Yogayātrā · Chapter 33

śuddhair dvādaśakendranaidhanagataiḥ pāpais triṣaṣṭhāyagair
lagne kendragate 'thavā suragurau daiteyapūjye 'thavā/
sarvārambhaphalaprasiddhir udaye rāśau ca kartuḥ śubhe
svagrāmyasthirabhodaye subhavanaṃ kāryaṃ praveśo 'pi vā//

krūrodaye tadahani vyatipātayoge rikte tithāv ṛtusamāptiṣu vaidhṛte vā/
tīkṣṇograbheṣu ca hutāśaviṣābhighātaraudrāṇi siddhim upayāny asite ca pakṣe//

ketūlkārkajarāhukīlakakujā bimbapraviṣṭā yataḥ
sūryendvoḥ pariveṣakhaṇḍam athavā dṛśyeta yasyāṃ diśi/

kroṣṭuśvāhipipīlikāśaśamṛgādhvāṃkṣādayo vā pure
sainye vāpi yato viśanti hi tataḥ śastroḥ puraṃ ghātayet//

pātālarkṣe rāhuketvoḥ pure 'res toyocchittiḥ sālapātaś ca kāryaḥ/
jāmitrasthe bhūmije 'syāṃśake vā putreṇendor vīkṣite 'gniḥ pradeyaḥ//E5