Viṣvaksenasaṃhitā · Chapter 22

iti śrīpāñcarātre viṣvaksenasaṃhitāyāṃ [matsyādyarcanaphalakathanaṃ nāma] ekaviṃśo 'dhyāyaḥ ||
dvāviṃśo 'dhyāyaḥ
viṣvaksenaḥ---
athātaḥ saṃpravakṣyāmi snapanasya vidhiṃ param /
prāsādāgre muniśreṣṭha maṇḍapaṃ kārayet kramāt

triṃśaddhastāyataṃ brahman tadardhaṃ vistṛtaṃ bhavet /
evaṃ jñātvā muniśreṣṭha maṇḍapaṃ tu śubhaṃ param

śilpaśāstrānusāreṇa śeṣamasmin samācaret /
yathāsaṃbhavato vāpi cāgre maṇḍapamācaret

maṇḍapaṃ tu tridhā kṛtvā tanmadhye kalaśān nyaset /
paścimasyāṃ tṛtīye tu bhāge tu snānavedikām

kārayecchāstradṛṣṭena (-dṛṣṭyā tu?) tatkramaṃ cādhunā śṛṇu /
dvihastamekahastaṃ vā saṃjñātvā mānamatra tu

kārayedvedikāṃ pūrvaṃ vistārāyāmatādṛśam /
hastoddhṛtaṃ tadardhaṃ vā vedikālakṣaṇaṃ mune

caturaṅgulamutsedhaṃ ghanaṃ tādṛśamucyate /
vedikāyāṃ tadūrdhve tu mekhalāṃ parito nyaset

karṇikāsahitaṃ madhye cāṣṭapatrakamuttamam /
kārayeduttare tasya snānakulyaṃ yathākramam

tālamānena kartavyaṃ snānakulyaṃ samekhalam /
pūrvavanmekhalāṃ kuryāt madhye dhārāṃ samācaret

uttare vedikāyāṃ tu snānaśvabhraṃ tu kāreyat /
śilābhiriṣṭakābhirvā mṛdā vā vedimācaret

evaṃ saṃkṣepataḥ proktaṃ viśeṣaṃ kathayāmi te /
nitye naimittike caiva sarvasaṃpatsukhāvaham

sauvarṇaṃ rājataṃ vāpi tāmraṃ vā rītikāṃ tathā /
miśralohamayaṃ vāpi saṃgṛhyāstreṇa nārada

kārayedvedikāṃ tatra caturgātrasamanvitām /
kārayecchilpibhiḥ samyak ācāryānujñayā mune

pevauktena vidhānena kāṣṭhairvā vedimācaret /
evaṃ saṃkṣepataḥ proktaṃ sūtrapātavidhiṃ śṛṇu

prākpratyagbrahmasūtraṃ tu kārayet prathamaṃ mune /
madhyabhāgaṃ samāśritya tatsūtraṃ brahmavṛddhidam

kṣatriyasya jayārtha tat vaiśyasya sukhavṛddhidam /
śūdraḥ sadgatimāpnoti tasmāttatsūtramācaret

prāgagrānudagagrān bhāskarasūtrān suśālipiṣṭāktān /
padmāto tamisrāṣaḥ (?) pārśvasthāḥsarvatastyaktvā

catasrolī (?) vīthyarthaṃ pramṛjya paṅktyāpi pārśvayoḥ /
sūtraṃ vyūhānāṃ tava navapadakāṅgulāyāmān

kṛtvā vibhajet paścāt praṇavenābhyukṣya padaśuddhyai /
pratyekaṃ prasthenāpūrya kalaśāni śālīnām

prasthāpya kūrcayuktānyatha sarvadravyāṇi sāpidhānam /
śuddhānyāḍhakapūrṇāpūrṇānyatha gandhādyarcyadivasāntam

pratiyūpaṃ navavastrairāveṣṭya punastu pādyādi yavodakam /
......rāmaṃ kuryāt snapanaṃ śāstrārthatattvajñaḥ

etallakṣaṇahīnān devān mānuṣādvāpi virodhāt /
tatsthānasyānupapatyā sūtrapāte 'pyakauśalyāt

