Varaha Purana · Chapter 188

atha piṇḍakalpaśrāddhotpatiprakaraṇam //
dharaṇyuvāca //
devadevo'si devānāṃ lokanātho'parigrahaḥ //
āāśeaucakarma vidhivacchrotumicchāmi mādhava

śrīvarāha uvāca //
āśeaucaṃ śṛṇu kalyāṇi yathā śudhyanti mānavāḥ //
gatāyuṣastṛtīyena snānaṃ kuryānnadījale

piṇḍaṃ saṃcūraṇaṃ dadyāttrīṃśca dadyājjalāñjalīn //
caturthe paṃcame ṣaṣṭhe piṇḍamekaṃ jalāñjalim

anyasthāneṣu dātavyaṃ snānāttvahani saptame //
evaṃ pratidinaṃ kāryaṃ yāvacca daśamaṃ dinam

kṣārādinā vastraśaucaṃ dine ca daśame tathā //
tilāmalakasnehena gotrajaḥ snānamācaret

piṇḍadānaṃ vivartyātha kṣeaurakarma tu kārayet //
snānaṃ kṛtvā vidhānena jñātibhiḥ svagṛhaṃ vrajet

ekādaśe ca divase ekoddiṣṭaṃ yathāvidhi//
snātvā caiva śucirbhūtvā pretaṃ vipreṣu yojayet

ekoddiṣṭaṃ manuṣyāṇāṃ cāturvarṇyasya mādhavi//
yathaikaṃ dravyasaṃyuktaṃ svaṃ vipraṃ bhojayettadā

snātvā caiva śucirbhūtvā pretaṃ preteṣu yojayet//
ekoddiṣṭaṃ tu dravyāṇāṃ cāturvarṇyasya mādhavi

apākadravyaṃ saṃgṛhya brahmaṇo vacanaṃ yathā//
triṣu varṇeṣu karttavyaṃ pākabhojanamityuta

śuśrūṣayā vipannānāṃ śūdrāṇāṃ ca varānane//
trayodaśe dine prāpte supakvairbhojayeddvijān

mṛtasya nāma coddiśya yasyārthe ca prayojitaḥ//
svargatasyeti saṅkalpya kṛtvā brāhmaṇamandiram

gatvā nimantritaṃ vipraṃ namro bhūtvā samāhitaḥ //
mantreṇānena bho devi manasyeva paṭhanti tam

gato'si divyaloke tvaṃ kṛtāntavihitena ca //
manasā vāyubhūtastvaṃ vipramenaṃ samāśraya

astaṅgate tathāditye gatvā brāhmaṇamandiram //
dattvā tu pādyaṃ vidhivan namaskṛtya dvijottamam

pādsaṃvāhanaṃ kāryaṃ pretasya hitakāmyayā //
pretabhogaśarīre tu brāhmaṇasya ca sundari

yāvattu tiṣṭhate tatra pretabhogamudīkṣate //
tāvanna saṃspṛśedbhūme mama gātraṃ pratiṣṭhitam

prabhātāyāṃ tu śarvaryāmudite ca divākare //
śmaśrukarma prakarttavyaṃ viprasya tu yathāvidhi

snāpanābhyañjanaṃ kāryaṃ pretasantoṣadāyakam//
gṛhītvā bhūmibhāgaṃ ca sthaṇḍilaṃ tatra kārayet

nipātadeśaṃ saṃgṛhya śucideśe samāhitaḥ//
nadīkūle nikhāte vā pretabhūmiṃ vinirdeśet

catuḥṣaṣṭikṛtaṃ bhāgaṃ yathāvatsukṛtaṃ bhavet//
tato dakṣiṇapūrveṣu digvibhāgeṣu sundari

chāyāyāṃ kuṃjarasyāpi nadīkūladrume tathā //
cāṇḍālādiprahīṇe tu pretakāryaṃ samācaret

yaṃ deśaṃ ca na paśyanti kukkuṭaśvānaśūkarāḥ //
śvā cāpohati rāveṇa garjitena ca śūkaraḥ

kukkuṭaḥ pakṣavātena cāṇḍālaśca yathā dhare//
tatra kurvanti ye śrāddhaṃ pitṝṇāṃ bandhanapradam

varjanīyā budhairete pretakāryeṣu sundari //
devatāsuragandharvāḥ piśācoragarākṣasāḥ

nāgā bhūtāni yajñāśca ye ca sthāvarajaṅgamāḥ //
snānaṃ kṛtvā yathā devi tava pṛṣṭhe pratiṣṭhitāḥ

