Vedanta Paribhasha · Chapter p5

athopamānaṃ nirapyate/ tatra sādṛśyapramākaraṇamipamānam/ tathā hi prāṅgaṇeṣu dṛṣṭagopiṇḍasya puruṣasya vanaṃ gatasya gavayendrisannikarṣe sati bhavati pratītiḥ ayaṃ piṇḍo gosadṛśa iti/ tadanantaraṃ ca bhavati niścayo'nena sadṛśī madīyā gauriti/ tatrāvayavyatirekābhyāṃ gavayaniṣṭhagosādṛśyajñānaṃ karaṇaṃ, goniṣṭhagavayasādṛśyajñānaṃ phalam/ na cedaṃ pratyakṣeṇa sambhavati / gopiṇḍasya tadendriyāsannikarṣāt, nāpyanumānena gavayaniṣṭhasādṛśyasyātalliṅgatvāt/ nāpi “madīyā gauḥ etadgavayasadṛśī, etanniṣṭhasādṛśyapratiyogitvāt, yo yadgatasādṛśyapratiyogī sa tatsadṛśaḥ, yathā maitraniṣṭhasādṛśyapratiyogī caitraḥ maitrasadṛśa” ityanumānāttatsambhava iti vācyam/ evaṃvidhānumānānava-tāre'pyanena sadṛśī madīyā gaurīti pratīteranubhavasiddhatvāt/ upaminomītyanuvyavasāyācca/ tasmādupamānaṃ mānāntaram/
iti vedāntaparibhāṣāyāmupamānaparicchedaḥ//३//