nāradaḥ--- pratyāsanne snapane kiṃ kartavyaṃ tribhirharerbhaktaiḥ /
snapanaṃ praśnamimaṃ lokahitārtha bravītu bhagavān

viṣvaksenaḥ--- vakṣyāmyuttaramasya śṛṇu bhaktānāṃ hitāya tava sādho /
............tatsthāne vrīhirnāsti yatra tatrāpi

vrīhisthāne vilikhet viṣṇubījaṃ sabindunāmikayā /
praṇavaṃ japan prasannastadupari saṃsthāpya kalaśāni

aṣṭākṣareṇa kuryāt snapanaṃ sarvārthasādhako bhavati /
ityuktaṃ mama guruṇā snapanamidaṃ sāratastavoddiṣṭam

dravyāṇāṃ parimāṇaṃ dravyākhyānāmāḍhakaṃ (?) kathitam /
tadalābher'dhaṃ vāpi ni tridaśamune trīṇi raṇānām

... idhmānāṃ śuṣkānāmetattriguṇaṃ tathātrāṇām (?) /
susnigdhaṃ tanusūtrapañcaratnyāyataṃ navaṃ vastram (?)

snapanānte pūrvoktaṃ paṅkajamālikhya tatra haribījam /
kūrcasyopari kuryāt rajanīcūrṇamāḍhakapūrṇam

saṃprokṣya prāguktābhāver'dhāḍhakaṃ vāpi /
praṇavaṃ japan mathitvā kūrcenādhomukhaṃ tadevātra

prakṣipya sāpidhānaṃ pūjya yathāpūrvamabhiṣekam /
kṛtvārdhasnapanaṃ vālukavṛkṣāmrakaśuklodaiḥ

ācchādyāṃśukamukhyairarghyādyabhyarcya dīpāntam /
nivedya havirmahatā tridaśamune sādhakaḥ siddhaḥ (?)

dravyāṇāṃ devatānāṃ ca lakṣaṇaṃ kathayāmi te /
saṃkṣepeṇa muniśreṣṭha snapane 'smin yathākramam

āḍhakena tu saṃpūrṇaṃ kapilājyamanuttamam /
saṃgṛhya muniśārdūla deveśamabhiṣecayet

śuddhatoyaṃ tu saṃgṛhya kṣīravṛkṣodbhavendhanaiḥ /
siddhaṃ devagṛhe samyak uṣṇodakamanuttamam

vajraṃ ca mauktikaṃ caiva maṇivaiḍūryameva ca /
pravālaṃ sphaṭikaṃ caiva kadalīphalameva ca

bilvamāmalakaṃ caiva kadalīphalameva ca /
nārikelaṃ ca havyaṃ ca tathā vai bījapūrakam

panasāmraṃ tathāṣṭāṅgaṃ phalāmbhaḥ parikīrtitam /
suvarṇaṃ rajataṃ tāmraṃ rītimāyasameva ca

trapukaṃ lohatoyasya cāṅgāni paripaṭhyate /
rajanī sahadevī ca śirīṣaṃ sūryavartanī

kuśāgrāṇi sadadrābha (sadābhadraṃ?) mārjanadravyamucyate /
kuṅkumaṃ cāgaruṃ caiva candanośīrameva ca

hariberaṃ (hrīberaṃ ca?) muraṃ caiva koṣṭhaṃ māṃsīte paṭhyate /
gandhadravyamiti proktamakṣatodakamucyate

kṣālitaṃ śuddhatoyena pañcamantraiḥ kramānmune /
prasthasyārdhākṣataṃ caiva kalaśe nikṣipedbudhaḥ

pañcaviṃśatibhirvāpi tasyārdhaṃ vārdhameva vā /
yavaṃ gṛhya muniśreṣṭha toyamadhye vinikṣipet

