Vāmanapurāṇa, Saromāhātmya · Chapter 25

iti śrīvāmanapurāṇe saromāhātmye caturviṃśo 'dhyāyaḥ
sanatkumāra uvāca
sthāṇorvaṭasyottarataḥ sukratīrthaṃ prakīrtitam /
sthāṇorvaṭasya pūrveṇa somatīrthaṃ dvijottama

sthāṇorvaṭaṃ dakṣiṇato dakṣatīrthamudāhṛtam /
sthāṇorvaṭāt paścimataḥ skandatīrthaṃ pratiṣṭhitam

etāni puṇyatīrtāni madhye sthāṇuriti smṛtaḥ /
tasya darśanamātreṇa prāpnoti paramaṃ padam

aṣṭamyāṃ ca caturdaśyāṃ yastvetāni parikramet /
pade pade yajñaphalaṃ sa prāpnoti na śaṃśayaḥ

etāni munibhiḥ sādhyairādityairvasubhistadā /
marudbhirvahnibhiścaiva sevitāni prayatnataḥ

anye ye prāṇinaḥ kecit praviṣṭāḥ sthāṇumuttamam /
sarvapāpavinirmuktāḥ prayānti paramāṃ gatim

asti tatsaṃnidhau liṅgaṃ devadevasya śūlinaḥ /
umā ca liṅgarūpeṇa harapārśvaṃ na muñcati

tasya darśanamātreṇa siddhiṃ prāpnoti mānavaḥ /
vaṭasya uttare pārśve takṣakeṇa mahātmanā

pratiṣṭhitaṃ mahāliṅgaṃ sarvakāmapradāyakam /
vaṭasya pūrvadigbhāge viśvakarmakṛtaṃ mahat

liṅgaṃ pratyaṅmukhaṃ dṛṣṭvā siddhimāpnoti mānavaḥ /
tatraiva liṅgarūpeṇa sthitā devī sarasvatī

praṇamya tāṃ prayatnena buddhiṃ medhāṃ ca vindati /
vaṭapārśve sthitaṃ liṅgaṃ brahmaṇā tat pratiṣṭhitam

dṛṣṭvā vaṭeśvaraṃ devaṃ prayāti paramaṃ padam /
tataḥ sthāṇuvaṭaṃ dṛṣṭvā kṛtvā cāpi pradakṣiṇam

pradikṣiṇīkṛtā tena saptadvīpā vasuṃdharā /
sthāṇoḥ paścimadigbāge nakulīśo gaṇaḥ smṛtaḥ

tamabhyarcya prayatnena sarvapāpaiḥ pramucyate /
tasya dakṣiṇadigbhāge tīrthaṃ rudrakaraṃ smṛtam

tasmin snātaḥ sarvatīrthe snāto bhavati mānavaḥ /
tasya cottaradigbhāge rāvaṇena mahātmanā

pratiṣṭhitaṃ mahāliṅgaṃ gokarṇaṃ nāma nāmataḥ /
āṣāḍhamāse yā kṛṣṇā bhaviṣyati caturdaśī /
tasyāṃ yor'cati gokarṇaṃ tasya puṇyaphalaṃ śṛṇu

kāmato 'kāmato vāpi yat pāpaṃ tena saṃcitam /
tasmād vimucyate pāpāt pūjayitvā haraṃ śuciḥ

kaumārabrahmacaryeṇa yatpuṇyaṃ prāpyate naraiḥ /
tatpuṇyaṃ sakalaṃ tasya aṣṭamyāṃ yor'cayecchivam

yadīcchet paramaṃ rūpaṃ saubhāgyaṃ dhanasaṃpadaḥ /
kumāreśvaramāhātmyāt siddhyate nātra saṃśayaḥ / /
25.19 tasya cottaradigbāge liṅgaṃ pūjya vibhīṣaṇaḥ /
ajaraścāmaraścaiva kalpayitvā babhūva ha

āṣāḍhasya tu māsasya śuklā yā cāṣṭamī bhavet /
tasyāṃ pūjya sopavāso hyamṛtatvamavāpnuyāt

khareṇa pūjitaṃ liṅgaṃ tasmin sthāne dvijottama /
taṃ pūjayitvā yatnena sarvakāmānavāpnuyāt

dūṣaṇastriśirāścaiva tatra pūjya maheśvaram /
yathābhilaṣitān kāmānāpatustau mudānvitau

caitramāse site pakṣe yo narastatra pūjayet /
tasya tau varadau devau prayacchete 'bhivāñchitam

sthāṇorvaṭasya pūrvoṇa hastipādeśvaraḥ śivaḥ /
taṃ dṛṣṭvā mucyate pāpairanyajanmani saṃbhavaiḥ

tasya dakṣiṇato liṅgaṃ hārītasya ṛṣeḥ sthitam /
yat praṇaṇya prayatnena siddhiṃ prāpnoti mānavaḥ

tasya dakṣiṇapārśve tu vāpītasya mahātmanaḥ /
lihgaṃ trailokyavikhyātaṃ sarvapāpaharaṃ śivam

