વૃત્તરત્નાકર · અધ્યાય 6

ઇતિ શ્રીમદ્ભટ્ટરામેશ્વરસૂનુનારાયણભટ્ટવિરચિતાયાં વૃત્તરત્નાકરવ્યાખ્યાયાં
પઞ્ચમો ઽધ્યાયઃ ॥
ષષ્ઠો ઽધ્યાયઃ
[પ્રસ્તારઃ]
પ્રસ્તારો નષ્ટમુદ્દિષ્ટમેકદ્વયાદિલગક્રિયા ।
સઙ્ખ્યાનમધ્વયોગશ્ચ ષડેતે પ્રત્યયાઃ સ્મૃતાઃ

પાદે સર્વગુરાવાદ્યાલ્લઘું ન્યસ્ય ગુરોરધઃ ।
યથોપરિ તથા શેષં ભૂયઃ કુર્યાદમું વિધિમ્

ઊને દદ્યાદ્ ગુરૂનેવ યાવત્સર્વલઘુર્ભવેત્ ।
પ્રસ્તારો ઽયં સમાખ્યાતશ્છન્દોવિચિતિવેદિભિઃ

[નષ્ટમ્]
નષ્ટસ્ય યો ભવેદઙ્કસ્તસ્યાર્ધે ઽર્ધે સમે ચ લઃ ॥
વિષમે ચૈકમાધાય સ્યાદર્ધે ઽર્ધે ગુરુભવેત્

[ઉદ્દિષ્ટમ્]
ઉદ્દિષ્ટં દ્વિગુણાનાદ્યાદુપર્યઙ્કાન્સમાલિખેત્ ।
લઘુસ્થા યે ચ તત્રાઙ્કાસ્તૈઃ સૈકૈર્મિશ્રિતૈર્ભવેત્

[એકદ્વયાદિલગક્રિયા]
વર્ણાન્વૃત્તભવાન્સૈકાનૌત્તરાધર્યતઃ સ્થિતાન્ ।
એકાદિક્રમતશ્ચૈતાનુપર્યુપરિ નિક્ષિપેત્

ઉપાન્ત્યતો નિવર્તેત ત્યજન્નેકૈકમૂર્ધ્વતઃ ।
ઉપર્યાદ્યાદ્ ગુરોરેકમેકદ્વ્યાદિલગક્રિયા

[સઙ્ખ્યાનમ્]
લગક્રિયાઙ્કસન્દોહે ભવેત્સઙ્ખ્યા વિમિશ્રિતે ।
ઉદ્દિષ્ટાઙ્કસમાહારઃ સૈકા વા જનયેદિમામ્

[અધ્વયોગઃ]
સઙ્ખ્યૈવ દ્વિગુણૈકોના સદ્ભિરધ્વા પ્રકીર્તિતઃ ॥
વૃત્તસ્યાઙ્ગુલિકા વ્યાપ્તિરધઃ કુર્યાત્તથાઙ્ગુલિમ્

વંશે ઽભૂત્કશ્યપસ્ય પ્રકટગુણગણઃ શૈવસિદ્ધાન્તવેત્તા
વિપ્રઃ પવ્યેકનામા વિમલતરમતિર્વેદતત્ત્વાર્થબોધે ।
કેદારસ્તસ્ય સૂનુઃ શિવચરણયુગારાધનૈકાગ્રચિત્તશ્છન્દસ્તેનાભિરામં
વૃત્તરત્નાકરાખ્યમ્