śyāmākaṃ viṣṇuparṇī ca dūrvā cāmbujameva ca /
pādyadravyamiti proktaṃ samāsena mahāmate

ghṛtavaddadhi saṃgṛhya mantreṇādyena mantravit /
pūrayet kalaśe madhye cārghyadravyamihocyate

evaṃ gandhaṃ phalaṃ puṣpaṃ siddhārthākṣatameva ca /
kuśāgrāṇi tilaṃ caiva aṣṭāṅgaṃ cārghyamucyate

kṣīramājyena saṃyuktaṃ madhyame kalaśe nyaset /
akṣataṃ jātikakkolaṃ lavaṅgaṃ tilameva ca

dravyāṇyācamanīyārthapātratoye vinikṣipet /
vṛkṣodbhavaṃ navaṃ gṛhya madhu cāḍhakameva ca

tasyālābhe tu sarpiḥ syāt itthaṃ lakṣaṇamucyate /
prasthapādaṃ ghṛtaṃ caiva dadhi taddviguṇaṃ bhavet

triguṇaṃ kṣīrasaṃyuktaṃ gomayaṃ tu caturguṇam /
ṣaḍguṇaṃ caiva gomūtraṃ pañcagavyasya lakṣaṇam

palāśakhadirāśvatthabilvamaudumbaraṃ tathā /
vaikaṅkataśamījālāṃ (-jambū?)kaṣāyāṅgamiti smṛtam

kapilājyasyābhāve tu cānyad goghṛtamucyate /
uṣṇodakasyābhāve tu puṣpatoyaṃ praśasyate

ratnānāmapyalābhe tu muktamekaṃ (?) praśasyate /
phalānāmapyalābhe tu kadalīphalamuttamam

lohānāmapyalābhe tu suvarṇaṃ śasyate param /
mārjane sahadevī ca śeṣālābhe praśasyate

gandhadravye tathośīraṃ śeṣālābhe praśasyate /
abhāve cākṣatasyaiva yathāsaṃbhavamācaret

yavābhāve tu śālī (-li?) syāt veṇubījamathāpi vā /
dravyāṇāmapyalābhe tu pādye dūrvā praśasyate

eteṣāmapyalābhe tu arghye siddhārthakaṃ param /
śeṣālābhe tu kakkolaṃ śastamācamanīyake

abhāve pañcagavyasya gomayādyaṃ praśasyate /
dadhigomayadugdhājyaṃ yathālābhaṃ praśasyate

aśvatthaṃ ca praśastaṃ syāt śeṣālābhe kaṣāyake /
dravyāṇāmapyalābhe tu puṣpaireva prakalpayet

navavastrāṇi sarvāṇi sarvadravyasamaṃ bhavet /
tasmāt sarvaprayatnena vastrābhāve tu neṣyate

dravyāṇāṃ lakṣaṇaṃ proktaṃ ghṛtādi munisattama /
yāvadvastrāvasānaṃ hi tāvaddravyāṇi nikṣipit

śeṣāstu kalaśāḥsarve śuddhodakasamanvitāḥ /
atra saptadaśa proktāḥ pradhānakalaśāstu ye

tān sarvān viṣṇugāyatryā sthāpayecca pṛthakpṛthak /
śeṣānanyāṃścatuṣṣaṣṭi dvādakṣākṣaravidyayā

sthāpayet kalaśān sarvān prāṅmukho vāpyudaṅmukhaḥ /
navavastrāṇi sarvāṇi mūrtimantramanusmaran

kalaśānāṃ tadūrdhve tu prāgagreṇa tu sādhakaḥ /
toraṇān kalaśān sarvān gandhapuṣpādinārcayet

carmarogādirahitaṃ kṛmikīṭavivarjitam /
rajaḥsvena guhāḥśukyolūkhale kṣipya sādhakaḥ (?)

punaḥpunarmuniśreṣṭha dvādaśākṣaravidyayā /
gaṇikādīnalaṃkṛtya maṅgalālāpanairyutam

śaṅkhabheryādisaṃyuktaṃ ghātayedvaiṣṇavaiḥsaha /
musalaṃ saṃgrahettatra ghātayecca punaḥ punaḥ

tataḥ parāgaṃ saṃgṛhya pūrayet kalaśaṃ kramāt /
kalaśānte muniśreṣṭha deveśamabhiṣecayet

evaṃ dravyāṇi (dravyaṃ tu?) saṃproktamuddhāraṇamatho mune /
pādyaṃ tu prathamaṃ dadyāt dvitīyaṃ cārghyamucyate

tṛtīyamācamanīyaṃ pañcagavyaṃ caturthakam /
ghṛtaṃ tu pañcamaṃ vidyāt dadhi ṣaṣṭhaṃ tathaiva ca

