Yoga Vasistha · Chapter 3.63

triṣaṣṭitamaḥ sargaḥ

śrīvasiṣṭha uvāca /
yadetadbrahmatattvaṃ sarvathā sarvadaiva sarvata eva sarva-
śakti sarvākāraṃ sarveśvaraṃ sarvagaṃ sarvameveti

eṣa tvātmā sarvaśaktitvācca kvaciccicchaktiṃ praka-
ṭayati kvacicchāntiṃ kvacijjaḍaśaktiṃ kvacidullāsaṃ
kvacitkiṃcinna kiṃcitprakaṭayati

yatra yadā yadevāsau yathā bhāvayati tatra tadā
tadevāsau prapaśyati

sarvaśakterhi yā yaiva yathodeti tathaiva sā

tadāsti śaktirnānārūpiṇī sā svabhāvata imāḥ
śaktayo'yamātmeti

evaṃ vikalpajālaṃ vyavahārārthaṃ dhīmadbhiḥ parika-
lpitaṃ loke natvātmani vidyate bhedaḥ

yathormitaraṅgapayasāṃ sāgare kaṭakāṅgadakeyūrairvā
hemnaḥ / avayavāvayavinoḥ saṃvitkālpanikī dvitā
na vāstavī

yathā yaccetyate hi tathaiva tanna bāhyato nāntarata-
ścaitatsamudeti hi

sarvātmatvātsamābhāsaṃ kvacitkiṃcitprapaśyati

sarvākāramayaṃ brahmaivedaṃ tataṃ mithyājñānavadbhiḥ
śaktiśaktimattve avayavāvayavirūpe kalpite na pāra-
mārthike

sadvā bhavatvasadvā cidyatsaṃkalpayatyabhiniviśati
tattatpaśyati sakalā tatsadbrahmaiva cidbhāti

ityārṣe śrīvāsiṣṭhamahārāmāyaṇe vālmīkīye utpattiprakaraṇe līlo० cittavikāro nāma triṣaṣṭitamaḥ sargaḥ