Viṣvaksenasaṃhitā · Chapter 10

paramātmādimūrtīnāṃ lakṣaṇaṃ cādhunā śṛṇu //
iti śrīpāñcarātre viṣvaksenasaṃhitāyāṃ bālasthānavidhirnāma navamo 'dhyāyaḥ ||
daśamo 'dhyāyaḥ
daśamo 'dhyāyaḥ nāradaḥ---
pratimālakṣaṇa kiṃ vā mūrtibhedasya lakṣaṇam kathaṃ vā /
sūryavinyāso (?) vada me vadatāṃ vara

viṣvaksenaḥ---
sādhu sādhu mahāprājña praśnametajjagaddhitam (?) /
ādarāt pratimāṃ yatnāt śṛṇuṣvāvahito bhavā

paramātmā bhavedādau (dyaḥ?) dvitīye (yo?) vāsudevakaḥ /
saṃkarṣaṇastṛtīyaḥ syāt pradyumnastu caturthakaḥ

pañcamastvaniruddhastu etāścaivādimūrtayaḥ /
catūrmūrtikramāccoktāḥ daśamūrtikramaṃ śṛṇu

matsyaḥ kūrmo varāhaśca nārasiṃho 'tha vāmanaḥ /
jāmadagnyaśca rāmaśca balaḥ kṛṣṇaḥ surārcitaḥ

kalkirvi (lkī vi?) ṣṇuriti proktaḥ daśamūrtikramastava /
bhedaṃ dvādaśamūrtīnāṃ kathayāmi tavānagha

keśavaḥ prathamasteṣāṃ mune nārāyaṇaḥ param /
mādhavo 'nyo 'tha govindo viṣṇuḥ syānmadhusūdanaḥ

trivikramo bhavennāmnā vāmanaḥ śrīdharastathā /
hṛṣīkeśo bhavedanyaḥ padmanābhastataḥ param

ataḥ smṛtaṃ(paraṃ?) bhavedbrahmamūrtirasmin mahāmune /
dāmodara imaṃ tatvaṃ śrīmūrtiṃ vadataḥ śṛṇu

viśvarūpo bhavedeko yajñamūrtirdvitīyakaḥ /
tṛtīyo vedamūrtiḥ syāditi mūrtitrayaṃ bhavet

śriyādimūrtibhedaṃ te vakṣyāmi munisattama /
śrīmūrtiḥ prathamoddiṣṭā puṣṭimūrtistataḥ param

medhāsarasvatīdurgāvighneśāśca śriyādiṣaṭ /
śriyādibhedamevaṃ syādvakṣyāmyaṅgulimānataḥ

tilāṣṭakaṃ yavaḥ prokto yavāṣṭāvaṅgulī smṛtā /
vrīhitrayocchritaṃ vāpi yavāṣṭau tiryageva vā

athavāṅgulimānaṃ tu śṛṇu mattastapodhana /
deśikāṅgulimadhyasya madhyarekhāsamā mune

madhyaṃ madhyakarasyātha karamadhyāṅgulestataḥ /
madhyaparvasamāvṛttirmune mātrāṅgulaṃ ca tat

iti tridhā (?)ṅguliḥ proktā tāsviṣṭāṅgulinā mune /
vimānasyāpi berasya mānaṃ kāryaṃ tathādhunā

athāṣṭamaṅgralānāṃ ca sruksruvayostoraṇasya vā /
vedyāmaṇḍapakuṇḍasya vidhāne samidhaśca vai

snapanasya caivamādaitān vidhau deśikaḥ supari(?) /
śuddhamātrāṅgulapramāṇairmedhā vidhinā prayatnato matimān (?)

athavā vai hi devarṣe mānamārgavidhānataḥ /
aṣṭamaṅgalakādīnāṃ mānārthaṃ vadato mune(?)

