Vishnu Purana · Chapter 5.29

iti śrīviṣṇumahāpurāṇe pañcamāṃśe 'ṣṭāviṃśodhyāyaḥ (28)
śrīparāśara uvāca
dvāravatyāṃ sthite kṛṣṇe śakrastribhuvaneśvaraḥ /
ājagāmātha maitreya mattairāvatapṛṣṭhagaḥ

praviśya dvārakāṃ so 'tha sametya hariṇā tataḥ /
kathayāmāsa daityasya narakasya vicoṣṭitam

tvayānāthena devānāṃ manaṣyatvepi tiṣṭhatā /
praśamaṃ sarvaduḥkhāni nītāni madhusūdana

tapasvivyamanārthāya soriṣṭo dhenukas tathā /
pravṛtto yas tathā keśīte sarve nihatāstvayā

kaṃsaḥ kuvalayāpīḍaḥ pūtanā bālaghātinī /
nāśaṃ nītāstvayā sarve ye 'nye jagadupadravāḥ

yuṣmaddordaḍasaṃbhūtiparitrāte jagattraye /
yajvayajñāṃśasaṃprāptyā tṛptiṃ yānti divaukasaḥ

so 'haṃ sāṃpratamāyāto yannimittaṃ janārdana /
tacchutvā tatpratīkāraprayatnaṃ kartumarhasi

bhaumo 'yaṃ narako nāma prāgjyotiṣapureśvaraḥ /
karoti sarvabhūtānām upaghātam arindama

devasiddasurādīnāṃ nṛpāṇāṃ ca najārdana /
hṛtvā tu so 'suraḥ kanyā rurudhe nijamandire

chatraṃ yatsalilasrāvi tajjahāra pracetasaḥ /
madaṃrasya tathā śṛṅgaṃ hṛtavānmaṇiparvatam

amṛtastrāviṇī divye manmātuḥ kṛṣṇakuñjale /
jahāra so 'suro dityā vāñchatyairāvataṃ gajam

durnītametadgovindamayā tasya niveditam /
yadatra pratikartavyaṃ tatsvayaṃ parimṛśyatām

śrīparāśasa uvāca
itiśrutvā smitaṃ kṛtvā bhagavāndevakīsutaḥ /
gṛhītvā vāsavaṃ haste samuttasthau varāsanāt

saṃcintyāgatamāruhya garuḍaṃ gaganecaram /
satyabhāmāṃ samāropya yayau prāgjyotiṣaṃ puram

āruhyaurāvataṃ nāgaṃ śakro 'pi tridivaṃ yayau /
tatau jagāma kṛṣṇaś ca paśyatāṃ dvārakaukasām

prāgjyotiṣapurasyāpi samantācchatayojanam /
ācitā mauravaiḥ pāśaiḥ kṣurāntair bhūr dvijottama

tāñciccheda hariḥ pāśānkṣiptvā cakraṃ sudarśanam /
tato muraḥsamuttasthau taṃ jaghāna ca keśavaḥ

murasya tanayānsapta sahasrāṃstāṃstato hariḥ /
cakradhārāgninirdagdhāṃścakāra śalabhāniva

hatvāsuraṃ hayagrīvaṃ tathā pañcajanaṃ dvija /
prāgjyotiṣapuraṃ dhīmāṃstvārāvānsamupādravat

narakeṇāsya tatrābhūnmahāsainyena saṃyugam /
kṛṣṇasya yatra govindo yatra govindo jaghne daityānsahasraśaḥ

śastrāstravarṣaṃ muñcantaṃ taṃ bhaumaṃ narakaṃ balī /
kṣiptvā cakraṃ dvidhā cakre cakrī daiteyacakrahā

hate tu narake bhūmirgṛhītvāditikuṇḍale /
upatasthe jagannāthaṃ vākyaṃ cedamathābravīt

pṛthvyuvāca
yadāhamuddhṛtā nātha tvayā sūkaramūrtinā /
tvatsparśasaṃbhavaḥ putrastadāyaṃ mayyajāyata

so 'yaṃ tvayaiva datto me tvayaiba vinipātitaḥ /
gṛhāma kuṇḍale ceme pālayāsya ca saṃtatim

bhārāvataraṇārthāya mamaiva bhagavānimam /
aṃśena lokamāyātaḥ prasādasumukhaḥ prabho

tvaṃ kartā ca vikartā ca saṃhartā prabhavo 'pyayaḥ /
jagatāntvaṃ jagadrūpaḥstūyate 'cyuta kiṃ tava

vyāptivyāpyaṃ kriyākartā kāryaṃ ca bhagavānyathā /
sarvabhūtātmabhūtasya stūyate tava kiṃ tathā

paramātmā ca bhūtātmā tvamātmā cāpyayo bhavān /
yathātathā stutirnātha kimarthaṃ te pravartate

prasīda sarvabhūtātmannarakeṇa tu yatkṛtam /
tatkṣamyatāmadoṣāya tvatsutastvannipātitaḥ

śrīparāśara uvāca
tatheti coktvā dharaṇīṃ bhagavān bhūtabhāvanaḥ /
ratnāni narakāvāsājjagrāha munisattama

kanyāpure sa kanyānāṃ ṣoḍaḥśātulavikramaḥ /
śatādhikāni dadṛśe sahasrāṇi mahāmune

caturdaṃṣṭrāngajāṃścāgryān ṣaṭsahasrāṃś ca dṛṣṭavān /
kāṃbhojānāṃ tathāśvānāṃ niyutānyekaviṃśatim

tāḥ kanyāstāṃs tathā nāgāṃstānaśvān dvārakāṃ purīm /
prāpayāmāsa govindaḥsadyo narakakiṅkaraiḥ

dadṛśe vāruṇaṃ cchatraṃ tathaiva maṇiparvatam /
āropayāmāsa harirgaruḍepatageśvare

āruhya ca svayaṃ kṛṣṇaḥ satyabhāmāsahāyavān /
adityāḥ kuṇḍale dānuṃ jagāma tridaśālayam