saptamaṃ tu tataḥ kṣīraṃ madhu caiva tathāṣṭamam /
kaṣāyaṃ navamaṃ caiva uṣṇāmbho daśamaṃ smṛtam

ekādaśyāṃ(-śaṃ?) phalāmbhastu dvādaśyā(-śaṃ?)mārjanodakam /
trayodaśaṃ ca sāṃbhojaṃ ratnatoyaṃ caturdaśam

lohaṃ pañcadaśaṃ jñeyaṃ ṣoḍaśaṃ gandhavāri ca /
yavodakaṃ saptadaśaṃ evaṃ coddhāraṇakramaḥ

sve sve ca navake cāṣṭau saha tena samuddharet /
madhyamaṃ navakaṃ muktvā aindrādikramayogataḥ

madhyamān kalaśān sarvān viṣṇugāyatriyoddharet /
śeṣamaṣṭākṣareṇaiva vāsastenaiva mocayet

tataḥ puruṣasūktena dadyādvā munisattama /
devadevamanusmṛtya dadyāt pādyādikān kramāt

pādyādinavakān snāpya upasnānaṃ tu kārayet /
vastraṃ datvā tu pādyādīn gandhādīnapi dāpayet

navakānāṃ tathānte tu kuryādevaṃ vicakṣaṇaḥ /
madhyame navakepyevaṃ kalaśān[saṃṭapradāpayet

evaṃ coddhāraṇaṃ proktaṃ kathayāmyadhidaivatam /
ghṛtasya daivataṃ viṣṇuruṣṇāmbhasya(?)divākaraḥ

ratnānāṃ devataṃ brahmā kuberaśca phalāmbhasaḥ /
lohodakasya vasavo viśvedevāśca mārjanam(ne?)

gandharvā gandhatoyasya nirṛtiścākṣatasya tu /
āpyā yavodakasyāpi pādyasya pitarastathā

kṣīrarghyasya bhaveddevaḥ sarasvatyācamanīyake /
pañcagavyasya dakṣastu dadhnaḥ śakrastu daivatam

payaso daivataṃ somo mahendro madhunastathā /
kaṣāyasya yamo devo [varāhastu gulāmbhasaḥ

tathā cekṣurasasyāpi nārasiṃhastu daivatam /
śrīdharo nārikelasya hayāsyaḥ śāntivāriṇaḥ

mūrtayo vāsudevādyāścatasro maṅgalāmbhasaḥ] /
ṭa śuddhodakānāṃ sarveṣāṃ devyaḥ śāntyādayaḥ kramāt

kalaśānāṃ tu sarveṣāmaśvinau daivataṃ param /
cakrikāṇāṃ tu sarveṣāṃ daivataṃ saptamātaraḥ

vāsavo(-sāṃ?)devataṃ viṣṇuḥ sarveṣāṃ viṣṇureva vā /
mūlamantreṇa vā sarvaṃ kuryānmantravicakṣaṇaḥ

adhamottamametattu snapanaṃ parikīrtitam /
koṇe tu kalaśā ye tu dvātriṃśacchuddhavārayaḥ

tairvihīnaṃ tu yatsnānaṃ tatsyādadhamamadhyamam /
yacchuddhavārikalaśairhīnaṃ sarvairyathādiśam

kevalaṃ saptadaśabhiḥ kṛtaṃ tadadhamādhamam /
snapanādau tu kartavyaṃ kramāt kautukabandhanam

ūrṇāsūtrayutaṃ sūtraṃ sādhitaṃ taṇḍulopari /
sauvarṇaṃ rajanīcūrṇamāḍhakaṃ vādhikaṃ tu vā

āḍhakārdhaṃ tadardhaṃ vā cūrṇaṃ kṛtya (?) yathāvidhi /
snapanānāṃ kramādante devamūrdhni nidhāpayet

