Vṛttaratnākara · Chapter 6

iti śrīmadbhaṭṭarāmeśvarasūnunārāyaṇabhaṭṭaviracitāyāṃ vṛttaratnākaravyākhyāyāṃ
pañcamo 'dhyāyaḥ //
ṣaṣṭho 'dhyāyaḥ
[prastāraḥ]
prastāro naṣṭamuddiṣṭamekadvayādilagakriyā /
saṅkhyānamadhvayogaśca ṣaḍete pratyayāḥ smṛtāḥ

pāde sarvagurāvādyāllaghuṃ nyasya guroradhaḥ /
yathopari tathā śeṣaṃ bhūyaḥ kuryādamuṃ vidhim

ūne dadyād gurūneva yāvatsarvalaghurbhavet /
prastāro 'yaṃ samākhyātaśchandovicitivedibhiḥ

[naṣṭam]
naṣṭasya yo bhavedaṅkastasyārdhe 'rdhe same ca laḥ //
viṣame caikamādhāya syādardhe 'rdhe gurubhavet

[uddiṣṭam]
uddiṣṭaṃ dviguṇānādyāduparyaṅkānsamālikhet /
laghusthā ye ca tatrāṅkāstaiḥ saikairmiśritairbhavet

[ekadvayādilagakriyā]
varṇānvṛttabhavānsaikānauttarādharyataḥ sthitān /
ekādikramataścaitānuparyupari nikṣipet

upāntyato nivarteta tyajannekaikamūrdhvataḥ /
uparyādyād gurorekamekadvyādilagakriyā

[saṅkhyānam]
lagakriyāṅkasandohe bhavetsaṅkhyā vimiśrite /
uddiṣṭāṅkasamāhāraḥ saikā vā janayedimām

[adhvayogaḥ]
saṅkhyaiva dviguṇaikonā sadbhiradhvā prakīrtitaḥ //
vṛttasyāṅgulikā vyāptiradhaḥ kuryāttathāṅgulim

vaṃśe 'bhūtkaśyapasya prakaṭaguṇagaṇaḥ śaivasiddhāntavettā
vipraḥ pavyekanāmā vimalataramatirvedatattvārthabodhe /
kedārastasya sūnuḥ śivacaraṇayugārādhanaikāgracittaśchandastenābhirāmaṃ
vṛttaratnākarākhyam