વામન પુરાણ · અધ્યાય 61

ઇતિ શ્રીવામનપુરાણે ષષ્ઠિતમો ઽધ્યાયઃ
પુલસ્ત્ય ઉવાચ ।
દ્વિતીયં પાપશમનં સ્તવં વક્ષ્યામિ તે મુને ।
યેન સમ્યગધીતેન પાપં નાશં તુ ગચ્ચતિ

મત્સ્યં નમસ્યે દેવેશં કૂર્મં ગોવિન્દમેવ ચ ।
હયશીર્ષં નમસ્તે ઽહં ભવં વિષ્ણું ત્રિવિક્રમમ્

નમસ્યે માધવેશાનૌ હૃષીકશકુમારિણૌ ।
નારાયણં નમસ્યે ઽહં નમસ્યે ગરુડાસનમ્

ઊર્ધ્વકેશં નૃસિહં ચ રુપધારં કુરુધ્વજમ્ ।
કામપાલમખણ્ડં ચ નમસ્યે બ્રાહ્મણપ્રિયમ્

અજિતં વિશ્વકર્માણં પુણ્ડરીકં દ્વિજપ્રિયમ્ ।
હંસં શંભું નમસ્યે ચ બ્રહ્માણં સપ્રજાપતિમ્

નમસ્યે શૂલબાહું ચ દેવં ચક્રધરં તથા ।
શિવં વિષ્ણું સુવર્ણાક્ષં ગોપતિં પીતવાસસમ્

નમસ્યે ચ ગદાપાણિં નમસ્યે ચ કુશોશયમ્ ।
અર્ધનારીશ્વરં દેવં નમસ્યે પાપનાશનમ્

ગોપાલં ચ સૈવકુણ્ઠં નમસ્યે ચાપરાજિતમ્ ।
નમસ્યે વિશ્વરૂપં ચ સૌગન્ધિં સર્વદાશિવમ્

પાઞ્ચાલિકં હયગ્રીવં સ્વયમ્ભુવમમરેશ્વરમ્ ।
નમસ્યે પુષ્કરાક્ષં ચ પયોગન્ધિં ચ કેશવમ્

અવિમુક્તં ચ લોલં ચ જ્યેષ્ઠેયં મધ્યમં તથા ।
ઉપશાન્તં તમસ્યે ઽહં માર્કણ્ડેયં સજમ્બુકમ્

નમસ્યે પદ્મકિરણં નમસ્યે વડવામુખમ્ ।
કાર્ત્તિકેયં નમસ્યે ઽહં બાહ્લીકં શિખિનં તથા

નમસ્યે સ્થાણુમનઘં નમસ્યે વનમાલિનમ્ ।
નમસ્યે લાઙ્ગલીશં ચ નમસ્યે ઽહં શ્રિયઃ પતિમ્

નમસ્યે ચ ત્રિનયનં નમસ્યે હવ્યવાહનમ્ ।
નમસ્યે ચ ત્રિસૌવર્ણં નમસ્યે શશિભૂષણમ્

ત્રિણાચિકેતં બ્રહ્મેશં નમસ્યે શશિભૂષણમ્ ।
કપર્દિનં નમસ્યે ચ સર્વામયવિનાશનમ્

નમસ્યે શશિનં સૂર્યં ધ્રુવં રૌદ્રં મહૌજસમ્ ।
પદ્મનાભં હિરણ્યાક્ષં નમસ્યે સ્કન્દમવ્યયમ્

નમસ્યે ભીમહંસૌ ચ નમસ્યે હાટકેશ્વરમ્ ।
સદા હંસં નમસ્યે ચ નમસ્યે પ્રામતર્પણમ્

નમસ્યે રુક્મકવચં મહાયોગિનમીશ્વરમ્ ।
નમસ્યે શ્રીનિવાસં ચ નમસ્યે પુરુષોત્તમમ્

નમસ્યે ચ ચતુર્બાહું નમસ્યે વસુધાધિપમ્ ।
વનસ્પતિં પશુપતિં નમસ્યે પ્રભુમવ્યયામ્

શ્રીકણ્ઠં વાસુદેવં નીલકણ્ઠં સદણ્ડિનમ્ ।
નમસ્યે સર્વમનઘં ગૌરીશં નકુલીસ્વરમ્

મનોહરં કૃષ્ણકેશં નમસ્યે ચક્રપાણિનમ્ ।
યશોધરં મહાબાહું નમસ્યે ચ કુશપ્રિયમ્

ભૂધરં છાદિતગદં સુનેત્રં શૂલશઙ્ખિનમ્ ।
ભદ્રાક્ષં વીરભદ્રં ચ નમસ્યે શઙ્કુકર્ણિકમ્

વષધ્વજં મહેશં ચ વિશ્વામિત્રં શશિપ્રભમ્ ।
ઉપેન્દ્ર ચૈવ ગોવિન્દં નમસ્તે પઙ્કજપ્રિયમ્

સહસ્રશિર્સં દેવં નમસ્યે કુન્દમાલિનમ્ ।
કાલાગ્નિં રુદ્રદેવેશં નમસ્યે કૃત્તિવાસસમ્

નમસ્યે છાગલેશં ચ નમસ્યે પઙ્કજાસનમ્ ।
સહસ્રાક્ષં કોકનદં નમસ્યે હરિશઙ્કરમ્

અગસ્તયં ગરુડં વિષ્ણું કપિલં બ્રહ્મવાઙ્મયમ્ ।
સનાતનં ચ બ્રહ્માણં નમસ્યે બ્રહ્મતત્પરમ્

અપ્રતર્ક્યં ચતુર્બાહું સહસ્રાંશું તપોમયમ્ ।
નમસ્યે ધર્મરાજાનં દેવં ગરુડવાહનમ્

સર્વબૂતગતં શાન્તં નિર્મલં સર્વલક્ષણમ્ ।
મહાયોગિનમવ્યક્તં નમસ્યે પાપનાશનમ્

નિરઞ્જનં નિરાકારં નિર્ગુણં નિર્મલં પદમ્ ।
નમસ્યે પાપહન્તારં શરણ્યં શરણં વ્રજે

એતત્ પવિત્રં પરમં પુરાણં પ્રોક્તં ત્વગસ્તયેન મહર્ષિણા ચ ।
ધ્ન્યં યશસ્યં બહુપાપનાશનં સંકર્તનાત્ સ્મારણાત્ સંશ્રવાચ્ચ