ācāryahastasya kaniṣṭhikādyaiḥ caturbhirevāṅgulibhirmaharṣe /
madhyamāṅgulermadhyamaparvabhāge tiryagvisarpadbhiriheva meyam

dvādaśāṅgulamānaṃ hi tālamityabhidhīyate /
tāladvayaṃ bhaveddhastamiti mānavido viduḥ

ityuktaṃ trividhaṃ mānamaṅgulīnāṃ prabhedataḥ /
pratimālakṣaṇaṃ vakṣye śṛṇuṣvāvahitaḥ sadā

beramānaṃ vimānādvā dvāramānena vā punaḥ /
garbhamānena vā jñeyaṃ mūlaberapramāṇataḥ

mūlaprāsādavistāraṃ yadbāhyeṣu pramāṇataḥ /
tasyārdhaṃ śreṣṭhamityuktaṃ tadardhaṃ madhyamaṃ smṛtam

tadardhamadhamaṃ prāhuḥ pratimotsedhamatra vai /
evaṃ prāsādamānaṃ tu dvāramānamataḥ śṛṇu

dvārāt pādādhikaṃ śreṣṭhaṃ dvāramānaṃ tu madhyamam /
dvārasya pādahīnaṃ yadadhamaṃ pratimocchrayam

garbhamānaṃ pravakṣyāmi śṛṇu nārada tattvataḥ /
tripādadvayadīrgharṃ (ghā?)vā pratimā sottamā smṛtā

pañcabhāgasamottuṅgaṃ(ṅgā?) pratimā madhyamā tu sā /
garbhagehārdhatuṅgā yā sāvarā pratimocchrayā

garbhamānamiti proktaṃ citraṃ cāpyardhacitrakam /
citrābhāsavidhiśceti śṛṇu nārada sāṃpratam

kālayogapramāṇena kartavyā pratimā śubhā /
citraṃ cāpyardhacitraṃ ca citrābhāsaṃ tathaiva ca

trividhaṃ pratimākarma śāstrajñāḥ saṃpracakṣate /
dṛśyate 'vayavā yatra pratimāyāṃ samantataḥ

mānonmānapramāṇābhiḥ(dyaiḥ?)taccitramiti paṭhyate /
śilāgatāyā yasyāstu pṛṣṭhabhāgo na dṛśyate

mānapramāṇasaṃyuktā sārdhacitramiti smṛtā /
yā sthitālekhyarūpeṇa likhitāpi(caiva?)śilpibhiḥ

mānapramāṇasaṃyuktā sā citrābhāsa ucyate /
uttamaṃ tu phalaṃ citraṃ madhyamaṃ cārdhacitrakam

ālekhyamadhamaṃ proktaṃ pratiṣṭhā(mā?)karmaṇi kramāt /
ityuktaṃ pratimākarma śṛṇu pīṭhavidhiṃ mune

berocchrāyaṃ tridhā kṛtvā bhāgaikaṃ pīṭhikocchrayam /
caturbhāgaikabhāgaṃ tu cāsane sthānakocchrayam

athavā pīṭhamevaṃ vā śṛṇu nārada sāṃpratam /
pādapadmaṃ bhavetphullamaṣṭapatraṃ sakarṇikam

dvārāt pādāṃśavistāraṃ tāvadutsedhasaṃyutam /
tasya nālaṃ bhavedvṛttaṃ caturaśraṃ tu vā punaḥ

vṛttaṃ śiva iti proktaṃ caturaśraṃ pitāmahaḥ /
hastamātraṃ tadāyāmaṃ tanmānaṃ nāha ucyate

sthānakasyedamākhyātamāsanasyādhunocyate /
garbhadvārayugāṃśaṃ tu pādapadmocchrayaṃ bhavet

tāvadāyāmavistāraḥ pūrvavaccheṣamucyate /
etadyāne na śayane kāryaṃ naiva kadācana

ityuktaṃ mūlaberādibimbānāṃ lakṣaṇaṃ mune /
lakṣaṇaṃ cāsanasyāpi tavedānīṃ pradarśitam

ata ūrdhvaṃ pravakṣyāmi karmārcāyāstu lakṣaṇam /
mūlaberasya dīrghasya tribhāgaikaṃ tu kautukam

vedabhāgaikabhāgaṃ vā bhūtabhāgaikabhāgakam /
śreṣṭhamadhyamahīnaṃ tu trividhaṃ kautukaṃ bhavet
vedabhāgaikabhāgaṃ vā bhūtabhāgaikabhāgakam /
śreṣṭhamadhyamahīnaṃ tu trividhaṃ kautukaṃ bhavet

athavā kuru karmārcāṃ mūlaberasya sāṃpratam /
mūlaberāyatārdhe tu bhūtabhāgaikabhāgakam

utsavapratimāyāmaṃ snapanasya tathā bhavet /
tadguṇāṃśaikabhāgaṃ tu baliberocchrayaṃ bhavet

karmārcāyāḥ pramāṇaṃ vā kuryādvā lakṣaṇaṃ bhavet /
uktairlohaiḥ kṛtā puṇyānuktairlohaiḥ kṛtāśubhā

