વિષ્ણુ પુરાણ · અધ્યાય 4.8

ઇતિ શ્રીવિષ્ણુમહાપુરાણે ચતુર્થંશે સપ્તમો ઽધ્યાયઃ (7)
શ્રીપરાશર ઉવાચ
પુરૂરવસો જ્યેષ્ઠઃ પુત્રો યસ્ત્વાયુર્નામા સ રાહોર્દુહિતરમુપયેમે

તસ્યાં ચ પઞ્ચ પુત્રાનુત્પાદયામાસ

નહુષક્ષત્રવૃદ્ધરંભરજિસંજ્ઞાસ્તથૈવાનેનાઃ પઞ્ચમઃ પુત્રો ઽભૂત્

ક્ષત્રવૃદ્ધાત્સુહોત્રઃ પુત્રો ઽભવત્

કાશ્યપકાશગૃત્સમદાસ્ત્રયસ્તસ્ય પુત્રા બભૂવુઃ

ગૃત્સમદસ્ય શોનકશ્ચાતુર્વર્મ્યપ્રવર્તયિતાભૂત્

કાશ્યસ્ય કાશેયઃ કાશીરાજઃ તસ્માદ્રાષ્ટ્રઃ રાષ્ટ્રસ્ય દીર્ઘતપાઃ પુત્રો ઽભવત્

ધન્વન્તરિસ્તુ દીર્ઘતપસઃ પુત્રો ઽભવત્

સ હિ સંસિદ્ધકાર્યકરમઃસકલસંભૂતિષ્વશેષજ્ઞાનવિદા ભગવતા નારાયણેન ચાતીત સંભૂતૌ તસ્મૈ વરો દત્તઃ

કાશીરાજગોત્રે ઽવતીર્ય ત્વમષ્ટધા સમ્યગાયુર્વેદં કરિષ્યસિ યજ્ઞભાગભુગ્ભવિષ્યસીતિ

તસ્ય ચ ધન્વન્તરેઃ પત્રઃ કેતુમાન્ કેતુમતો ભીમરથઃ તસ્યાપિ દિવોદાસઃ તસ્યાપિ પ્રતર્દનઃ

સ ચ ભદ્રશ્રેણ્યવંશવિનાશનાદશેષશત્રવોનેનજિતા ઇતિ શત્રુજિદભવત્

તેન ચ પ્રીતિમતાત્મપુત્રો વત્સવત્સેત્યભિહિતો વત્સો ઽભવત્

સત્યપરતયા ઋતધ્વજસંજ્ઞામવાપ

તતશ્ ચ કુવલયનામાનમશ્વં લેભે તતઃ કુવલયાશ્વ ઇત્યસ્યાં પૃથિવ્યાં પ્રથિતઃ

તસ્યચ ચ વત્સસ્ય પુત્રો ઽલર્કનામાભવત્ યસ્યાયમદ્યાપિશ્લોકો ગીયતે

ષષ્ટિવર્ષસહસ્રાણિ ષષ્ટિવર્ષશતાનિ ચ ।
અલર્કાદપરો નાન્યો બુભુજે મેદિનીં યુવા

તસ્યાપ્યલર્કસ્ય સન્નતિનામાભવદાત્મજ

સન્નતેઃ સુનીથઃ તસ્યાપિ સુકેતુઃ તસ્માચ્ચ ધર્મકેતુર્જજ્ઞે

તતશ્ ચ સત્યકેતુઃ તસ્માદ્વિભુઃ તત્તયઃસુવિભુઃ તતશ્ ચ સુકુમારસ્તસ્યાપિ દૃષ્ટકેતુઃ તતશ્ ચ વીતિહોત્રઃ તસ્માદ્ભાર્ગઃ ભાર્ગસ્ય ભાર્ગભૂમિઃ તતશ્ચાતુર્વર્ણ્યંપ્રવૃત્તિરિત્યેતે કાશ્યપભૂભૃતઃ કથિતાઃ

રજેસ્તુ સંતતિઃ શ્રુયતામ્