Agni Purana · Chapter 116

:e ity āgneye mahāpurāṇe gayāmāhātmye gayayātrā nāma
pañcadaśādhikaśatatamo 'dhyāyaḥ ||
% Chapter {116}
:ś atha ṣoḍaśādhikaśatatamo 'dhyāyaḥ
gayāyātrāvidhiḥ
agnir uvāca
gāyatryaiva mahānadyāṃ snātaḥ(1) sandhyāṃ samācaret /AP_116.001ab/
gāyatryā agrataḥ prātaḥ śrāddhaṃ piṇḍamathākṣayaṃ

madhyāhne codyati(2) snātvā gītavādyair hyupāsya ca /AP_116.002ab/
sāvitrīpurataḥ sandhyāṃ piṇḍadānañca tatpade

agastyasya pade kuryādyonidvāraṃ praviśya ca /AP_116.003ab/
nirgato na punaryoniṃ praviśenmucyate bhavāt(3)

:n
1 prāta iti ka..
2 madhyāhne sarasīti ga..
3 mucyate bhayāditi cha.. , jha.. ca
:p 9
baliṃ kākaśilāyāñca kumārañca namettataḥ(1) /AP_116.004ab/
svargadvāryāṃ somakuṇḍe vāyutīrthe 'tha piṇḍadaḥ

bhavedākaśagaṅgāyāṃ kapilāyāñca piṇḍadaḥ /AP_116.005ab/
kapileśaṃ śivaṃ natvā rukmikuṇḍe ca piṇḍadaḥ

koṭītīrthe ca koṭīśaṃ natvāmoghapade naraḥ(2) /AP_116.006ab/
gadālole vānarake gopracāre ca piṇḍadaḥ(3)

natvā gāvaṃ vaitaraṇyāmekaviṃśakuloddhṛtiḥ /AP_116.007ab/
śrāddhapiṇḍapradātā(4) syāt krauñcapade ca piṇḍadaḥ(5)

tṛtīyāyāṃ viśālāyāṃ niścirāyāñca piṇḍadaḥ /AP_116.008ab/
ṛṇamokṣe pāpamokṣe bhasmakuṇḍe 'tha bhasmanā

snānakṛn mucyate pāpānnameddevaṃ janārdanam /AP_116.009ab/
eṣa piṇḍo mayā dattastava haste janārdana

paralokagate mahyamakṣyayyamupatiṣṭhatāṃ /AP_116.010ab/
gayāyāṃ pitṛrūpeṇa svayameva janārdanaḥ

taṃ dṛṣṭvā puṇḍarīkākṣaṃ mucyate vai ṛṇatrayāt /AP_116.011ab/
mārkaṇḍeyeśvaraṃ natvā namedgṛdhreśvaraṃ naraḥ(6)

mūlakṣetre maheśasya dhārāyāṃ piṇḍado bhavet /AP_116.012ab/
:n
1 namennara iti kha.. , ga.. , gha.. , ṅa.. , cha.. ca
2 māsapade 'nnada iti kha.. , gha.. ca
3 kapileśamityādiḥ, gopracāre ca piṇḍada ity antaḥ pāṭho ga..
pustake nāsti
4 śrāddhe piṇḍapradateti kha..
5 bhavedākāśagaṅgāyāmaityādiḥ, krauñcapāde ca piṇḍada ity
antaḥ pāṭhaḥ cha.. pustake nāsti
6 namedbhūteśvaraṃ nara iti gha..
:p 10
(1)gṛdhrakūṭe gṛdhravaṭe dhautapāde ca piṇḍadaḥ

puṣkariṇyāṃ kardamāle rāmatīrthe ca piṇḍadaḥ /AP_116.013ab/
prabhāseśannamet pretaśilāyāṃ piṇḍado bhavet

divyāntarīkṣabhūmiṣṭhāḥ pitaro bāndhavādayaḥ /AP_116.014ab/
pretādirūpā muktāḥ(2) syuḥ piṇḍair dattair mayākhilāḥ

sthānatraye pretaśilā gayāśirasi pāvanī /AP_116.015ab/
prabhāse pretakuṇḍe ca piṇḍadastārayet kulam

vasiṣṭheśannamaskṛtya tadagre piṇḍado bhavet /AP_116.016ab/
gayānābhau suṣumṇāyāṃ mahākoṣṭyāñca piṇḍadaḥ

gadādharāgrato muṇḍapṛṣṭhe devyāś ca sannidhau /AP_116.017ab/
muṇdapṛṣṭhaṃ namedādau kṣetrapālādisaṃyutam

pūjayitvā bhayaṃ na syādviṣarogādināśanam /AP_116.018ab/
brahmāṇañca namaskṛtya brahmalokaṃ nayet kulam

subhadrāṃ balabhadrañca prapūjya puruṣottamam /AP_116.019ab/
sarvakāmasamāyuktaḥ kulamuddhṛtya nākabhāk(3)

hṛṣīkeśaṃ namaskṛtya tadagre piṇḍado bhavet /AP_116.020ab/
mādhavaṃ pūjayitvā ca devo vaimāniko(4) bhavet

mahālakṣmīṃ prārcya gaurīṃ maṅgalāñca sarasvatīm /AP_116.021ab/
pitṝnuddhṛtya svargastho bhuktabhogo 'tra śāstradhīḥ

