Vamana Purana · Chapter 48

iti śrīvāmanapurāṇe saptacatvāriṃśo 'dhyāyaḥ
pulastya uvāca /
saṃnivṛtte tato bāṇe dānavāḥ satvaraṃ punaḥ /
nivṛttā devatānāṃ ca saśastrā yuddhalālasāḥ

viṣṇurapyamitaujāstaṃ jñātvājeyaṃ baleḥ sutam /
prāhāmantrya surān sarvān yudhyadhvaṃ vigatajvarāḥ

viṣṇunātha samādiṣṭā devāḥ śakrapurogamāḥ /
yuyudhurdānavaiḥ sārdhaṃ viṣṇustvantaradhīyata

mādhavaṃ gatamājñāya śukro balimuvāca ha/ govindena murāstyaktāstvaṃ jayasvādhunā bale

sa purohitavākyena prīto yāte janārdane /
gadāmādāya dejasvī devasainyamabhidrutaḥ

bāṇo bāhusahasreṇa gṛhya praharaṇānyatha /
devasainyamabhidrutya nijaghāna sahasraśaḥ

mayo 'pi māyāmāsthāya taistai rūpāntarairmune /
yodhayāmāsa balāvān surāṇāṃ ca varūchinīm

vidyujjihvaḥ praribhadro vṛṣaparvā śatekṣaṇaḥ /
vipāko vikṣaraḥ sainyaṃ te 'pi devānupādravan

te hanyamānā ditijairdevāḥ śakrapurogamāḥ /
gate janārdane deve prāyaśo vimukhyābhavan

tān prabhagnān suragāṇān balibāṇāpurogamāḥ /
pṛṣṭhataścādravan sarve trailokyavijigīṣavaḥ

saṃbādhyamānā daiteyairdavāḥ sendrā bhayāturāḥ /
triviṣṭapaṃ parityajya brahmalokamupāgatāḥ

brahmalokaṃ gateṣvitthaṃ sendreṣvapi sureṣu vai /
svargabhoktā balirjātaḥ saputrabhrātṛbāndhavaḥ

śakro 'bhūd bhagavān brahman balirbāṇo yamo 'bhavat /
varuṇo 'bhūnmayaḥ somo rāhurhlodo hutāśanaḥ

svarbhānurabhavat sūryaḥ śukraścāsīd bṛhaspatiḥ /
ye 'nye 'pyadhikṛtā devāsteṣu jātāḥ surārayaḥ

pañcamasya kalerādau dvāparānte sudāruṇaḥ /
devāsuro 'bhūt saṃgrāmo yatra śakro 'pyabhūd baliḥ

pātālāḥ sapta tasyāsn vaśe lokatrayaṃ tathā /
bhūrbhuvaḥsvariti khyātaṃ daśalokādhipo baliḥ

svarge svayaṃ nivasati bhuñjan bhogān sudarlabhān /
tatropāsanta gandharvā viśvāvasupurogamāḥ

tilottamādyāpsaraso nṛtyanti suratāpasa /
vādayanti ca vādyāni yakṣavidyādharādayaḥ

vividhānapi bhogāṃśca bhuñjan daityeśvaro bali /
sasmāra manasā brahman prahlādaṃ svapitāmaham

saṃsmṛto naptṛṇā cāsau mahābhāgavato 'suraḥ /
samabhyāgāt tvarāyuktaḥ pātālāt svargamavyayam

tamāgataṃ samīkṣyaiva tyaktvā siṃhāsanaṃ baliḥ /
kṛtāñjalipuṭo bhūtvā vavande caraṇāvubhau

pādayoḥ patitaṃ vīraṃ prahlādastvarito balim /
samutthāpya pariṣyavajya viveśa paramāsane

laṃ baliḥ prāha bhostāta tvatprasādāt surā mayā /
nirjitāḥ śakrarājyaṃ ca hṛtaṃ vīryabalānmayā

tadidaṃ tāta madvīryavinirjitasurottamam /
trailokyarājyaṃ bhuñja tvaṃ mayi bhṛtye puraḥsthite

etāvatā puṇyayutaḥ syāmahaṃ tāta yat svayam /
tvadaṅghripūjābhiratastvaducchiṣṭānnabhojanaḥ

na sā pālayato rājyaṃ dhṛtirbhavati sattama /
yā dhṛtirguruśuśruṣāṃ kurvato jāyate vibho