/
dhārayiṣyāmi suśroṇi viṣṇumāyātataṃ jagat //
caṇḍālamāditaḥ kṛtvā narāṇāṃ tu śubhāśubham

snānaṃ kurvantu te bhūme sthaṇḍile tadanantare //
akṛtvā pṛthivībhāgaṃ nivāpaṃ ye tu kurvate

tvadadhīnaṃ jagadbhadre tavocchiṣṭaṃ hataṃ bhavet //
na devāḥ pitarastasya gṛhṇantīha kadācana

patanti narake ghore tenocchiṣṭena sundari //
sthaṇḍile pretabhāgaṃ tu dadyātpūrvāhṇikaṃ tu tam

kṛtvā tu piṇḍasaṅkalpaṃ nāmagotreṇa mādhavi //
paścādaśnanti gotrāṇi kulajāścaikabhojanāḥ

na dadyādanyagotrebhyo ye na bhuñjanti tatra vai //
caturṇāmapi varṇānāṃ pretakāryeṣu sundarī

evaṃ dattena prīyante pretalokagatā narāḥ //
adatvā pretabhāgaṃ tu bhuṅkte yastatra mānavaḥ

gatvā mahānadīṃ so'pi sacailaṃ snānamācaret //
tīrthāni manasā gatvā tribhirabhyukṣayedbhuvam

evaṃ śuddhiṃ tataḥ kṛtvā brāhmaṇān śīghramānayet //
āgatāṃśca dvijān dṛṣṭvā karttavyā svāgatakriyā

arghyaṃ pādyaṃ tato dadyāddhṛṣṭapuṣṭena mādhavi //
āsanaṃ copakalpeta mantreṇa vidhipūrvakam

mantraḥ-
idaṃ te āsanaṃ dattaṃ viśrāmaṃ kriyatāṃ dvija//
kuruṣva me prasādaṃ ca suprasīd dvijottama

upaveśyāsane vipraṃ chatraṃ saṅkalpayetpunaḥ //
nivāraṇārthamākāśe bhūtā gaganacāriṇaḥ

devagandharva yakṣāśca siddhasaṃghā mahāsurāḥ //
dhāraṇārthaṃ tathākāśe chatraṃ tejasvināṃ kṛtam

/
pretasya ca hitārthāya dhārayeta vasundhare //
pūrvaṃ saṃhṛṣṭatuṣṭena pretabhāgaṃ ca dāpayet

chatramāvaraṇārthaṃ tu dadyāñcaiva dvijātaye //
ākāśe tatra paśyanti devāḥ siddhapurogamāḥ

gandharvā hyasurāḥ siddhā rākṣasāḥ piśitāśinaḥ //
dṛśyamāneṣu sarveṣu pretaḥ saṃvrīḍito bhavet

vrīḍamānaṃ tato dṛṣṭvā hasaṃtyasurarākṣasāḥ //
evaṃ nivāraṇaṃ chatramādityena kṛtaṃ purā

pretalokagatānāṃ ca sarvadevarṣiṇāṃ purā //
agnivarṣaṃ śilāvarṣaṃ taptaṃ tatra jalodakam

bhasmavarṣaṃ tato ghoramahorātreṇa mādhavi //
pādau ca te na dahyetāṃ yamasya viṣayaṃ gate //
tamo'ndhakāraviṣamaṃ durgamaṃ ghoradarśanam

ekākī duḥsahaṃ loke pathā yena sa gacchati //
kālo mṛtyuśca dūtaśca yaṣṭimudyamya pṛṣṭhataḥ

ahorātreṇa ghoreṇa pretaṃ nayati mādhavi //
dadyāttadarthaṃ viprāya padatre ca sukhāvahe

taptavālumayī bhūmiḥ kaṇṭakairupasaṃstṛtā//
tena durgāṇi tarati dattayopānahātra vai

paścāddhūpaṃ ca dīpaṃ ca dadyādvai mantrapūrvakam//
yāti yena vijānīyātpṛthakpretena yojayet

nāmagotramudāhṛtya pretāya tadanantaram //
śīghramāvāhayedbhūme darbhapātre ca bhūtale

mantraḥ-
iha lokaṃ parityajya gato'si paramāṃ gatim //
gṛhṇa gandhaṃ mudā yukto bhaktyā pretopapāditam

gandhamantraḥ-
sarvagandhaṃ sarvapuṣpaṃ dhūpaṃ dīpaṃ tathaiva ca //
pratigṛhṇīṣva viprendra pretamokṣaprado bhava