śuddhasnānaṃ tataḥ kṛtvā alaṃkṛtyārcayeddharim /
punarācamanaṃ datvā darpaṇaṃ darśayet kramāt

nṛttagītasamāyuktaṃ vedādhyayanasaṃyutam /
chatracāmarasaṃyuktaṃ dhūpadīpasamanvitam

devasya śirasi bhrāmya cāṣṭapiṇḍāni dīpayuk /
indrādīśānaparyantaṃ nikṣipet piṇḍamastrataḥ

mahāpīṭhe nayeddevaṃ yathāyogyaṃ pravṛddhikṛt /
mahāhavirnavedyātha pūrvavaddeśikottamaḥ

pūrve vā cottare vāpi nityāgnau vā tu homayet /
samidājyacarūṇāṃ tu yathākalaśasaṃkhyayā

ācāryaṃ pūjayet paścāt navavastrāṅgulīyakaiḥ /
atropayoga(-yukta?)dravyāṇi ācāryāya pradāpayet

yavaiśca veṇubījaiśca nīvārairgaurasarṣapaiḥ /
nīlaiśca tulasīpatraiḥ bhaveddhātryudakaṃ kramāt

eteṣāmapyalābhe tu tulasīpatramuttamam /
indravalyaṅkuraṃ caiva aśvatthāṅkurameva ca

ekapatraṃ(-dmaṃ?) ca padmaṃ ca bhavedvai maṅgalodakam /
eteṣāmapyalābhe tu cāśvatthāṅkuramuttamam

tadalābhe muniśreṣṭha indravalyaṅkuro bhavet /
ekapadmaṃ ca padmaṃ ca yathāsaṃbhavamācaret

evaṃ saṃkṣepataḥ proktaṃ snapanaṃ sarvasiddhidam /
[nāradaḥ]---
bhagavan viṣṇubhūteśa viṣṇupāriṣadeśvara

snapanaṃ śrotumicchāmi kumbhottarasahasrakam /
bahuśaḥ snapanaṃ pūrvaṃ śrutaṃ viṣṇumukhāt prabho

tvayā ca kathitaṃ yadvai imameva vidhiṃ prati /
tasmādyathā mahābāho prītiryadyasti cenmayi

viṣvaksenaḥ---
athātaḥ saṃpravakṣyāmi kuṃbhottarasahasrakam /
prāsādāgre tu kartavyaṃ maṇḍapaṃ ca yathāvidhi

dvātriṃśaddhastamāyāmaṃ viṃśaddhastaṃ tu vistaram /
catvāriṃśacca paṅktonā(?)maṣṭatālaṃ pṛthakpṛthak

tadbhāge kalaśasthāne pañcaviṃśatipaṅktike /
tasya madhyamabhāge tu dvādaśaṃ tālasaṃmitam

catustaṃbhasamāyuktamutsedhaṃ tāvadeva tu /
paritaḥ saptatālāni dvādaśastambhasaṃyutam

tadbahiḥ saptatālāni viṃśatistambhasaṃyutam /
paścime snānabhāge tu tatpañcādaśabhāgike

tasya madhyamabhāge tu dvādaśaṃ tālamiṣyate /
staṃbhāṣṭadaśasaṃyuktaṃ snānavediṃ yathāvidhi

śeṣāṇāmapi paṅktīnāṃ saptatālena mīyate /
sarveṣāmapi tālānāṃ catuṣṣaṣṭiryathākramam

catvāriṃśat suvistāraṃ tālānāṃ parimīyate /
caturuttarapañcāśat staṃbhānāṃ parikīrtitam

bhūmibhāga iti proktaḥ śeṣāṇāṃ kathayāmi te /
catustālena vistīrṇaṃ tadardhāyāmasaṃyutam

tadardhamupapīṭhaṃ tu upariṣṭādupānaham /
jagatīkumudaṃ caiva paṭṭikopari śobhitam

samaṃ snigdhaṃ prakurvīta pīṭhaṃ tatra vicakṣaṇaḥ /
uttare vedikāyāstu snānaśvabhramaṃ tu kārayet

dhārākulyā ca kartavyā śvabhraṃ vā vedikopari /
mūlamadhyāgraparyantaṃ nahanaṃ tu pramāṇataḥ

pīṭhikāvalayaṃ kuryāt pādapīṭhasya copari /
tat pātraṃ tu tataḥ kuryāt vṛttaṃ vā caturaśrakam

caturaṅgulamutsedhaṃ tāvadvistārasaṃyutam /
kulyā tadanuyuktā syādudakaśvabhragocaram