triguṇāṣṭāṅgulotsedhamathavāṣṭadaśāṅgulam /
ṣoḍaśāṅgulakaṃ vāpi dvādaśāṅgulameva vā

athavāṣṭāṅgulotsedhaṃ balibimbamathocyate /
pādādhikadaśaikaṃ tu (?) [dviraṭa ṣṭāṅgulinā mune

balibimbocchrayaṃ kṛtvā cottamaṃ parikīrtitam /
ekādaśāṅgulotsedhaṃ madhyamaṃ balikautukam

aṣṭāṅgulaṃ vā kurvīta balibimbādhamaṃ smṛtam /
tīrthabimbaṃ tathaiva syāditi śāstrasya niścayaḥ

hīnamānaṃ na kartavyaṃ mūlabimbāt kadācana /
ṣaḍaṅgulāyatā caiva naiva kāryā vijānatā

mūlaberatribhāgaikamutsavapratimā bhevat /
utsavapratimāyāmāṃ snapanārcāṃ tu kārayet

iti karmārcanādīnāṃ vividhi mānamīritam /
vidhyācāravidhānena yathāyogaṃ samācaret

ata ūrdhvaṃ pravakṣyāmi svārthārcāyāstu lakṣaṇam /
lohajā maṇijā vāpi rājatā tāmranirmitā

etāḥ praśastā viprāṇāṃ kṣatriyasya suvarṇajā /
rājatā vāpi vaiśyasya rājatā tāmrakā śubhā

śūdrasya tāmrakairvā syāt sarveṣāṃ vāpi tāmrajā /
lohajāḥ pratimāḥ proktāḥ nirdeṣāḥ samudāhṛtāḥ

ratnajāstrividhāḥ proktāḥ saumyāgneyī sameti ca /
śaśikāntamayī saumyā sūryakāntamayī parā

sphaṭiketi samā proktā pūrvā pūrvottamottamā /
dvyaṅgulaṃ tu yadutsedhamathavā caturaṅgulam

aṅgulitrayamānena maṇibimbamihocyate /
evamātmārthabimbānāṃ lakṣaṇaṃ viddhi pūrvakam

pūrvaṃ karmārcanādīnāmuttamāditri(vi?) bhedataḥ /
uktaṃ hi lakṣaṇaṃ tena cātmārthe 'pi bhavedvidhiḥ

phalakāyāṃ paṭe kuḍye likhitānāṃ tu lakṣaṇam /
karmārcālakṣaṇa yadvattadvaduktaṃ pramāṇakam

atra kiṃci(kaści?) dviśeṣo 'sti kramukādyena vā punaḥ /
pālāśena tu bilvena khādireṇa tu vā punaḥ

udumbareṇa vā paścāt vakulena mahāmune /
panasena drumeṣveṣu labdhena tu viśeṣataḥ

dvyaṅgulaṃ tu ghanaṃ caiva caturaṅgulamāyatam /
caturaśraṃ tu vā vṛttaṃ mekhalātrayasaṃvṛ(yu?) tam

tasyo(?)pari likhedabjamaṣṭapatraṃ tu vā punaḥ /
dalairdvādaśabhiryuktaṃ sarvaśobhāsamanvitam

karṇikāyāṃ nyaset tasya navaratnaṃ viśeṣataḥ /
tasmin vā karṇikāgre vā phalakādiṣu karṇikām

āvāhya pūjayeddevamātmārthayajanaṃ prati /
mūlaberādibimbānāṃ sthānabhedaṃ mune śṛṇu

prāsādasya tu garbhāṃśe saptabhāgaṃ gī?) kṛte mune /
puṭā(padā?) nyekonapañcāśattanmadhyaṃ brāhmamucyate

tadbāhye devabhāgaḥ syāt (daivataṃ sthānaṃ?) tadbāhye mānuṣaṃ bhavet /
paiśācaṃ tadbahirjñeyaṃ sthānabhedamudīritam

brāhme syādarcanaṃ pīṭhamiti beraṃ (mekabere?) tathā mune /
bahuberapratiṣṭhā ca (ṣṭhāyāṃ?) pīṭhikā cāmarāṃśake

mānuṣe parivārāśca paiśāce hetayaḥ smṛtāḥ /
āsane yadi kartavye mānuṣe (ṣaṃ?) kiṃcidāśrayet