evaṃ vastrāṇi viprāya sarvāṇyābharaṇāni ca //
punaḥ punaśca pakvānnaṃ prayacchettu vasundhare

evamādīni dravyāṇi pretabhogyāni sarvaśaḥ //
pādaśaucādi triḥ kṛtvā cāturvarṇyasya mādhavi

evaṃvidhaḥ prayoktavyaḥ śūdrāṇāṃ mantravarjitam //
amantrasya ca śūdrasya vipro gṛhṇāti mantrataḥ

etatsarvaṃ vinirvartya pakvānnaṃ bhojayeddvijam//
bhokṣyamāṇena vipreṇa jñānaśuddhena sundari

pretāya prathamaṃ dadyānna spṛśeta parātparam //
sarvaṃ vyañjanasaṃyuktaṃ pretabhāgaṃ prakalpayet

devatvaṃ brāhmaṇatvaṃ ca pretapiṇḍe pradīyate //
mānuṣatvaṃ nivāpeṣu jñātavyaṃ satataṃ budhaiḥ

pitṛsthāne pradātavyaṃ vidhānānmantrasaṃyutam //
evaṃ preteṣu vipreṣu eva kālo na vidyate

hastaśaucaṃ punaḥ kṛtvā hyupaspṛśya yathāvidhi //
samantraṃ pratigṛhṇāti pakvānnaṃ bhakṣyabhojanam

bhujyamānasya viprasya pretabhāgaṃ ca nityaśaḥ //
jñātivargeṣu gotreṣu sambandhisvajaneṣu ca

bhāgastatra pradātavyastasyārthe yasya vidyate //
viprāya dīyamāne tu vāraṇīyaṃ na kenacit

nivārayati yo dattaṃ guruhatyāphalaṃ labhet //
na devā pratigṛhṇanti nāgnaya pitarastathā

evaṃ vilupyate dharmaḥ pretastatra na tuṣyati //
evaṃ vicintyamānasya yathā dharmo na lupyate

jñātisambandhimadhye tu yo dadyātpretabhojanam //
hṛṣṭena manasā vipre pretabhāgaṃ viśeṣataḥ

kūṭavatpratitiṣṭheta dṛṣṭvā tṛptiṃ na gacchati //
evaṃ tu pretabhāvena śīghraṃ muñcati kilbiṣāt

tṛptiṃ jñātvā tu viprasya pakvānnena tu mādhavi //
dātavyamudake tasya pāṇāvabhyukṣaṇaṃ tataḥ

dṛṣṭvā tu proṣitaṃ tena ucchiṣṭaṃ na visarjjayet //
brāhmaṇe nāpyanujñātaḥ śīghraṃ saṃraṃbhayettataḥ

dātavyaṃ tatra cocchiṣṭaṃ yena hetumagarhitam //
upaspṛśya vidhānena mama tīrthagatena ca

śucirbhūtvā tu vidhivatkṛtvā śāntyudakāni tu //
praṇamya śirasā devi nivāpasthānamāgataḥ //
mantraiḥ stutistu karttavyā tava bhaktyā'vatiṣṭhatā

namo namo medini lokamātarurvyai mahāśailaśilādharāyai //
namonamo dhāriṇi lokadhātri jagatpratiṣṭhe vasudhe namo'stu te

evaṃ nivāpadānena tava bhaktena sundari //
dadyāttilodakaṃ tasya nāmagotramudāharet

jānubhyāmavaniṃ gatvā namaskṛtya dvijottamān //
pāṇiṃ saṃgṛhya hastena mantreṇotthāpayeddvijān

dadyācchayyānaṃ devi tathaivāñjanakaṅkaṇam //
aṃjanaṃ kaṃkaṇaṃ gṛhya śayyāmākramya sa dvijaḥ

muhurtaṃ tatra viśramya nivāpasthānamāgataḥ//
gavāṃ lāṃgūlamuddhṛtya dadyādbrāhmaṇahastake

pātreṇodumbarasthena kṛtvā kṛṣṇatilodakam //
udāharettu mantrānvai saurabheyān dvijātayaḥ

mantrapūtaṃ tadā toyaṃ sarvapāpapraṇāśanam //
uddhṛtya tacca lāṃgūlaṃ toyenābhyukṣya vai tataḥ

paścātpretaṃ visarjyaivaṃ dadyāddānaṃ dvijātaye //
nivāpamannamaśuciṃ dadyādvāyasatarpaṇama

gatvā tu brāhmaṇebhyo'pi svagṛhaṃ yatra tiṣṭhati //
pakvānnaṃ bhojayetsarvaṃ na tiṣṭhet prativāsikam

