Agni Purana · Chapter 156

:e ity āgneye mahāpurāṇe ācārādhyāyo nāma
pañcapañcāśadadhikaśatatamo 'dhyāyaḥ ||
% Chapter {156}
:ś atha ṣaṭpañcāśadadhikaśatatamo 'dhyāyaḥ
dravyacuddhiḥ
puṣkara uvāca
dravyaśuddhiṃ pravakṣyāmi punaḥpākena mṛṇmayaṃ /AP_156.001ab/
śuddhyen mūtrapurīṣādyaiḥ spṛṣṭāmraṃ suvarṇakaṃ

āvartitañcānyathā tu vāriṇāmllena tāmrakaṃ /AP_156.002ab/
kṣāreṇa kāṃsyalohānāṃ muktādeḥ kṣālanena tu

abjānāṃ(1) caiva bhāṇḍānāṃ sarvasyāśmamayasya ca /AP_156.003ab/
śākarajjumūlaphalavaidalānāṃ tathaiva ca

mārjanādyajñapātrāṇāṃ pāṇinā yajñakarmaṇi /AP_156.004ab/
uṣṇāmbunā sasnehānāṃ śuddhiḥ sammārjanādgṛhe

:n
1 duṣṭānāmiti ṭa..
:p 128
śodhanānmrakṣaṇādvastre(1) mṛttikādbhirviśodhanaṃ /AP_156.005ab/
bahuvastre prokṣaṇācca dāravāṇāñca takṣaṇāt

prokṣaṇāt saṃhatānāntu dravāṇāñca tathotplavāt /AP_156.006ab/
śayanāsanayānānāṃ śūrpasya śakaṭasya ca

śuddhiḥ samprokṣaṇāj jñeyā palālendhanayos tathā /AP_156.007ab/
śuddhārthakānāṅkalkena śṛṅgadantamayasya ca

gobālaiḥ palapātrāṇāmasthnāṃ syācchṛṅgavattathā /AP_156.008ab/
niryāsānāṃ guḍānāñca lavaṇānāṃ ca śoṣaṇāt

kuśumbhakusumānāñca ūrṇākārpāsayos tathā /AP_156.009ab/
śuddhannadīgataṃ toyaṃ puṇyantadvat prasāritaṃ

mukhavarjañca gauḥ śuddhā śuddhamaśvājayormukhaṃ /AP_156.010ab/
nārīṇāñcaiva vatsānāṃ śakunīnāṃ śuno mukhaṃ

mukhaiḥ prasravaṇe vṛtte mṛgayāyāṃ sadā śuci /AP_156.011ab/
bhuktvā kṣutvā tathā suptvā pītvā cāmbho vigāhya ca

rathyāmākramya cācāmedvāso viparidhāya ca /AP_156.012ab/
mārjāraś caṅkramācchuddhaś caturythe 'hni rajasvalā

snātā strī pañcame yogyā daive pitrye ca karmaṇi /AP_156.013ab/
pañcāpāne daśaikasminnubhayoḥ sapta mṛttikāḥ

ekāṃ liṅge mṛdaṃ dadyāt karayostridvimṛttikāḥ /AP_156.014ab/
brahmacārivanasthānāṃ yatīnāñca caturguṇaṃ

śrīphalair aṃśupaṭṭānāṃ kṣaumāṇāṅgaurasarṣapaiḥ /AP_156.015ab/
:n
1 śodhanābhyukṣaṇādvastre iti gha.. , ṅa.. ca
:p 129
śuddhiḥ paryukṣya toyena mṛgalomnāṃ prakīrtitā