daive ca mānuṣe caiva kurvīta śayanakriyām /
uktasthānaṃ vinā tatra yadi kuryāt pramādataḥ

maṇḍaleśasya rājñaśca sthāpakaśca (sya) vipaddhruvam /
na phalanti kriyāstatra nātra kāryā vicāraṇā

yajamānasya putro vā mriyate nātra saṃśayaḥ /
durbhikṣaṃ jāyate ghoraṃ sarvaṃ rāṣṭraṃ vinaśyati

tasmāt sarvaprayatnena sthāpayet pratimādikam /
nityotsavādibimbānāṃ sthānaṃ nārada kathyate

sthāpayedbalibimbaṃ tu karmārcādakṣiṇe sudhīḥ /
snānabimbaṃ tu yatnena balibimbasya dakṣiṇe

utsavapratimāsthānaṃ karmārcāvāmapārśvataḥ /
utsavapratimāvāme yātrā (tīrtha?) bimbasya caiva hi

saṃsthāpayet krameṇaiva deśikastantravittamaḥ /
anyathāsthāpite kartā mahadbhayamavāpnuyāt

rājā kalahamāpnoti grāmaścāpi vinaśyati /
iti nityotsavādyarcāsthānabhedaḥ pradarśitaḥ

atha vā mūlaberādibimbānāṃ lakṣaṇaṃ śṛṇu /
mūlaberaṃ tu karmārcā nityotsavamataḥ param

mahotsavaṃ tu devarṣe snapanārcā tathaiva ca /
taruṇālayamityuktaṃ pratimāṣaṭkamīritam

ityamīṣāṃ pramāṇāni śṛṇu nārada sāṃpratam /
ṣaṇṇavatyaṅgulāyāmo uttamasyocchrayo bhavet

itaḥ pakṣāṅgulairhīno madhyamasyocchrayo bhavet /
ekapañcāśadityuktaḥ adhamasyocchrayo bhavet

ityuktamādiberāṇāmutsedho trividhastviti /
ekaberapratiṣṭhāyāmadhamaṃ beramucyate

karmārcā nottamaṃ mānamuktaṃ tanmānato bhavet (?) /
iti śailamayī yatra sthāpyate pratimā mune

ekaberavidhānena tatrāyaṃ vidhirucayate /
ityekabahuberāṇāmuktamutsedhalakṣaṇam

utsedhasyānurūpeṇa kāryaṃ vistārakaṃ mune /
bahuberapratiṣṭhāyāṃ devīnāṃ lakṣaṇaṃ śṛṇu

devasya bāhumūlāntaṃ devīnāmiti cocchrayam /
stanāntaṃ vā muniśreṣṭha cocchrayaṃ paripaṭhyate

devīnāṃ dakṣiṇe haste padmaṃ mukulakaṃ nyaset /
padmaṃ tu vāmahaste syāt(cet?) mahadbhayamavāpnuyāt

rājā kalahamāpnoti tasmādyatnena varjayet /
ita ūrdhvaṃ pravakṣyāmi karmārcāderathocchrayam

caturviṃśatimānaṃ tu (-rviṃśāṅgulāyāmaṃ?)uttamaṃ viddhi nārada /
dvādaśāṅgulamāyāmaṃ madhyamaṃ berameva vai

aṣṭāṅgulāyataṃ yattadadhamaṃ parikīrtitam /
nityotsavasya bimbasya dvādaśāṅgulamāyatam

aṣṭāṅgulamatho vāpi caturaṅgulameva vā /
evaṃ jñātvā muniśreṣṭha kārayedbalikotukam

mahotsavasya dvāviṃśaccai(tye?)kaṃ vā dīrdha ucyate /
adhyardhāṅgulahīnaṃ vā aṅguladvayahīnakam

trayāṅgulavi (aṅgulatraya?)hīnaṃ vā cotsavasya mahāmune /
ita ūrdhvaṃ tu(na?) kartavyaṃ hīnādhikyaṃ tu nārada

tīrthārthaṃ snapanārthaṃ caivo (cāpyu?) tsavārthaṃ tathaiva ca /
mūrtyabhāve muniśreṣṭha bimbenaikena cāpyalam

asya bimbasya vakṣyāmi lakṣaṇaṃ śṛṇu nārada /
viṃśatyaṅgulamānaṃ yaduttamaṃ parikīrtitam