kaṅgālarūpiṇā cāpi rudreṇa sumahātmanā /
pratiṣṭhitaṃ mahāliṅgaṃ sarvapāpapraṇaśanam

bhuktidaṃ muktidaṃ proktaṃ sarvakilbiṣanāśanam /
liṅgasya darśanāccaiva agniṣṭomaphalaṃ labhet

tasya paścimadigbhāge liṅgaṃ siddhapratiṣṭhitam /
siddheśvaraṃ tu vikhyātaṃ sarvasiddhipradāyakam

tasya dakṣiṇadigbāge mṛkaṇḍena mahātmanā /
tatra pratiṣṭhitaṃ liṅgaṃ darśanāt siddhidāyakam

tasya pūrve ca digbhāge ādityena mahātmanā /
pratiṣṭhitaṃ liṅgavaraṃ sarvakilbiṣanāśanam

citrāṅgadastu gandharvo rambhā cāpsarasāṃ varā /
parasparaṃ sānurāgau sthāṇudarśanakāṅkṣiṇau

dṛṣṭvā sthāṇuṃ pūjayitvā sānurāgau parasparam /
ārādhya varadaṃ devaṃ pratiṣṭhāpya maheśvaram

citrāṅgadeśvaraṃ dṛṣṭvā tathā rambheśvaraṃ dvija /
subhago darśanīyaśca kule janma samāpnuyāt

tasya dabhiṇato liṅgaṃ vajriṇā sthāpitaṃ purā /
tasya prasādāt prāpnoti manasā cintitaṃ phalam

parāśareṇa muninā tataivārādhya śaṅkaram /
prāptaṃ kavitvaṃ paramaṃ darśanācchaṅkarasya ca

vedavyāsena muninā ārādhya parameśvaram /
sarvajñatvaṃ brahmajñānaṃ prāptaṃ devaprasādataḥ

sthāṇoḥ paścimadigbhāge vāyunā jagadāyunā /
pratiṣṭhitaṃ mahāliṅgaṃ darśanāt pāpanāśanam

tasyāpi dakṣiṇe bhāge liṅgaṃ himavateśvaram /
pratiṣṭhitaṃ puṇyakṛtāṃ darśanāt siddhikārakam

tasyāpi paścime bhāge kārtavīryeṇa sthāpitam /
liṅgaṃ pāpaharaṃ sadyo kārtanāt puṇyamāpnuyāt

tasyāpyuttaradigbhāgo supārśve sthāpitaṃ punaḥ /
ārādhya hanumāṃścāpa siddhiṃ devaprasādataḥ

tasyaiva pūrvadigbhāge viṣṇunā prabhaviṣṇunā /
ārādhya varadaṃ devaṃ cakraṃ labdhaṃ sudarśanam

tasyāpi pūrvādighbhāge mitreṇa varuṇena ca /
pratiṣṭhitau liṅgavarau sarvakāmapradāyakau

etāni munibhiḥ sādhyairādityairvasubhistathā /
sevitāni prayatnena sarvapāpaharāṇi vai

kharṇaliṅgasya paścāttu ṛṣibhistattvadarśibhiḥ /
pratiṣṭhitāni liṅgāni yeṣāṃ saṃkhyā na vidyate

tathā hyuttaratastasya yāvadoghavatī nadī /
sahasramekaṃ liṅgānāṃ devapaścimataḥ sthitam

tasyāpi pūrvadigbhāge bālakhilyairmahātmabhiḥ /
pratiṣṭhitā rudrakoṭiryāvatsaṃnihitaṃ saraḥ

dakṣiṇena tu devasya gandharvairyakṣakinnaraiḥ /
pratiṣṭhitāni liṅgāni yeṣāṃ saṃkhyā na vidyate

tisraḥ koṭyor'dhakoṭī ca liṅgānāṃ vāyurabravīt /
asaṃkhyātāḥ sahasrāṇi ye rudrāḥ sthāṇumāśritāḥ

etajjñātvā śraddadhānaḥ sthāṇuliṅgaṃ samāśrayet /
yasya prasādāt prāpnoti manasā cintitaṃ phalam

akāmo vā sakāmo vā praviṣṭaḥ sthāṇumandiram /
vimuktaḥ pātakairghoraiḥ prāpnoti paramaṃ padam

caitre māse trayodaśyāṃ divyanakṣatrayogataḥ /
śukrārkacandrasaṃyoge dine puṇyatame śubhe

pratiṣṭhitaṃ sthāṇuliṅgaṃ brahmaṇā lokadhāriṇā /
ṛṣibhirdevasaṃghaiśca pūjitaṃ śāśvatīḥ samāḥ

tasmin kāle nirāhārā mānavāḥ śraddhayānvitāḥ /
pūjayanti śivaṃ ye vai te yānti paramaṃ padam

tadārūḍhamidaṃ jñātvā ye kurvanti pradakṣiṇam /
pradakṣiṇīkṛtā taistu saptadvīpā vasuṃdharā