pīṭhikālakṣaṇaṃ proktaṃ śeṣān vakṣyāmyaśeṣataḥ /
caturdvārasamāyuktaṃ catustoraṇabhūṣitam

cāmaraistālavṛntaiśca ghaṇṭā nānāpatākayuk /
lambayenmukta(?)dāmāni dvāradeśeṣu mantravit

alaṃkṛtya tataḥ paścāt puṇyāhaṃ tatra kārayet /
mārjanaṃ vidhinā samyak maṇḍapālepanaṃ tataḥ

prokṣayet pañcagavyena sādhako mantravittamaḥ /
paścāttu pūjayet sarvadvāreṣu dvārapālakān

kumbhāṃstu pūjayeddvau dvau dvāradeśavidhānataḥ /
tatastu toraṇān pūjya ketūṃścāpi tathaiva ca

svanāmnā pūjayitvā tu gandhapuṣpādibhiḥ kramāt /
veṣṭayettoraṇastambhānṛ kṣaumaiḥ kauśeyakairapi

kalaśasthānamāsādya śālipiṣṭairvicitrayet /
brāhmaṃ tu madhyamaṃ bhāgaṃ daivikaṃ tadanantaram

tṛtīyaṃ mānuṣaṃ bhāgaṃ padamevaṃ nyaset kramāt /
brahmasthāne padaṃ kuryāt ekāśītividhānataḥ

ghṛtamuṣṇodakaṃ caiva ratnāmbhaḥ phalavāri ca /
lohāmbho mārjanaṃ caiva gandhāmbho 'kṣatameva ca

yavodakaṃ ca ityete madhyame navake nyaset /
tasyaiva paritaḥ kuryāt dikṣvaṣṭasu samantataḥ

pādyārghyācamanīyaṃ ca pañcagavyaṃ tato dadhi /
payomadhukaṣāyaṃ ca dikṣvindrādiṣu vinyaset

pādyādi pañcagavyāntaṃ mahādikṣu niveśayet /
dadhyādi ca kaṣāyāntaṃ koṇeṣu viniveśayet

evaṃ dravyāṇi coktāni vinyasennavakaṃ prati /
madhye madhye vinikṣipya dravyāṇāṃ tu yathākramam

śeṣān śuddhodakān sarvān catuṣṣaṣṭiṃ tu kārayet /
tatastu daivike bhāge padaṃ kurvīta sādhakaḥ

diśi cāpi tathā koṇe kuryāt saptadaśaṃ kramāt /
madhye madhye tathā kuryāt dravyakumbhaṃ vicakṣaṇaḥ

aindre tu madhyabhāge tu nyaseccandanakardamam /
yāmye tu madhyabhāge tu nyaset kuṅkumakardamam

vāruṇe madhmabhāge tu nyaset karpūrakardamam /
saumye tu madhyabhāge tu nyasedauśīrakardamam

āgneye madhyabhāge tu vinyasettilatailakam /
nairṛte madhyabhāge tu nyasedāmalatailakam

vāyavye madhyabhāge tu nyaset sarṣapatailakam /
īśāne madhyabhāge tu nyaset karpūratailakam

[candanaṃ kardamāṃbhayaca kuṅkumaṃ kardamaṃ tathā /
karpūrakardamāṃbhaśca auśīraṃ kardamaṃ tathā

aindrādi somaparyantaṃ vinyasettu vicakṣaṇaḥ /
tilaṃ cāmalakaṃ tailaṃ tathā sarṣapatailakam

tathā karpūratailaṃ ca āgneyādiṣu vinyaset] /
puruṣaścaiva satyaśca naro nārāyaṇo 'cyutaḥ

aniruddho hariḥ kṛṣṇaścandanādyaṣṭadaivatāḥ /
śeṣān śuddhodakaiḥ sarvān aṣṭāviṃśacca tatkramāt

pūrayet sarvataḥ paścādācāryaḥ susamāhitaḥ /
tṛtīye mānuṣe bhāge caindrādīn ṣoḍaśa kramāt

pratyekaṃ tu padaṃ kuryāccatvāriṃśannavottaram /
teṣāṃ madhye tu vinyasya dravyakumbhaṃ vicakṣaṇaḥ

gulaṃ tu vinyaset prācyādi(-mi?)kṣutoyaṃ tu dakṣiṇe /
pratīcyāṃ nālikerāmbhaḥ udīcyāṃ śāntivāri ca

vārāhaṃ nārasiṃhaṃ ca śrīdharaṃ hayaśīrṣakam /
gulādyāni ca catvāri tasya tasyādhidaivatam

