Vishnudharmottara Purana · Chapter 1.79

vajra uvāca /// //
kastvasau bālaveṣeṇa kalpānteṣu punaḥpunaḥ //
dṛṣṭo'pi na tvayā jñātastatra kautūhalaṃ mahat

mārkaṇḍeya uvāca //
bhūyobhūyastvasau dṛṣṭo mayā devo jagatpatiḥ //
kalpakṣaye na vijñātastanmāyāmohitena vai

kalpakṣaye vyatīte tu taṃ tu devaṃ pitāmahāt //
aniruddhaṃ vijānāmi pitaraṃ te jagatpatim

vajra uvāca //
jñātavānasi taṃ devaṃ kathaṃ devātpitāmahāt //
durvijñeyaṃ jagadyoniṃ sarvabhūtabhavodbhavam

mārkaṇḍeya uvāca //
māyayā mohitastasya bālasyāmitatejasaḥ //
dṛṣṭvodare jagatkṛtsnaṃ vismayāviṣṭacetanaḥ

gatvāhaṃ brahmasadanaṃ pṛṣṭavām̐staṃ pitāmaham //
ekārṇave mayā loke devadeve jagatpatau

/
dṛṣṭo bālo mahātejāstasyāhamavaśastataḥ //
praviṣṭo jaṭhare tasya deva sarvaṃ carācaram

mayā dṛṣṭaṃ jagatsarvaṃ na ca jānāmi bālakam //
dhruvaṃ taṃ bhagavānvetti sarvajñatvājjagadguruḥ

evaṃ pṛṣṭo mayā brahmā māmuvāca jagadguruḥ //
mārkaṇḍeya vijānāmi hyaniruddhaṃ jagadgurum

tvaṃ ca taṃ vettha tattvena na ca kalpakṣaye mune //
tvayā dṛṣṭaṃ yathā tasya jaṭhare bhuvanaṃ mune

tathā dṛṣṭaṃ mayā tasya jagadyonermahātmanaḥ //
madīyasya dinasyānte kadācidbhṛgunandana

ekārṇave tadā loke naṣṭe sthāvarajaṅgame //
nāgaparyaṅkaśayane paśyāmi puruṣaṃ tadā

tasminkāle na jānāmi tamahaṃ tena mohitaḥ //
tataḥ pṛcchāmi taṃ devaṃ ko bhavāniti vismitaḥ // १३ ///
sa māmuvāca prahasanmamedaṃ sakalaṃ jagat //
na tu māṃ vetsi tattvena jagatāmīśvareśvaram

/
mayāpyuktaḥ sa deveśo mamedaṃ sakalaṃ jagat // .
vṛthā pralayamadhye te matsamīpe viśeṣataḥ

//
vipratyayaśca yadi te praviśya jaṭharaṃ mama //
trailokyamakhilaṃ paśya saṃhṛtaṃ yanmayā svayam

evamuktassa tu mayā tadā kenāpi hetunā //
praviśya jaṭharaṃ me sa kṣaṇamātrādvinirgataḥ

nirgamya māmabravīcca dṛṣṭaṃ tribhuvanaṃ mayā//
tavodare jagannātha tvaṃ ca paśya mamodare

evamuktvā sa suṣvāpa bhogibhogāsane tadā//
ahamapyavaśastasya praviṣṭo jaṭharaṃ tadā

paśyāmi jagatīṃ brahmansaśailavanakānanām//
sasamudrasariddvīpalokapātālabhūṣitām

dṛṣṭvāhaṃ pṛthivīṃ tasya tathā jaṭharasaṃsthitām //
nirgamiṣyanna paśyāmi śarīraṃ tasya bhārgava //२१ ///
antarikṣaṃ prapaśyāmi nirālambaṃ paribhraman //
paribhramaṇakhinno'smi tameva śaraṇaṃ gataḥ

tatastu tasya paśyāmi randhrahīnaṃ tu vigraham ///
tasya dehādvinirgantuṃ śaktināsīttathā ca me

randhrahīnānmahābhāga tameva śaraṇaṃ gataḥ //
tato'haṃ gatavānbrahmanraṃndhraṃ prāptaṃ mayānagha

bālāgrādapi sūkṣmaṃ tattato'haṃ tena nirgataḥ //
padmanālena niṣkrāntaṃ paśyāmyātmānamātmanā

nābhisarasi tatpadmaṃ jātaṃ devasya śārṅgiṇaḥ //
śeṣaratnārkaśaivāli vikāsitadalaṃ mahat

tato'haṃ padmajanmeti loke khyātimupāgataḥ //||
nābhijātaṃ ca yatpadmaṃ tasya devasya bhārgava

tanmahāmaṇḍalaṃ kṛtsnaṃ merustasya ca karṇikā //
tatrāhaṃ tasya saṃbhūto devadevasya cakriṇaḥ

devassa viṣṇurjagatāmadhīśaḥ sarveśvaraḥ sarvajagatpradhānaḥ //
yaॊ bālarūpī bhavatāntakāle dṛṣṭo'sya sarvasya carācarasya

evaṃ hi tasyodarasaṃsthitena mayoṣitaṃ jātakutūhalena //
tasyaiva māyāparimohitena kalpāntakāleṣu sadā narendra

iti śrīviṣṇudharmottare prathamakhaṇḍe mā० saṃ० padmanābhopākhyāno nāmaikonāśītitamo'dhyāyaḥ // ७९ ///