Agni Purana · Chapter 123

:e ity āgneye mahāpurāṇe kālagaṇanaṃ nāma
dvāviṃśatyadhikaśatatamo 'dhyāyaḥ ||
% Chapter {123}
:ś atha trayoviṃśatyadhikaśatatamo 'dhyāyaḥ
yuddhajayārṇavīyanānāyogāḥ
vakṣye jayaśubhādyarthaṃ sāraṃ yuddhajayārṇave /AP_123.001ab/
a+i+u+e+o svarāḥ syuḥ kramānnandādikā tithiḥ

kādihāntā bhaumaravī jñasomau gurubhārgavau /AP_123.002ab/
śanirdakṣiṇanāḍyāntu bhaumārkaśanayaḥ pare

khārṇavaḥ khasasair guṇyo rudrair bhāgaṃ samāharet /AP_123.003ab/
rasāhatantu tat kṛtvā pūrvabhāgena bhājayet

vahnibhiścāhataṃ kṛtvā(1) rūpantatraiva nikṣipet /AP_123.004ab/
spandanaṃ nāḍyāḥ phalāni saprāṇaspandanaṃ punaḥ

anenaiva tu mānena udayanti dine dine /AP_123.005ab/
sphuraṇaisribhirucchvāsa ucchvāsaistu palaṃ smṛtam

:n
1 vahnibhiś ca hṛtaṃ kṛtvā iti gha..
:p 42
ṣaṣṭibhiś ca palair liptā liptāṣaṣṭistvaharniśaṃ /AP_123.006ab/
pañcamārdhodaye bālakumārayuvavṛddhakāḥ

mṛtyuryenodayastena cāstamekādaśāṃśakaiḥ /AP_123.007ab/
kulāgame bhavedbhaṅgaḥ samṛtyuḥ pañcamo 'pivā

svarodayañcakraṃ
śanicakre cārdhamāsaṅgrahāṇāmudayaḥ kramāt /AP_123.008ab/
vibhāgaiḥ pañcadaśabhiḥ śanibhāgastu mṛtyudaḥ

śanicakraṃ
daśakotisahasrāṇi arvudānyarvudaṃ haret(1) /AP_123.009ab/
trayodaśe ca lakṣāṇi pramāṇaṃ kūrmarūpiṇaḥ

maghādau kṛttikādyantastaddeśāntaḥ śanisthitau /AP_123.010ab/
kūrmacakraṃ
rāhucakre ca saptordhamadhaḥ sapta ca saṃlikhet(2)

vāyvagnyoś caiva nairṛtye pūrṇimāgneyabhāgataḥ /AP_123.011ab/
abhāvāsyāṃ vāyave ca rāhurvai tithirūpakaḥ

rakāraṃ dakṣabhāge tu hakāraṃ vāyave likhet /AP_123.012ab/
pratipadādau kakārādīn sakāraṃ nairṛte punaḥ

rāhoemukhe tu bhaṅgaḥ syāditi rāhurudāhṛtaḥ /AP_123.013ab/
viṣṭiragnau(3) paurṇamāsyāṃ karāṇīndre tṛtīyakaṃ

ghorā yāmyāntu saptamyāṃ daśamyāṃ raudrasaumyagā /AP_123.014ab/
caturdaśyāntu vāyavye caturthyāṃ varuṇāśraye

:n
1 arvudānyarvudaṃ kramāditi jha..
2 saptarasāṃllikhediti jha..
3 viṣtirvahnau iti ga..
:p 43
śuklāṣṭabhyāṃ dakṣiṇe ca ekādaśyāṃ bhṛśantyajet /AP_123.015ab/
raudraś caiva tathā śveto maitraḥ sārabhaṭas tathā

sāvitrī virocanaś ca jayadevo 'bhijittathā(1) /AP_123.016ab/
rāvaṇo vijayaś caiva nandī varuṇa eva ca

yamasaumyau bhavaścānte daśapañcamuhūrtakāḥ /AP_123.017ab/
raudre raudrāṇi kurvīta śvete snānādikaṃ caret

maitre kanyāvivāhādi śubhaṃ sārabhaṭe caret /AP_123.018ab/
sāvitre sthāpanādyaṃ vā virocane nṛpakriyā

jayadeve jayaṃ kuryād rāvaṇe raṇakarma ca(2) /AP_123.019ab/
vijaye kṛṣivāṇijyaṃ paṭabandhaṃ ca nandini

varuṇe ca taḍāgādi nāśakarma yame caret /AP_123.020ab/
saumye saumyādi kurvīta bhavellagnamahardivā

yogā nāmnā viruddhāḥ syuryogā nāmnaiva śobhanāḥ /AP_123.021ab/
rāhurindrātsamīrañca vāyordakṣaṃ yamācchivam(3)

śivādāpyañjalādagniragneḥ saumyantatastrayam /AP_123.022ab/
tataś ca saṅkramaṃ hanti catasro ghaṭikābhraman

rāhucakraṃ
caṇḍīndrāṇī vārāhī ca muśalī girikarṇikā /AP_123.023ab/
balā cātibalā kṣīrī mallikājātiyūthikāḥ

yathālābhaṃ dhārayettāḥ śvetārkaś ca śatāvarī /AP_123.024ab/
guḍūcī vāgurī divyā oṣadhyo dhāritā jaye

:n
1 spandanamityādiḥ, jayadevobhijittathetyantaḥ pāṭhaḥ gha.. pustake
nāsti
2 jīvakarma ceti kha..
3 vāyoryāmyaṃ tataḥ śivamiti gha..
:p 44
oṃ namo bhairavāya(1) khaḍgaparaśuhastāya oṃ hrūṃ(2)
vighnavināśāya oṃ hrūṃ(3) phaṭ
anenaiva tu mantreṇa śikhābandhādikṛjjaye /AP_123.025ab/
tilakañcāñjanañcaiva dhūpalepanameva ca

snānapānāni tailāni yogadhūlimataḥ śṛṇu /AP_123.026ab/
śubhagā manaḥśilā tālaṃ lākṣārasasamanvitaṃ

taruṇīkṣīrasaṃyukto lalāṭe tilako vaśe /AP_123.027ab/
viṣṇukrāntā ca sarpākṣī sahadevañca(4) rocanā

ajādugdhena saṃpiṣṭaṃ tilakovaśyakārakaḥ /AP_123.028ab/
priyaṅgukuṅkumaṃ kuṣṭhaṃ mohanī tagaraṃ ghṛtaṃ

tilako vaśyakṛttacca rocanā raktacandanaṃ /AP_123.029ab/
niśā manaḥśilā tālaṃ priyaṅgusarṣapās tathā

mohanī haritā krāntā sahadevī śikhā tathā /AP_123.030ab/
mātulaṅgarasaiḥ piṣṭaṃ lalāṭe tilako vaśe

sendrāḥ surā vaśaṃ yānti kiṃ punaḥ kṣudramānuṣāḥ /AP_123.031ab/
mañjiṣṭhā candanaṃ raktaṃ kaṭkandā vilāsinī

punarnavāsamāyukto lepo 'yaṃ bhāskaro vaśe /AP_123.032ab/
candanaṃ nāgapuṣpañca mañjiṣṭhā tagaraṃ vacā(5)