āgneyādiṣu koṇoṣu maṅgalāṃścopavinyaset(?) /
mūrtayo vāsudevādyāścatasro maṅgalāmbhasaḥ

indrāgnyormadhyabhāge tu vinyaseddhimatoyakam /
dharmapāvakayormadhye vinyasecca tilodakam

yamanairṛtayormadhye vinyasettaṇḍulodakam /
nirṛtervaruṇasyāpi madhye nirjharavāri ca

madhye varuṇavāyvośca vinyasedvṛṣṭitoyakam /
vāyavyasomayormadhye vinyasecca kuśodakam

īśānasomayormadhye vinyasettulasījalam /
tatheśānendrayormadhye nyaset sāmudrakaṃ jalam

tataḥ saptadaśān kumbhān uttarānanaṣaṣṭikān /
pūrayet pūrvavat samyak gandhapuktena vāriṇā

arcayecca tataḥ paścāt mūlamantreṇa mantravit /
arcayitvā yathānyāyaṃ kumbhān sarvān yathāvidhi

veṣṭayitvā yathā vastraiḥ kumbhān sarvān yathākramam /
pādyādīnāṃ tu sarveṣāṃ mantraṃ puruṣasūktakam

mūlamantreṇa vā kuryādidaṃ viṣṇuriti tryṛcā /
arcayeddevadeveśaṃ dravyāṇāṃ (dravyaiḥ saṃ?) snāpayedbudhaḥ

tato dvitīyāvaraṇe snāpayecca vicakṣaṇaḥ /
viṣṇorarāṭa mantreṇa candanāmbvādi bhedataḥ

mūlamantreṇa vā kuryādidaṃ viṣṇuriti tryṛcā /
snāpayecca caturdikṣu catvāraḥ kramayogataḥ

tilatailādi catvāri āpohiṣṭhākramādinā /
evaṃ dvitīyāvaraṇe koṇeṣu snāpayedbudhaḥ

paścādgulodakādyaistu idaṃ viṣṇuriti mantrataḥ /
maṅgalāmbhāṃsi catvāri viṣṇornukamiti tryṛcā

snāpayeddikṣu cāṣṭāsu mantravacca yathākramam /
himādyaṃbhāṃsi catvāri āpo asmāditi tryṛcā

agnimīle tilāmbvādi catvāri snāpayet kramāt /
pādyādīnāṃ tu sarveṣāṃ dravyāṇāṃ tu suvistaram

śṛṇu guhyamanā bhūtvā saṃkṣepādvakṣyate 'dhunā /
tulasīpadmadūrvār(-ve?) ca śyāmākaṃ viṣṇuparṇikā

bilvapatraṃ ca ityete(-vaṃ?)paḍaṅgaṃ pādyamucyate /
vrīhistaṇḍulasiddhārtharṃ(-tho?)gandhapuṣpe phalaṃ payaḥ

tilā yavāḥ kuśāścaiva arghyasya daśa cocyate /
karpūrajātikakkolaṃ(?) puṣpamelālavaṅgakam

ṣaḍaṅgāni tu caitāni hyuktānyācamanīyake /
nyagrodhāśvatthaśamyaśca plakṣajambūkapitthakam (?)

khādirodumbaraścaiva madhūkaśca vikaṅkatam /
bilvaṃ palāśa ityete kaṣāya(-ye?) dvādaśa smṛtam

vajraṃ pravālaṃ muktā ca vaiḍūryaṃ marakataṃ maṇiḥ /
puṣyakaṃ brahmarāgaṃ ca indranīlaṃ ca gāruḍam

ratnodakasya dravyāṇi daśaratnāni saṃgrahaḥ /
panasāmrakapitthaṃ ca kadalyāmalakaṃ tathā

bilvaṃ havyaṃ mātuluṅgaṃ nālikeraṃ ca dāḍimam /
badarīkuṭajaṃ caiva phalaṃ dvādaśa ucyate

