Agni Purana · Chapter 122

:e ity āgneye mahāpurāṇe jyotiḥśastrasāro nāma
ekaviṃśatyadhikaśatatamo 'dhyāyaḥ ||
% Chapter {122}
:ś atha dvāviṃśatyadhikaśatatamo 'dhyāyaḥ
kālagaṇanaṃ
agnir uvāca
kālaḥ samāgaṇo vakṣye gaṇitaṃ kālabuddhaye /AP_122.001ab/
kālaḥ samāgaṇo 'rkaghno(1) māsaiś caitrādibhiryutaḥ

dvighno dvisṭḥaḥ savedaḥ syāt pañcāṅgaṣṭayutoguṇaḥ(2) /AP_122.002ab/
triṣṭho madhyo vasuguṇaḥ punarvedaguṇaś ca saḥ

aṣṭarandhrāgnihīnaḥ(3) syādadhaḥ saikarasāṣṭakaiḥ /AP_122.003ab/
madhyo hīnaḥ ṣaṣṭihato(4) labdhayuktastathopari

nyūnaḥ saptakṛto vārastadadhastithināḍayaḥ /AP_122.004ab/
saguṇo dviguṇaścoroddhvaṃ tribhirūno guṇaḥ punaḥ

adhaḥ svarāmasaṃyukto rasārkāṣṭaphalair yutaḥ /AP_122.005ab/
aṣṭāviṃśaccheṣapiṇḍastithināḍyā adhaḥ sthitaḥ

:n
1 samāgaṇorkābda iti kha.. , cha.. ca
2 pañcadaśayuto gaṇa iti ja..
3 aṣṭacandrāgnihīna iti ja..
4 ṣaṣṭihata iti ṅa..
:p 39
guṇastisṛbhirūnordhaṃ dvābhyāṃ ca guṇayet punaḥ /AP_122.006ab/
madhye rudraguṇaḥ kāryo hy adhaḥ saiko navāgnibhiḥ(1)

labdhahīno(2) bhavenmadhyo dvāviṃśativivarjitaḥ /AP_122.007ab/
ṣaṣṭiśeṣe ṛṇaṃ jñeyaṃ labdhamūrdhvaṃ vinikṣipet

saptaviṃśatiśeṣastu dhruvo nakṣatrayogayoḥ /AP_122.008ab/
māsi māsi kṣiped vārandvātriṃśadghaṭikāstithau

dve piṇḍe dve ca nakṣatre nāḍya ekādaśa hy ṛṇe /AP_122.009ab/
vārasthāne tithindadyāt saptabhirbhārgavamāharet

śeṣavārāś ca sūryādyā ghaṭikāsu ca pātayet /AP_122.010ab/
piṇḍikeṣu tithindadyāddhareccaiva caturdaśa

ṛṇaṃ dhanaṃ dhanamṛṇaṃ kramāj jñeyaṃ caturdaśe /AP_122.011ab/
prathame trayodaśe pañca dvitīyadvādaśe daśa

pañcadaśastṛtīye ca tathācaikādaśe smṛtāṃ /AP_122.012ab/
caturthe daśame caiva bhavedekonaviṃśatiḥ

pañcame navame caiva dvāviṃśatirudāhṛtāḥ /AP_122.013ab/
ṣaṣṭhāṣṭame tvakhaṇḍāḥ syuś caturviṃśatireva ca

saptame pañcaviṃśaḥ syāt khaṇḍaśaḥ piṇḍikād bhavet(3) /AP_122.014ab/
karkaṭādau haredrāśimṛtuvedatrayaiḥ kramāt

tulādau prātilomyena trayo vedarasāḥ kramāt /AP_122.015ab/
:n
1 saikena saptakair iti kha.. , ga.. ca
2 ṛtuhīna iti ṅa..
3 khaṇḍakaḥ piṇḍakādbhavediti kha.. , ga.. , gha.. , ṅa.. , cha.. , ja..
ca
:p 40
makarādau dīyate ca rasavedatrayaḥ kramāt /AP_122.015ab/
meṣādau prātilomyena trayo vedarasāḥ kramāt(1) /AP_122.016ab/
kheṣavaḥ khayugā maitraṃ meṣādau vikalā dhanam

karkaṭe prātilomyaṃ syādṛṇametat tulādike /AP_122.017ab/
caturguṇā tithirjñeyā vikalāśceha sarvadā

hanyālliptāgatāgāmipiṇḍasaṅkhyāphalantaraiḥ /AP_122.018ab/
ṣaṣṭyāptaṃ prathamoccārye hānau deyandhane dhanam

dvitīyoccarite varge vaiparītyamiti sthitiḥ /AP_122.019ab/
tithirdviguṇitā kāryā ṣaḍbhāgaparivarjitā

ravikarmaviparītā tithināḍīsamāyutā /AP_122.020ab/
ṛṇe śuddhe tu nāḍyaḥ syurṛṇaṃ śudhyeta no yadā

saṣaṣṭikaṃ pradeyantat ṣaṣṭyādhikye ca tattyajet(2) /AP_122.021ab/
nakṣatraṃ tithimiśraṃ syāccaturbhirguṇitā tithiḥ

tithistribhāgasaṃyuktā ṛṇena ca tathānvitā /AP_122.022ab/
tithiratra citā kāryā tadvedādyogaśodhanaṃ

ravicandrau samau kṛtvā yogo bhavati niś calaḥ /AP_122.023ab/
ekonā tithirdviguṇā saptabhinnā kṛtirdvidhā(3)

tithiś ca dviguṇaikonā kṛtāṅgaiḥ karaṇanniśi /AP_122.024ab/
:n
1 makarādau ity ādiḥ, vedarasāḥ kramādityantaḥ pāṭhaḥ cha..
pustake nāsti
2 santyajediti gha..
3 saptabhinnā gatirdvidheti kha.. / saptacchinnā kṛtirdvidheti gha.. , ja.. ca
:p 41
kṛṣṇacaturdaśyante śakuniḥ parvaṇīha catuṣpadaṃ

prathame tithyardhato hi kintughnaṃ pratipanmukhe //25