenāpi tayordoṣo hi jāyate(4) /AP_157.035ab/
anāthaviprapretasya vahanāt svaragalokabhāk

:n
1 kāryameva tathā bhavediti cha.. , ṅa.. , ña.. ca / kāryametattathā bhavediti
jha..
2 rājājñākārakā iti ṭa..
3 na nirdahediti kha..
4 tayordoṣo 'bhijāyate iti ṅa..
:p 133
saṅgrāme jayamāpnoti prete 'nāthe ca kāṣṭhadaḥ /AP_157.036ab/
saṅkalpya bāndhavaṃ pretamapasavyena tāṃ citiṃ

parikramya tataḥ snānaṃ kuryuḥ sarve savāsasaḥ /AP_157.037ab/
pretāya ca tathā dadyustrīṃstrīṃś caivodakāñjalīn

dvāryaśmani padaṃ datvā praviśeyus tathā gṛhaṃ /AP_157.038ab/
akṣatānnikṣipedvahnau nimbapatraṃ vidaśya ca

pṛthak śayīran bhūmau ca krītalabdhāśano bhavet /AP_157.039ab/
ekaḥ piṇdo daśāhe tu śmaśrukarmakaraḥ śuciḥ

siddhārthakaistilair vidvān majjedvāsoparaṃ dadhat(1) /AP_157.040ab/
ajātadante tanaye śiśau garbhasrute tathā

kāryo naivāgnisaṃskāro naiva cāsyodakakriyā /AP_157.041ab/
caturthe ca dinekāryas tathāsthnāṃ caiva sañcayaḥ

asthisañcayanādūrdhvamaṅgasparśo vidhīyate //42