tatastaduktaṃ balinā vākyaṃ śrutvā dvijottama /
prahlādaḥ prāha vacanaṃ dharmakāmārthasādhanam

mayā kṛtaṃ rājyamakaṇṭakaṃ purā praśāsitā bhūḥ suhṛdo 'nupūjitāḥ /
dattaṃ yatheṣṭaṃ janināstathātmajāḥ sthito bale samprati yogasādhakaḥ

gṛhītaṃ pu6 vidhivanmayā bhūyo 'rpitaḥ tava /
evaṃ bhava gurūṇāṃ tvaṃ sadā suśrūṣaṇe rataḥ

ityevamuktvā vacanaṃ kare tvādāya dakṣiṇe /
śākre siṃhāsane brahman baliṃ tūrṇaṃ nyaveśayat

sopaviṣṭo mahendrasya sarvaratnamaye śubhe /
siṃhahāsane daityapatiḥ śuśubhe maghavāniva

tatropaviṣṭaścaivāsau kṛtāñjalipuṭo nataḥ /
prahlādaṃ prāha vacanaṃ meghagambhīrayā girā

yanmayā tāta kartavyaṃ trailokyaṃ parirakṣatā /
dharmārthakāmamokṣebhyastadādiśatu me bhavān

tadvākyasama kālaṃ ca śukraḥ prahlādamabravīt /
yadyuktaṃ tanmahābāho vadasvādyottaraṃ vacaḥ

vacanaṃ baliśukrābhyāṃ śrutvā bhāgavato 'suraḥ /
prāha dharmārthasaṃyuktaṃ prahlādo vākyamuttamam

yadāyatyāṃ kṣamaṃ rājan yaddhitaṃ bhuvanasya ca /
avirodhena dharmasya arthasyopārjanaṃ ca yat

sarvasattvānugamanaṃ kāmavargaphalaṃ ca yat /
paratreha ca yacchreyaḥ putra tatkarma āraca

yatā ślāghyaṃ prayāsyadya yathā kīrtirbhavettava /
yatā nāyaśaso yogastathā kuru mahāmate

etadartha śriyaṃ dīptāṃ kāṅkṣante puruṣottamāḥ /
yenaitāni gṛhe 'smākaṃ nivasanti sunirvṛtāḥ

kulajo vyasane magnaḥ sakhā cārthabahiḥ kṛtaḥ /
vṛddho jñātirguṇī vipraḥ kīrtīśca yaśasā saha

tasmād yathaite nivasanti putra rājyasthitasyeha kulodgatādyāḥ /
tathā yatsvāmalasattvaceṣṭa yathā yaśasvī bhavitāsi loke

bhūbhyāṃ sadā brāhmaṇabhūṣitāyāṃ kṣatrānvitāyāṃ dṛḍhavāpitāyām /
śuśruṣaṇāsaktasamudbhavāyā mṛddhiṃ prayāntīha narādhipendrāḥ

tasmād dvijāgryāḥ śrutiśāstrayuktā narādhipāṃste kratubhirdvijendrā yajñāgnidhūmena nṛpasya śāntiḥ

tapo 'dhyayanasaṃpannā yājanādhyāpane ratāḥ /
santu viprā bale pūjyāstvatto 'nujñāmavāpya hi / /
48.44 svādhyāyayajñaniratā dātāraḥ śastrajīvinaḥ /
kṣatriyāḥ santu daityendra prajāpālanadharmiṇaḥ

yajñādhyayanasaṃpannā dātāraḥ kṛṣikāriṇaḥ /
pāśupālyaṃ prakurvantu veśyā vipaṇijīvinaḥ

brāhmaṇakṣatriyaviśāṃ sadā śuśruṣaṇe ratāḥ /
śūdrāḥ santvasuraśreṣṭha tavājñākāriṇaḥ sadā

yadā varṇāḥ svadharmasthā bhavanti ditijeśvara /
dharmavṛddhistadā syādvai dharmavṛddhau nṛpodayaḥ

tasmād varṇāḥ svadharmasthāstvayā kāryāḥ sadā bale /
tadvṛddhau bhavato vṛddhistadvānau hānirucyate

itthaṃ vacaḥ śrāṇya mahāsurendro baliṃ mahātmā sa babhūva tūṣṇīm /
tato yadājñāpayase kariṣye itthaṃ baliḥ prāha vaco maharṣe