Scripture Library

Vishnu Purana · Chapter 4.15

4.15.1

iti śriviṣṇumahāpurāṇe caturthāṃśe caturdaśo 'dhyāyaḥ (14)
maitreya uvāca
hiraṇyakaśiputve ca rāvaṇatve ca viṣṇunā /
avāpa nihato bhogānaprāpyān amarair api

4.15.2

na layaṃ tatra tenaiva nihataḥ sa kathaṃ punaḥ /
saṃprāptaḥ śiśupālatve sāyujyaṃ śāśvate harau

4.15.3

etadicchāmyahaṃ śrotuṃ sarvadharmabhṛttāṃ vara /
kautūhalapareṇaitatpṛṣṭo me vaktumarhasi

4.15.4

śrīparāśara uvāca
daityeśvarasya vadhāyāśilalokotpattisthitivināśakāriṇā pūrvaṃ tanugrahaṇaṃ kurvatā nṛsiṃha rūpamāviṣkṛtam

4.15.5

tatra ca hiraṇyakaśiporviṣṇurayamityetanna manasyabhūt

4.15.6

niratiśayapuṇyasamudbhūtametatsattvājātamiti

4.15.7

rajodrekapreritaikāgramatistadbhāvanāyogāttatovāptavadhahaitukīṃ niratiśayāmevākhilatrailokyakārīṇīṃ daśānanatve bhogasaṃpadamavāpa

4.15.8

na tu sa tasminnanādinidhane parabrahmabhūte bhagavatyanālaṃbini kṛte manasastallayamavāpa

4.15.9

evaṃ daśānanatvepyanaṅgaparādhīnatayā jānakīsamāsaktacetasā bhagavatā dāśarathi rūpadhāriṇā hatasya tadrūpadarśanamevāsīt nāyamacyuta ityāsaktirvipadyatontaḥkaraṇe mānuṣabuddhireva kevalamasyābhūt

4.15.10

punarapyacyutavinipātamātraphalamakhilabhūmaṇḍalaślāghyacedirājakule janma avyāhataiśvaryaṃ śiśupālatvepyavāpa

4.15.11

tatra tvakhilānāmeva sa bhagavannāmnāṃ tvaṅkārakāraṇamabhavat

4.15.12

tataś ca tatkālakṛtānāṃ teṣāmaśeṣaṇāmevācyutanāmnāmanavaratamanekajanmasu vardhitavidveṣānubandhicitto vinindanasaṃtarjanādiṣūccāraṇamakarot

4.15.13

tacca rūpamutphullapadmadalāmalākṣimatyujjvalapītavastradhāryamalakiriṭakeyūrahārakaṭakādiśobhitamudāracaturbāhuśaṅkhacakragadādharamatiprarūḍhavairānubhāvādaṭanabhojanasnānāsanaśayanādiṣvaśeṣāvasthāntareṣu nānyatropayayāvasya cetasaḥ

4.15.14

tatastamevākrośeṣūccārayaṃstameva hṛdayena dhārayannātmavadhāya yāvadbhagavaddhastacakrāṃśumālojjvālamakṣayatejaḥsvarūpaṃ brahmabhūtamapagatadveṣādidoṣaṃ bhagavantamadrākṣīt

4.15.15

tāvacca bhagavaccakreṇāśu vyāpāditastatsmaraṇadagdhākhilāghasaṃcayo bhagavatāntamupanītastatasminneva layamupayayau

4.15.16

etattavākhilaṃmayābhihitam

4.15.17

ayaṃ hi bhagavān kīrtitaś ca saṃsmṛtaś ca dveṣānubandhenāpi akhilamurāsurādirdullabhaṃ phalaṃ prayacchati kimuta samyagbhaktimatmiti

4.15.18

vasudevasya tvānakadundubheḥ pauravīrohiṇīmadirābhadrādevakīpramukhā bahvyaḥ patnyo 'bhavan