pipīlikādibhūtāni pretabhāgaṃ ca sarvaśaḥ //
kṛtvā tu tarpaṇaṃ devi yasyārthe tasya kalpayet

bhukteṣu teṣu sarveṣu dīnānāthān pratarpya ca//
pretarājapuraṃ gatvā prayacchati sa mādhavi

sarvānnamakṣayaṃ tasya dattaṃ bhavati sundari//
karttavya evaṃ saṃskāraḥ pretabhāvaviśodhanaḥ

nemiprabhṛtibhiḥ śaucaṃ cāturvarṇyasya sarvataḥ//
bhaviṣyati na sandeho dṛṣṭapūrvaṃ svayambhuvā

kṛtvā tu dharmasaṃkalpaṃ pretakāryaṃ viśeṣataḥ//
na bhetavyaṃ tvayā putra pretakārye kṛte sati

vistareṇa mayā proktaṃ pratyakṣaṃ nāradasya ca//
tvayā vatsa sutasyārthe kraturekaḥ pratiṣṭhitaḥ

tasmātprabhṛti lokeṣu pitṛyajño bhaviṣyati //
evaṃ yāsyati vatsa tvaṃ na śokaṃ karttumarhasi

śivalokaṃ brahmalokaṃ viṣṇulokaṃ na saśaṃyaḥ//
evamuktvā tadātreyaḥ pitṛkarma yathāvidhi

dātavyaṃ tu tṛtīye ca māse saptanaveṣu ca //
ekādaśe tathā māse dadyātsāṃvatsarīṃ kriyām

pretasyāvāhanaṃ kṛtvā śucirbhūtvā samāhitaḥ //
pakvānnaṃ bhojayettatra pretabhāgaṃ yathāvidhi

mantrayuktopacāreṇa cāturvarṇyasya sarvataḥ //
vṛṣalānāmamantrāṇāṃ prayoktavyaṃ yathāvidhi

pretakārye nivṛtte tu pūrṇe saṃvatsare tathā //
prayānti jantavaḥ kecidgatvā gacchanti cāpare

pitāmahaḥ snuṣā bhāryā jñātisambandhibāndhavāḥ //
yadyete bahavaḥ santi svapnopamamidaṃ jagat

svayaṃ muhūrttaṃ roditvā tato yāti parāṅmukhaḥ //
snehapāśena baddho vai kṣaṇārddhānmucyate tataḥ

kasya mātā pitā kasya kasya bhāryā sutāstathā //
yuge yuge tu varttante mohapāśena badhyate

snehabhāvena karttavyaḥ saṃskāro hi mṛtasya ca //
mātāpitṛsahasrāṇi putradāraśatāni ca

saṃsāreṣvanubhūtāni kasya te kasya vā vayam //
svayambhuvā vidhiḥ proktaḥ pretasaṃskāralakṣaṇaḥ

pretakārye nivṛtte tu pitṛtvamupajāyate //
māsi māsi hyamāyāṃ vai karttavyaṃ pitṛtarpaṇam

pitā pitāmahaścaiva tathaiva prapitāmahaḥ //
juhuyādbrāhmaṇamukhe tṛptirbhavati śāśvatī

evamuktvā sa ātreyaḥ pitṛyajña viniścayam //
muhūrte dhyānamāsthāya tatraivāntaradhīyata

nārada uvāca //
śrutvā tu mṛtasaṃskāramātreyoktaṃ yathāvidhi //
cātuvarṇyasya sarvasya tvayā dharmaḥ pratiṣṭhitaḥ

pitṛyajñamupaśrāddhe māsi māsi dine tathā //
varttayanti yathānyāyamṛṣayaśca tapodhanāḥ

nirdiṣṭaṃ brāhmaṇānāṃ vai śūdrāṇāṃ mantravarjitam //
neminā ca kṛtaṃ śrāddhaṃ tataḥ prabhṛti vai dvijāḥ

kurvanti satataṃ śrāddhaṃ naimiśrāddhaṃ taducyate //
svastyastu te mahābhāga yāsyāmi munisattama

evamuktvā muniśreṣṭho nārado dvijatattamaḥ //
tejasā dyotayansarvaṃ gataḥ śakrapuraṃ prati

evaṃ ca piṇḍasaṃkalpaṃ śrāddhotpattiśca mādhavi //
ātreyeṇaiva muninā sthāpitaṃ brāhmaṇeṣu ca

iti śrīvarāhapurāṇe bhagavacchāstre piṇḍakalpa śrāddhotpattirnāmāṣṭāśītyadhikaśatatamo'dhyāya