:n
1 sarvakāmasamāyuktaḥ kulamuddhṛtya lokabhāgiti pāṭhotra jha..
pustake 'dhiko 'sti
2 pretādirūpamuktā iti kha.. , ga.. , gha.. , ṅa.. , ja.. ca
3 kulamuddhṛtya lokabhāgiti ga.. , ja.. ca / vaśiṣṭheśamityādiḥ,
kulamuddhṛtya nākabhāgityantaḥ pāṭho jha.. pustake nāsti
4 devair vaimānika iti cha..
:p 11
dvādaśādityamabhyarya vahniṃ revantamindrakam /AP_116.022ab/
rogādimuktaḥ svargī syācchrīkapardivināyakam

prapūjya kārttikeyañca nirvighnaḥ siddhimāpnuyāt /AP_116.023ab/
somanāthañca kāleśaṅkedāraṃ prapitāmaham

siddheśvarañca rudreśaṃ rāmeśaṃ brahmakeśvaram /AP_116.024ab/
aṣṭaliṅgāni guhyāni pūjayitvā tu(1) sarvabhāk

nārāyaṇaṃ varāhañca nārasiṃhaṃ namecchriye /AP_116.025ab/
brahmaviṣṇumaheśākhyaṃ tripuraghnamaśeṣadam

sītāṃ rāmañca garuḍaṃ vāmanaṃ samprapūjya ca /AP_116.026ab/
sarvakāmānavāpnoti brahmalokaṃ nayet pitṝn

devaiḥ sārdhaṃ samprapūjya devamādigadādharam /AP_116.027ab/
ṛṇatrayavinirmuktastārayet sakalaṃ kulam

devarūpā śilā puṇyā tasmāddevamayī śilā /AP_116.028ab/
gayāyāṃ nahi tat sthānaṃ yatra tīrthaṃ na vidyate

yannāmnā pātayet piṇḍaṃ tannayedbrahma śāśvatam /AP_116.029ab/
phalgvīśaṃ phalgucaṇḍīṃ ca praṇamyāṅgārakeśvaram

mataṅgasya pade śrāddhī bharatāśramake bhavet /AP_116.030ab/
haṃsatīrthe koṭitīrthe yatra pāṇḍuśilānnadaḥ

tatra syādagnidhārāyāṃ madhusravasi piṇḍadaḥ /AP_116.031ab/
rudreśaṃ kilikileśaṃ namedvṛddhivināyakam(2)

piṇḍado dhenukāraṇye pade dhenor namecca gām /AP_116.032ab/
:n
1 pūjayitvātheti ka.. , gha.. , ṅa.. , ja.. ca
2 namedbuddhivināyakamiti kha.. , ga.. , cha.. ca / namedvṛddhavināyakamiti
gha..
:p 12
sarvān pitṝṃstārayecca sarasvatyāñca piṇḍadaḥ

sandhyāmupāsya sāyāhne nameddevīṃ sarasvatīm /AP_116.033ab/
trisandhyākṛdbhavedvipro vedavedāṅgapāragaḥ

gayāṃ pradakṣiṇīkṛtya gayāviprān prapūjya ca /AP_116.034ab/
annadānādikaṃ sarvaṃ kṛtantatrākṣayaṃ bhavet

stutvā samprārthayedevamādidevaṃ gadādharam /AP_116.035ab/
gadādharaṃ gayāvāsaṃ pitrādīnāṃ gatipradam

dharmārthakāmamokṣārthaṃ yogadaṃ praṇamāmyaham /AP_116.036ab/
dehendriyamanobuddhiprāṇāhaṅkāravarjitam

nityaśuddhaṃ buddhiyuktaṃ(1) satyaṃ brahma namāmyaham /AP_116.037ab/
ānandamadvayaṃ devaṃ devadānavavanditam

devadevīvṛndayuktaṃ sarvadā praṇamāmyaham /AP_116.038ab/
kalikalmaṣakālārtidamanaṃ(2) vanamālinam

pālitākhilalokeśaṃ(3) kuloddharaṇamānasam /AP_116.039ab/
vyaktāvyaktavibhaktātmāvibhaktātmānamātmani

sthitaṃ sthirataraṃ(4) sāraṃ vande ghorāghamardanam(5) /AP_116.040ab/
āgato 'smi gayāṃ deva pitṛkārye gadādharaḥ

tvaṃ me sākṣī bhavādyeha anṛṇo 'hamṛṇatrayāt /AP_116.041ab/
:n
1 nityaśuddhabuddhiyuktamiti gha.. , cha.. ca
2 kālārtināśanamiti gha.. / kālārtidalanamiti ga.. , ṅa.. , gha.. , ja.. ca
3 pālitākhiladeveśamiti gha..
4 sthitataramiti ga.. , gha.. , ṅa.. ca
5 vandehamarimardanamiti ṅa.. / vande saṃsāramardanamiti ja..
:p 13
sākṣiṇaḥ santu me devā brahmeśānādayas tathā

mayā gayāṃ samāsādya pitṝṇāṃ niṣkṛtiḥ kṛtā /AP_116.042ab/
gayāmāhātmyapaṭhanācchrāddhādau brahmalokabhāk

pitṝṇāmakṣayaṃ śrāddhamakṣayaṃ brahmalokadam //43