યોગયાત્રા · અધ્યાય 33

શુદ્ધૈર્ દ્વાદશકેન્દ્રનૈધનગતૈઃ પાપૈસ્ ત્રિષષ્ઠાયગૈર્
લગ્ને કેન્દ્રગતે ઽથવા સુરગુરૌ દૈતેયપૂજ્યે ઽથવા।
સર્વારમ્ભફલપ્રસિદ્ધિર્ ઉદયે રાશૌ ચ કર્તુઃ શુભે
સ્વગ્રામ્યસ્થિરભોદયે સુભવનં કાર્યં પ્રવેશો ઽપિ વા॥

ક્રૂરોદયે તદહનિ વ્યતિપાતયોગે રિક્તે તિથાવ્ ઋતુસમાપ્તિષુ વૈધૃતે વા।
તીક્ષ્ણોગ્રભેષુ ચ હુતાશવિષાભિઘાતરૌદ્રાણિ સિદ્ધિમ્ ઉપયાન્ય્ અસિતે ચ પક્ષે॥

કેતૂલ્કાર્કજરાહુકીલકકુજા બિમ્બપ્રવિષ્ટા યતઃ
સૂર્યેન્દ્વોઃ પરિવેષખણ્ડમ્ અથવા દૃશ્યેત યસ્યાં દિશિ।

ક્રોષ્ટુશ્વાહિપિપીલિકાશશમૃગાધ્વાંક્ષાદયો વા પુરે
સૈન્યે વાપિ યતો વિશન્તિ હિ તતઃ શસ્ત્રોઃ પુરં ઘાતયેત્॥

પાતાલર્ક્ષે રાહુકેત્વોઃ પુરે ઽરેસ્ તોયોચ્છિત્તિઃ સાલપાતશ્ ચ કાર્યઃ।
જામિત્રસ્થે ભૂમિજે ઽસ્યાંશકે વા પુત્રેણેન્દોર્ વીક્ષિતે ઽગ્નિઃ પ્રદેયઃ॥એ5