4.15.19

balabhadraśaṭhasāraṇadurmadādīnputrārtnohiṇyānakadundubhir utpādayāmāsa

4.15.20

baladevopi revatyāṃ viśaṭholmukau putrāvajanayat

4.15.21

sārṣṭimārṣṭiśiśusatyasatyadhṛtipramukhāḥ sāraṇātmajāḥ

4.15.22

bhadrāśvabhadrabāhudurdamabhūtādyāḥ rohiṇyāḥ kulajāḥ

4.15.23

nandopanandakṛtakādya madirāyāstanayāḥ

4.15.24

bhadrāyāścopanidhigadādyāḥ

4.15.25

vaiśālyāṃ ca kauśikamekamevājanayat

4.15.26

ānakadundubherdavakyāmapi kīrtimatsuṣeṇodāyubhadrasenaṛjadāsabhadradevākhyāḥ ṣaṭ putrā jajñire

4.15.27

tāṃś ca sarvāneva kaṃsoghātitavān

4.15.28

anantaraṃ ca saptamaṃ garbhamardharātre bhagavatprahitāyoganidrā rohiṇyā jaṭharamākṛṣya nītavatī

4.15.29

karṣaṇāccāsāvapi saṃkarṣaṇākhyāmagamat

4.15.30

tataś ca sakalajaganmahātarumūlabhūtobhūtabhaviṣyadādisakalamurāsuramunijanamanasāmapyagocaro 'bjabhavapramukhair analamukhaiḥ praṇamyāvanibhāraharaṇāya prasādito bhagavānanādimadhyanidhanodevakīgarbhamavatatāra vāsudevaḥ

4.15.31

tatprasādavivaddhamānorumahimā ca yoganidrā nandagopapatnyā yaśodāyā garbhamadhitiṣṭhitavatī

4.15.32

suprasannādityacandrādigrahamavyālādibhayaṃ svasthamānasamakhilamevaitajjagadapāstādharmamabhavattsmiś ca puṇḍarīkanayane jāyamāne

4.15.33

jātena ca tenākhilamevaitatsanmārgavarti jagadakriyata

4.15.34

bhagavatopyatra martyaloke 'vatīrṇasya ṣoḍaśasahasrāṇyekottaraśatādhikāni bhāryāṇāma bhavan

4.15.35

tāsāṃ ca rukmiṇī satyabhāmā jāṃbavatī cāruhāsinīpramukhā hyaṣṭau patnyaḥ pradhānā babhūcavuḥ

4.15.36

tāsu cāṣṭāvayutānilakṣaṃ ca putrāṇāṃ bhagavānakhilamūrtiranādimānajanayat

4.15.37

teṣāṃ ca pradyumnacārudeṣṇyasāṃbādayaḥ trayodaśa pradhānāḥ

4.15.38

pradyumnopi rukmiṇastanayāṃ rukmavatīṃ nāmopayeme

4.15.39

tasyāmaniruddho jajñe

4.15.40

aniruddho 'pi rukmiṇā eva pautrīṃ subhadrāṃ nāmo payeme

4.15.41

tasyāmasya vajro jajñe

4.15.42

vajrasya pratibāhuḥ tasyāpi sucāruḥ

4.15.43

evamanekaśatasahas6puṣasaṃkhyasya yadukulasya putrasaṃkhyā varṣaśatair api vaktuṃ na śakyate

4.15.44

yato hi ślokāvimāvatra caritārthau

4.15.45

tistraḥ koṭyaḥsahasrāṇāmaṣṭāśīti śatāni ca /
kumārāṇāṃ kṛhācāryāścāpayogeṣu ye ratāḥ

4.15.46

saṃkhyānaṃ yādavānāṃ kaḥ kariṣyati mahātmanām /
yatrāyutānāmayutalakṣeṇāste sadāhukaḥ

4.15.49

devāsure hatā ye tu daiteyāḥsumahābalāḥ /
utpannāste manuṣyeṣu pramāṇe ca prabhutve ca vyavasthitaḥ /
nideśasthāyinastasya vavṛdhuḥsarvayādavāḥ

4.15.50

iti prasūtiṃ vṛṣṇīnāṃ yaśrśṛṇoti naraḥ sadā /
sa sarvaiḥ pātakair mukto viṣṇulokaṃ prapadyate

Original text: Viṣṇupurāṇa · Edition: Bombay : Venkatesvara Steam Press 1910 · Data entry members of the Sansknet Project · GRETIL (Göttingen) · CC BY-NC-SA 4.0