યોગવાસિષ્ઠ · અધ્યાય 3.63

ત્રિષષ્ટિતમઃ સર્ગઃ

શ્રીવસિષ્ઠ ઉવાચ ।
યદેતદ્બ્રહ્મતત્ત્વં સર્વથા સર્વદૈવ સર્વત એવ સર્વ-
શક્તિ સર્વાકારં સર્વેશ્વરં સર્વગં સર્વમેવેતિ

એષ ત્વાત્મા સર્વશક્તિત્વાચ્ચ ક્વચિચ્ચિચ્છક્તિં પ્રક-
ટયતિ ક્વચિચ્છાન્તિં ક્વચિજ્જડશક્તિં ક્વચિદુલ્લાસં
ક્વચિત્કિંચિન્ન કિંચિત્પ્રકટયતિ

યત્ર યદા યદેવાસૌ યથા ભાવયતિ તત્ર તદા
તદેવાસૌ પ્રપશ્યતિ

સર્વશક્તેર્હિ યા યૈવ યથોદેતિ તથૈવ સા

તદાસ્તિ શક્તિર્નાનારૂપિણી સા સ્વભાવત ઇમાઃ
શક્તયોઽયમાત્મેતિ

એવં વિકલ્પજાલં વ્યવહારાર્થં ધીમદ્ભિઃ પરિક-
લ્પિતં લોકે નત્વાત્મનિ વિદ્યતે ભેદઃ

યથોર્મિતરઙ્ગપયસાં સાગરે કટકાઙ્ગદકેયૂરૈર્વા
હેમ્નઃ । અવયવાવયવિનોઃ સંવિત્કાલ્પનિકી દ્વિતા
ન વાસ્તવી

યથા યચ્ચેત્યતે હિ તથૈવ તન્ન બાહ્યતો નાન્તરત-
શ્ચૈતત્સમુદેતિ હિ

સર્વાત્મત્વાત્સમાભાસં ક્વચિત્કિંચિત્પ્રપશ્યતિ

સર્વાકારમયં બ્રહ્મૈવેદં તતં મિથ્યાજ્ઞાનવદ્ભિઃ
શક્તિશક્તિમત્ત્વે અવયવાવયવિરૂપે કલ્પિતે ન પાર-
માર્થિકે

સદ્વા ભવત્વસદ્વા ચિદ્યત્સંકલ્પયત્યભિનિવિશતિ
તત્તત્પશ્યતિ સકલા તત્સદ્બ્રહ્મૈવ ચિદ્ભાતિ

ઇત્યાર્ષે શ્રીવાસિષ્ઠમહારામાયણે વાલ્મીકીયે ઉત્પત્તિપ્રકરણે લીલો૦ ચિત્તવિકારો નામ ત્રિષષ્ટિતમઃ સર્ગઃ