śirīṣaṃ ca kuśāścaiva rājasūryavivartanī /
bhūstṛṇaṃ ca sadābhadrā asanaṃ tulasīdvayam

sahadevī ca ityete(-vaṃ?) daśāṅgāni tu mārjane /
uśīraṃ ca tathā kuṣṭhaṃ kuṅkumaṃ candanaṃ tathā

agarurdevadāruśca māṃsīraṃ(?)murameva ca /
hariberaśca karpūraṃ nāṭaraṃ muktameva ca (?)

gandhodakasya ityete gandha dvādaśa ucyate (?) /
vaiṇavaṃ ca yavaṃ caiva pālāśaṃ padmameva ca

tulasīdalanīvāragaurasarṣapameva ca (?) /
śāntyudakasya caitāni kathitāni samāsataḥ

indravalyaṅkuraṃ caiva vaṃśakāṅkurameva ca /
aśvatthasyāṅkuraṃ caiva ekapadmaṃ tathaiva ca

palāśasyāṅkuraṃ caiva padmapuṣpaṃ tathaiva ca /
etāni cāṅkurāṇyaṣṭau maṅgalāmbhasi vinyaset

suvarṇaṃ rajataṃ tāmramāyasaṃ trapukaṃ tathā /
phalaṃ kanakacūrṇaṃ ca paittalohaṃ (-laṃ ca?) tatheva ca

aṣṭāṅgāni tu lohāmbhaḥ kathitāni samāsataḥ /
nīvāravaiṇavaṃ caiva yavasarṣapamāṣakāḥ

priyaṅgutaṇḍulaṃ brīhirakṣatāṣṭāṅgamucyate /
pātravastrādike dravye kriyādravyaṃ tu kārayet

svīkṛto yajamānena snapanāya samārabhet /
anyathā hi na kartavyaṃ kriyā bhavati niṣphalā

śeṣāṇāmapi vastūnāmevaṃ kuryāt prakīrtitam /
kalaśānāṃ tu sarveṣāṃ devo nārāyaṇaḥ smṛtaḥ

cakrikāṇāṃ tu sarveṣāṃ brahmāṇaṃ parameṣṭhinam (?) /
śeṣāṇāmapi vastūnāṃ devo viṣṇuḥ sanātanaḥ

snapanaṃ vidhivat kṛtvā hyācāryastantravittamaḥ /
yaccūrṇaṃ snāpeyat paścāt gandhayuktairvimiśritaiḥ(?)

cūrṇaṃ tu vimṛjet paścāt snāpayedgandhavāriṇā /
ārādhayettato devaṃ vastrābharaṇamāditaḥ

madhuparkaṃ tato dadyāddevadevāya bhaktitaḥ /
carubhiḥ pūjayedbhaktyā rājavat puruṣottamam

ante bahuvidhairbhakṣyaiḥ pāyasauśca gulaudanaiḥ /
vicitrānnaiśca vividhairupadaṃśairanekaśaḥ

sarvabhakṣyairapūpaiśca svādūni rasavanti ca /
saugandhikena cājyena dadyāddevāya mantravit

dadyādguladvayaṃ caiva kadalīphalameva ca /
panasāmraphalaṃ caiva krameṇaivaṃ nivedayet

dadhyodanaṃ tato dadyāt bahirantaśca deśikaḥ /
niveditaṃ ca yaddravyaṃ puṣpaṃ phalamathāpi vā

mamāgre sthāpya tantrajño maddakṣiṇakare dadet /
arghyapādyādinābhyarcya svanāmnā mantravittamaḥ

nivedya śeṣaṃ sarveṣāṃ vaiṣṇavānāṃ tu dāpayet /
hutaśeṣaṃ tathācāryaḥ prāśayet prāṅmukhaḥ śuciḥ

kuñjaraṃ vā turaṅgaṃ vā grāmaṃ dāsīgaṇaṃ tathā /
gāścaiva vividhaṃ vastraṃ hiraṇyaṃ vāpi śaktitaḥ

ācāryāṇāṃ tu deyaṃ syāt (dadyādvai?) yathāvittānusārataḥ(?) /
evamuktavidhānena sahasrakalaśaiḥśubhaiḥ