ṣoḍaśāṅgulamānaṃ yat madhyamaṃ saṃpracakṣate /
dvādaśāṅgulamānaṃ yadadhamaṃ paricakṣate

ata ūrdhvaṃ śṛṇuṣvānyat taruṇālayamuttamam (berakam?) /
ṣoḍaśāṅgulamānaṃ yaduttamaṃ beramucyate

dvādaśāṅgulamānaṃ yanmadhyamaṃ beramucyate /
aṣṭasaptāṅgulirvāpi caturaṅgulireva vā

kārayellakṣaṇopetamadhamaṃ paricakṣate /
ita ūrdhvaṃ pravakṣyāmi śṛṇu nārada sāṃpratam

mūlaberādibimbānāṃ svarūpaṃ munisattama /
aṣṭabāhuṃ caturbāhuṃ dvibāhuṃ vātha nārada

yajamānecchayā kāryā mūlaberādayastviti /
sthānayānāsanaṃ vāpi śayanaṃ vā prakalpayet

atra kaścidviśeṣo 'sti śayane munisattama /
aniruddhaṃ tathā padmanābhamūrtimathāpi vā

saṃjñātvā lakṣaṇopetaṃ śāyayedvidhicoditam /
yat kṛtvā mūlaberaṃ tu dvibhujaṃ ced dvijottama

karmārcanādibimbānāṃ lakṣaṇaṃ vā ca (syācca?) turbhujam /
mūlaberaṃ tu (ca?) karmārcā dvibhujaṃ cenmunīśvara

bālādīnāṃ tu bimbānāṃ lakṣaṇaṃ vā ca (syācca?) turbhujam /
mahotsavasya bimbasya dvibhujaṃ vā caturbhujam

śayanasya mayā prokto viśeṣo munisattama /
evamuktaprakāreṇa pratimāṃ kārayet kramāt

mūlārcā cāṣṭabāhuścet karmārcādicaturbhujam /
dvibhujaṃ yadi cettatra sarvasaṃhārakāraṇam

tasmāt sarvaprayatnena dvibhujaṃ na prakalpayet /
aṣṭabāhvostu bimbasya śayanaṃ na prakalpayet

tathā matsyādimūrtīnāṃ śayanaṃ tu na kārayet /
śriyādivighnaparyantamūrtīnāṃ ca tathāvidhi

idaṃ tu tava vakṣyāmi guhyādguhyataraṃ mune /
yo 'sau nārāyaṇaḥ sākṣāt sa hi vighneśa ucyate

yo 'sau vighneśa ityuktaḥ so hi nārāyaṇaḥ smṛtaḥ /
vāsudevamayatvācca hyāvṛtatvānmahāmune

naiva jānanti tadbhedaṃ munayastatvadarśinaḥ /
idaṃ tu nāvamaṃ manye guhyādekaṃ tu nārada

devairabhihitajñānaṃ tava snehāt pradarśitam /
tasmāt śriyaṃ ca durgāṃ ca vāṇīṃ vighneśameva ca

svātantryeṇārcayeddhīmān sarvakāmārthasiddhaye /
śriyādīnāṃ tu boddhavyaṃ lakṣaṇaṃ tantravittamaiḥ

tasmācchriyādimūrtīnāṃ svātantrye tu parārthake /
uktamātmārthapūjāyāṃ pūrvavallakṣaṇaṃ bhavet

mūlaberasya bāhvanta utsedho lakṣmaṇasya tu /
bharatasya tathotsedha iti tantre vidurbudhāḥ

lakṣmaṇasyāpi bāhvantaḥ śatrughnasyocchrayo bhavet /
ātmārthayajanaṃ vakṣye śṛṇu nārada tatvataḥ

ṣoḍaśāṅgulamu (ko?) tsedha uttamaṃ saṃpracakṣate /
madhyamaṃ tu tadardhaṃ syāt dvyaṅgulaṃ tu kanīyasam

suvarṇādikṛtānāṃ ca (vā?) lekhyānāṃ phalakādiṣu /
mānamevaṃ vijānīyādātmārthamiti kīrtitam

uktotsedhānurūpeṇa kāryaṃ vistāralakṣaṇam /
suvarṇādīni vastūni śṛṇuṣvaiṣāṃ phalāni ca

hemarūpyaśca tāmraṃ ca rītiśailaṃ ca dhātavaḥ /
dāruśca mṛtpraśstāni pratimāpratipādane

dadyāt suvarṇajāpyāsāṃ puṣṭikīrtisukhaṃ nṛṇām /
raupyalohamayī sā tu sukhaṃ sarvatra yacchati

tāmrajā pratimā dadyāt putrapautradhanaṃ tu ve /
rājatākhilapāpāni kleśaduḥkhāni nirdahet

