Vishnu Purana · Chapter 4.8

iti śrīviṣṇumahāpurāṇe caturthaṃśe saptamo 'dhyāyaḥ (7)
śrīparāśara uvāca
purūravaso jyeṣṭhaḥ putro yastvāyurnāmā sa rāhorduhitaramupayeme

tasyāṃ ca pañca putrānutpādayāmāsa

nahuṣakṣatravṛddharaṃbharajisaṃjñāstathaivānenāḥ pañcamaḥ putro 'bhūt

kṣatravṛddhātsuhotraḥ putro 'bhavat

kāśyapakāśagṛtsamadāstrayastasya putrā babhūvuḥ

gṛtsamadasya śonakaścāturvarmyapravartayitābhūt

kāśyasya kāśeyaḥ kāśīrājaḥ tasmādrāṣṭraḥ rāṣṭrasya dīrghatapāḥ putro 'bhavat

dhanvantaristu dīrghatapasaḥ putro 'bhavat

sa hi saṃsiddhakāryakaramaḥsakalasaṃbhūtiṣvaśeṣajñānavidā bhagavatā nārāyaṇena cātīta saṃbhūtau tasmai varo dattaḥ

kāśīrājagotre 'vatīrya tvamaṣṭadhā samyagāyurvedaṃ kariṣyasi yajñabhāgabhugbhaviṣyasīti

tasya ca dhanvantareḥ patraḥ ketumān ketumato bhīmarathaḥ tasyāpi divodāsaḥ tasyāpi pratardanaḥ

sa ca bhadraśreṇyavaṃśavināśanādaśeṣaśatravonenajitā iti śatrujidabhavat

tena ca prītimatātmaputro vatsavatsetyabhihito vatso 'bhavat

satyaparatayā ṛtadhvajasaṃjñāmavāpa

tataś ca kuvalayanāmānamaśvaṃ lebhe tataḥ kuvalayāśva ityasyāṃ pṛthivyāṃ prathitaḥ

tasyaca ca vatsasya putro 'larkanāmābhavat yasyāyamadyāpiśloko gīyate

ṣaṣṭivarṣasahasrāṇi ṣaṣṭivarṣaśatāni ca /
alarkādaparo nānyo bubhuje medinīṃ yuvā

tasyāpyalarkasya sannatināmābhavadātmaja

sannateḥ sunīthaḥ tasyāpi suketuḥ tasmācca dharmaketurjajñe

tataś ca satyaketuḥ tasmādvibhuḥ tattayaḥsuvibhuḥ tataś ca sukumārastasyāpi dṛṣṭaketuḥ tataś ca vītihotraḥ tasmādbhārgaḥ bhārgasya bhārgabhūmiḥ tataścāturvarṇyaṃpravṛttirityete kāśyapabhūbhṛtaḥ kathitāḥ

rajestu saṃtatiḥ śruyatām