Vamana Purana · Chapter 61

iti śrīvāmanapurāṇe ṣaṣṭhitamo 'dhyāyaḥ
pulastya uvāca /
dvitīyaṃ pāpaśamanaṃ stavaṃ vakṣyāmi te mune /
yena samyagadhītena pāpaṃ nāśaṃ tu gaccati

matsyaṃ namasye deveśaṃ kūrmaṃ govindameva ca /
hayaśīrṣaṃ namaste 'haṃ bhavaṃ viṣṇuṃ trivikramam

namasye mādhaveśānau hṛṣīkaśakumāriṇau /
nārāyaṇaṃ namasye 'haṃ namasye garuḍāsanam

ūrdhvakeśaṃ nṛsihaṃ ca rupadhāraṃ kurudhvajam /
kāmapālamakhaṇḍaṃ ca namasye brāhmaṇapriyam

ajitaṃ viśvakarmāṇaṃ puṇḍarīkaṃ dvijapriyam /
haṃsaṃ śaṃbhuṃ namasye ca brahmāṇaṃ saprajāpatim

namasye śūlabāhuṃ ca devaṃ cakradharaṃ tathā /
śivaṃ viṣṇuṃ suvarṇākṣaṃ gopatiṃ pītavāsasam

namasye ca gadāpāṇiṃ namasye ca kuśośayam /
ardhanārīśvaraṃ devaṃ namasye pāpanāśanam

gopālaṃ ca saivakuṇṭhaṃ namasye cāparājitam /
namasye viśvarūpaṃ ca saugandhiṃ sarvadāśivam

pāñcālikaṃ hayagrīvaṃ svayambhuvamamareśvaram /
namasye puṣkarākṣaṃ ca payogandhiṃ ca keśavam

avimuktaṃ ca lolaṃ ca jyeṣṭheyaṃ madhyamaṃ tathā /
upaśāntaṃ tamasye 'haṃ mārkaṇḍeyaṃ sajambukam

namasye padmakiraṇaṃ namasye vaḍavāmukham /
kārttikeyaṃ namasye 'haṃ bāhlīkaṃ śikhinaṃ tathā

namasye sthāṇumanaghaṃ namasye vanamālinam /
namasye lāṅgalīśaṃ ca namasye 'haṃ śriyaḥ patim

namasye ca trinayanaṃ namasye havyavāhanam /
namasye ca trisauvarṇaṃ namasye śaśibhūṣaṇam

triṇāciketaṃ brahmeśaṃ namasye śaśibhūṣaṇam /
kapardinaṃ namasye ca sarvāmayavināśanam

namasye śaśinaṃ sūryaṃ dhruvaṃ raudraṃ mahaujasam /
padmanābhaṃ hiraṇyākṣaṃ namasye skandamavyayam

namasye bhīmahaṃsau ca namasye hāṭakeśvaram /
sadā haṃsaṃ namasye ca namasye prāmatarpaṇam

namasye rukmakavacaṃ mahāyoginamīśvaram /
namasye śrīnivāsaṃ ca namasye puruṣottamam

namasye ca caturbāhuṃ namasye vasudhādhipam /
vanaspatiṃ paśupatiṃ namasye prabhumavyayām

śrīkaṇṭhaṃ vāsudevaṃ nīlakaṇṭhaṃ sadaṇḍinam /
namasye sarvamanaghaṃ gaurīśaṃ nakulīsvaram

manoharaṃ kṛṣṇakeśaṃ namasye cakrapāṇinam /
yaśodharaṃ mahābāhuṃ namasye ca kuśapriyam

bhūdharaṃ chāditagadaṃ sunetraṃ śūlaśaṅkhinam /
bhadrākṣaṃ vīrabhadraṃ ca namasye śaṅkukarṇikam

vaṣadhvajaṃ maheśaṃ ca viśvāmitraṃ śaśiprabham /
upendra caiva govindaṃ namaste paṅkajapriyam

sahasraśirsaṃ devaṃ namasye kundamālinam /
kālāgniṃ rudradeveśaṃ namasye kṛttivāsasam

namasye chāgaleśaṃ ca namasye paṅkajāsanam /
sahasrākṣaṃ kokanadaṃ namasye hariśaṅkaram

agastayaṃ garuḍaṃ viṣṇuṃ kapilaṃ brahmavāṅmayam /
sanātanaṃ ca brahmāṇaṃ namasye brahmatatparam

apratarkyaṃ caturbāhuṃ sahasrāṃśuṃ tapomayam /
namasye dharmarājānaṃ devaṃ garuḍavāhanam

sarvabūtagataṃ śāntaṃ nirmalaṃ sarvalakṣaṇam /
mahāyoginamavyaktaṃ namasye pāpanāśanam

nirañjanaṃ nirākāraṃ nirguṇaṃ nirmalaṃ padam /
namasye pāpahantāraṃ śaraṇyaṃ śaraṇaṃ vraje

etat pavitraṃ paramaṃ purāṇaṃ proktaṃ tvagastayena maharṣiṇā ca /
dhnyaṃ yaśasyaṃ bahupāpanāśanaṃ saṃkartanāt smāraṇāt saṃśravācca