śailajā pratimā sākṣāt saubhāgyāyuḥ sukhāni ca /
dārujā pratimā dadyāt balārogyayaśāṃsi ca

mṛṇmayī sarvakāmānāṃ phaladātrī viśeṣataḥ /
iti bhedāni vastūni phalānyeṣāṃ ca nārada

pratimākaraṇe proktaṃ (-ṇoktāni?) tava snehānmahāmune /
ata ūrdhvaṃ pravakṣyāmi śilāsaṃgrahaṇaṃ tava

dārusaṃgrahaṇaṃ caiva śūlasya sthāpanaṃ mune /
mṛtsaṃskārādi yatsarvamevamādyaṃ mahāmune

pūrvabhāge yathoddiṣṭaṃ tathā vai pañca(?) kārayet /
athavā muniśārdūla śruṇuṣva pratimāvidhim

padmodbhavapurāṇoktavidhānena śilāgrahaḥ /
śilāgrahaṇapūrvaṃ yat mṛtsaṃskārāntameva tat(ca)

viśvakarmavidhānoktaṃ śilpalakṣaṇalakṣitam /
sādhakasyājñayā śilpī karma kuryāt samāhitaḥ

sarvalakṣaṇasaṃyuktaṃ sarvāvayavaśobhitam /
sarvābharaṇasaṃyuktaṃ prabhāmaṇḍalamaṇḍitam

pādādyavayavasaṃyuktaṃ (-vairyuktaṃ?) bhūṣaṇairmakuṭena ca /
virājamānaṃ kurvīta sādhakaḥ śilpinā saha

kriyate darśanārthaṃ yadbhaktānāṃ bimbamuttamam /
tattasya lakṣaṇaṃ brūhi (vipra?) vaktuṃ sarvaṃ na śakyate

nāradaḥ---
devadeva jagannātha jñātaṃ sarvaṃ tvayoditam /
chindhi saṃśayamadya tvaṃ yanme manasi vartate

ekatra sthāpitaṃ bimbaṃ kimanyatrocitaṃ na vā /
etat kathaya me tena kṛtārthāḥ smo vayaṃ prabho

viṣvaksenaḥ---
śṛṇu nārada vakṣyāmi sādhūktaṃ yat tvayādhunā /
guhyādguhyataraṃ caiva na prakāśyaṃ tapodhana

pañcarātreṇa yatpūrvaṃ (vidhinā?) vimāne (naṃ)yatpratiṣṭhitam /
tatrārcā yārcanāhīnā sā syāttacchāstranirmite

ananyatra (anyatantra?)kṛte dhāmni tatrārcā mandirāntare /
anyatantrakṛte na syāditi śāstrasya niścayaḥ

yatra yatra vimāne vai ekatantrapratiṣṭhite /
tatra tatra bhavedarcā na tantrāntarasaṃbhavā

ekatantrārcite bimbe mandire vā kadācana /
tantrāntarārcanā na syādyadi kuryānmahadbhayam

yatra yatra mune nātrā (cārcā?) tantrasaṃkarasaṃbhavā /
tatra tatra mahān doṣo rājā rāṣṭraṃ ca naśyati

tasmāt sarvaprayatnena sarvalokahitaiṣiṇā /
yena na syāttathā kuryāt tantradoṣasamudbhavaḥ

nāradaḥ---
etāni varjitaiḥ sarvaiḥ kṛtaṃ cet tatphalaṃ prabho /
varjyabimbārciter (cane?) kiṃ vā vadasva vadatāṃ vara

viṣvaksenaḥ---
mohādvātha bhayāllobhāt varji(garhi?) tābhiḥ śilādibhiḥ /
nirmitenaiva bimbādīn arcayennoditairapi

śilādyābhiḥ niṣiddhābhiḥ kuryādvā kārayedyadi /
utsannaṃ yāti tadgrāmaṃ bimbaṃ tadyāvadāsthitam

rājye 'pi kalahaṃ brūyāt rājāpyatra vinaśyati /
tasmāt sarvaprayatnena niṣiddhaṃ varjayet sudhīḥ

iti saṃkṣepataḥ proktaṃ pratimālakṣaṇaṃ tava /
ata ūrghvaṃ pravakṣyāmi paramātmādibhedanam