Yogayātrā · Chapter 34

digdāhakṣatajarajośmavṛṣṭipātair nirghātakṣiticalanād ivaikṛtaiś ca/
yuddhānte mṛgaśakunaiś ca dīptanādair no bhadraṃ bhavati jaye 'pi pārthivasya//

śubhā mṛgapatatriṇo mṛdusamīraṇo hlādakṛt
grahāḥ sphuṭamarīcayo vigatareṇudiṅmaṇḍalam/

yadānyad api vaikṛtaṃ na vijayāvasāne bhavet
tadā sukham akaṇṭakaṃ nṛpatir atti deśaṃ ripoḥ/
udvāham akālotsavam abhiṣekaṃ cātmajasya yaḥ kṛtvā/
prasthānāvihataḥ so 'bhyeti tataś cotsavadineṣu//

paraviṣayapurāptau sādhudevadvijasvaṃ
kulajanavanitāś ca kṣmādhipo noparundhyāt/
vigajaturagaśastrānnārtibhītāṃś ca hanyāc
chubhatithidivasarkṣe hṛṣṭasainyo vaśec ca//

svaviṣayam upagamya mānavendro 'valim upayācitakāni cādhikāni/
nigaditavidhinaiva saṃpradadyāt prathamagaṇāsurabhūtadaivatebhyaḥ//

iti manujapatir yathopadeśaṃ bhagaṇavidāṃ prakaroti yo vacāṃsi/
sa sakalanṛpamaṇḍalādhipatyaṃ vrajati diviva purandaro 'cireṇa//E6