Vishnudharmottara Purana · Chapter 1.158

// mārkaṇḍeya uvāca // //
mārgaśīrṣasya māsasya śuklapakṣājjanādhipa //
āra'bhyābhyarcayeddevaṃ dvādaśīṣu sadaiva tu

pakṣayorubhayornityaṃ sopavāso jitendriyaḥ //
phalaiḥ puṣpairyathākāmaṃ naivedyairhomakarmaṇā

pūjane brāhmaṇānāṃ ca śaktyā dānaṃ ca pārthiva //
abhīṣṭanāmajapyena pūrṇātsaṃvansarānnaraḥ

tadevāpnoti rājendra yatra gatvā na śocati //
akāmāḥ sāttvikā devaṃ pūjayanti janārdanam

tasmādakāmena narendracanda saṃpūjanīyo bhuvanasya goptā //
tyaktvā vaṇijyaṃ naradeva loke deveśvaro viṣṇurupāsanīyaḥ

iti śrīviṣṇudharmottare prathamakhaṇḍe mārkaṇḍeyavajrasaṃvāde kāmadvādaśīvarṇanaṃ nāmāṣṭa pañcāśadadhikaśatatamo'dhyāyaḥ