Agni Purana · Chapter 103

:e ity āgneye mahāpurāṇe dhvajārohaṇādividhirnāma
dvyadhikaśatatamo 'dhyāyaḥ
% Chapter {103}
:ś atha tryadhikaśatatamo 'dhyāyaḥ
jīrṇoddhāraḥ
īśvara uvāca
jīrṇādīnāñca liṅgānāmuddhāraṃ vidhinā vade /AP_103.001ab/
lakṣmojjhitañca bhagnañca sthūlaṃ vajrahataṃ tathā

saṃpuṭaṃ sphuṭitaṃ vyaṅgaṃ liṅgamityevamādikaṃ /AP_103.002ab/
ityādiduṣṭaliṅgānāṃ yojyā piṇḍī(3) tathā vṛṣaḥ

cālitañcalitaṃ liṅgamatyarthaṃ(4) viṣamasthitaṃ /AP_103.003ab/
diḍmūḍhaṃ pātitaṃ liṅgaṃ madhyasthaṃ patitaṃ tathā

evaṃvidhañca saṃsthāpya(5) nirbraṇañca bhavedyadi /AP_103.004ab/
nadyādikapravāhena tadapākriyate yadi

tato 'nyatrāpi saṃsthāpya vidhidṛṣṭena karmaṇā /AP_103.005ab/
:n
1 nyūnādidoṣanāśārthaṃ kṛtveti jha.. / nyūnādidoṣanāśāya
hutveti gha.. , ja.. ca
2 kartarbhogavata iti kha.. , cha.. ca
3 tyājyā piṇḍīti gha..
4 nimnamityarthamiti ja..
5 santyājyamiti jha..
:p 349
susthitaṃ dusthitaṃ vāpi(1) śivaliṅgaṃ na cālayet

śatena sthāpanaṃ kuryāt sahasreṇa tu cālanaṃ(2) /AP_103.006ab/
pūjādibhiś ca saṃyuktaṃ jīrṇādyamapi susthitaṃ(3)

yāmye maṇḍapamīśe vā pratyagdvāraikatoraṇaṃ /AP_103.007ab/
vidhāya dvārapūjādi sthaṇḍile mantrapūjanaṃ(4)

mantrān santarpya sampūjya vāstudevātuṃ pūrvavat /AP_103.008ab/
digbaliṃ ca vahirdatvā samācamya svayaṃ guruḥ

brāhmaṇān bhojayitvā tu śambhuṃ(5) vijñāpayettataḥ /AP_103.009ab/
duṣṭaliṅgamidaṃ śaṃbhoḥ śāntiruddhāraṇasya cet(6)

rusistavādividhinā(7) adhitiṣṭhasva māṃ śiva /AP_103.010ab/
evaṃ vijñāpya deveśaṃ śāntihomaṃ samācaret

madhvājyakṣīradūrvābhirmūlenāṣṭādhikaṃ śataṃ /AP_103.011ab/
tato liṅgaṃ ca saṃsthāpya pūjayet sthiṇḍile(8) tathā

oṃ vyāpakeśvarāyeti nāṭyantaṃ śivavādinā(9) /AP_103.012ab/
:n
1 dusthitaṃ cāpīti ga..
2 sahasreṇa ca cālayediti ga..
3 jīrṇādyamapi saṃsthitamiti kha.. , cha.. ca / pūjayā rahitaṃ
yattadanniṣṭhamapi duḥsthitamiti kha.. , gha.. , pustake 'dhikaḥ
pāṭhaḥ
4 sthaṇḍileśaprapūjanamiti kha.. , ga.. , ṅa.. , cha.. , jha.. ca / sthaṇḍile
samprapūjanamiti gha.. , ja.. ca
5 sarvamiti ka..
6 śāntiruddharaṇe nyasediti kha.. , ga.. , gha.. , cha.. ca
7 rucistavāsti vidhineti kha.. , ṅa.. , cha.. , ja.. ca
8 sthaṇḍilamiti kha.. , gha.. , cha.. , ja.. ca
9 oṃ vyāpakeśvarāyeti tattvenābhyantarādine iti kha.. / oṃ
vyāpakeśvarāyeti nātyantaśivavācineti gha.. / oṃ vyāpakeśvarāyeti
tattvenātyantavādine iti cha..
:p 350
oṃ vyāpakaṃ hṛdayeśvarāya namaḥ(1) / oṃ vyāpakeśvarāya
śirase namaḥ(2) / ity ādyaṅgamantrāḥ(3)
tatastatrāśritaṃ tattvaṃ śrāvayedastramastataḥ(4)

sattvaḥ kopīha(5) yaḥ kopiliṅgamāśritya tiṣṭhati /AP_103.013ab/
liṅgantyaktvā śivājñābhiryatreṣṭaṃ tatra gacchatu

vidyāvidyeśvarair yuktaḥ sa bhavotra(6) bhaviṣyati /AP_103.014ab/
sahasraṃ pratibhāge ca tataḥ pāśupatāṇunā(7)

hutvā śāntyambunā prokṣya spṛṣṭvā kuśair japettataḥ(8) /AP_103.015ab/
datvārghaṃ ca vilomena tattvatattvādhipāṃs tathā

aṣṭamūrtīśvarān liṅga(9) piṇḍikāsaṃsthitān guruḥ /AP_103.016ab/
visṛjya svarṇapāśena vṛṣaskandhasthayā tathā

rajvā vadhvā tayā nītvā śivamantaṃ gṛṇan janaiḥ /AP_103.017ab/
tajjale nikṣipen mantrī puṣṭhyarthaṃ juhuyācchataṃ

tṛptaye dikpatīnāñca vāstuśuddhau(10) śataṃ śataṃ /AP_103.018ab/
rakṣāṃ vidhāya taddhāmni mahāpāśupatā tataḥ

liṅgamanyattatastatra vidhivat sthāpayed guruḥ /AP_103.019ab/
asurair munibhirgotrastantravidbhiḥ(11) pratiṣṭhitaṃ

:n
1 oṃ vyāpakeśvarāya hṛdayāya nama iti kha.. , ga.. ca / oṃ
vyāpakeśvara hṛdayā nama iti jha.. , gha.. ca
2 śirase svāheti ja..
3 ity aṅgamantrā iti kha.. , ṅa.. , ca / ity ādimantrā iti cha..
4 snāpayedastramantrata iti cha.. / dhārayedastramantrata iti ja..
5 siddhvaḥ kopīheti gha..
6 śambhuratreti gha.. , ja.. ca / prabhuratreti kha.. , cha.. ca
7 pāśupatātmaneti kha.. , ga.. , cha.. ca
8 darbhair japettata iti ṅa..
9 mūrtimūrtīśvarān liṅge iti kha.. , gha.. , ṅa.. , cha.. ca
10 vāstumadhye gha..
11 tattvavidbhiriti kha.. , gha.. , cha.. , ja.. ca
:p 351
jīrṇaṃ vāpyathavā bhagnaṃ(1) vidhināpi nacālayet /AP_103.020ab/
eṣa eva vidhiḥ kāryojīrṇadhāmasamuddhṛtau

khaḍge mantragaṇaṃ nyasya kārayet mandirāntaraṃ /AP_103.021ab/
saṅkoce maraṇaṃ proktaṃ vistāro tu dhanakṣayaḥ