Vamana Purana · Chapter 47

iti śrīvāmupurāṇe ṣaṭcatviriṃśo 'dhyāyaḥ
pulastya uvāca /
etadarthaṃ balirdaityaḥ kṛto rājā kalipriya /
mantrapradātā prahlādaḥ śukraścāsīt purohitaḥ

jñātvābhiṣiktaṃ daiteyaṃ virocanasutaṃ balim /
didṛkṣavaḥ samāyātāḥ samayāḥ sarva eva hi

tānāgatānnirīkṣyaiva pūjayitvā yatākramama /
papraccha kulajān sarvān kiṃnu śreyaskaraṃ mama

tamucuḥ sarva evainaṃ śṛṇuṣva suramardana /
yat te śreyaskaraṃ karma yadasmākaṃ hitaṃ tathā

pitāmahastava 7lī āsīd dānavapālakaḥ /
hiraṇyakaśipurvīraḥ sa śakro 'bhūjjagattraye

tamāgamya suraśreṣṭho viṣṇuḥ siṃhavapurdharaḥ /
pratyakṣaṃ dānavendrāṇāṃ nakhaistaṃ hi vyadārayat

apakṛṣṭaṃ tathā rājyamāndhakasya mahātmanaḥ /
teṣāmarthe mahābāho śaṅkarema triśūlinā

tathā tava pitṛvyo 'pi jambhaḥ śakreṇa ghātitaḥ /
kujambho viṣṇunā cāpi pratyakṣaṃ paśuvat tava

śambhuḥ pāko mahendreṇa bhrātā tava sudarśanaḥ /
virocanastava pitā nihataḥ kathayāmi te

śrutvā go6kṣayaṃ brahman kṛta śakreṇa dānavaḥ /
udyogaṃ kārayāmāsa saha sarvairmahāsuraiḥ

rathairanye gajairanye vājibhiścāpare 'surāḥ /
padātayastathaivānye jagmuryuddhāya daivataiḥ

mayo 'gre yāti balavān senānātho bhayaṅkaraḥ /
sainyasya madhye ca baliḥ kālanemiśca ṣṛṣṭhataḥ

vāmapārśvamavaṣṭabhya śālavaḥ prathitavikramaḥ /
prayāti dakṣiṇaṃ ghoraṃ tārakākhyo bhayaṅkaraḥ

dānavānāṃ sahasrāṇi prayutānyarbudāni ca/ saṃprayātāni yuddhāya devaiḥ saha kalipriya

śrutvāsurāṇāmudyogaṃ śakraḥ surapatiḥ surān /
uvāca yāma daityāṃstān yoddhuṃ sabalasaṃyutān

ityevamuktvā vacanaṃ surarāṭ syandanaṃ balī /
samāruroha bhagavān yatamātalivājinam

samārūḍhe sahasrākṣe syandanaṃ devatāgaṇaḥ /
svaṃ svaṃ vāhanamāruhya niśceruryuddhakāṅkṣimaḥ

ādityā vasavo rudrāḥ sādhyā viśve 'śvinau tathā /
vidyādharā guhyakāśca yakṣarākṣasapannagāḥ

rājarṣayastathā siddhā nānābhūtāś ca saṃhatāḥ /
gajānanye rathānanye hayānanye samāruhan

vimānāni ca subhrāṇi pakṣivāhyāni nārada /
samāruhyādravan sarve yato daityabalaṃ sthitam

etasmin viṣṇuḥ suraśreṣṭha adhiruhya samabhyagāt

tamāgataṃ sahasrākṣastrailokyapatimavyayam /
vavanda mūrdhnāvanataḥ saha sarvaiḥ surottamaiḥ

tato 'gre devasainyasya kārtikeyo gadādharaḥ /
pālayañjaghanaṃ viṣṇuryāti madhye sahasradṛk

vāmaṃ pārśvaṃmavaṣbhya janto vrajate mune /
dakṣiṇaṃ varuṇaḥ pārśvamavaṣṭabhyāvrajad balī

tato 'marāṇāṃ pṛtanā yaśasvinī skandendraviṣṇuvambupasūryapālitā /
nānāstraśastrodyatadoḥsamūhā samāsasādāribalaṃ mahīdhre

udayādritaṭe ramye śubhe samaśilātale /
nirvṛkṣe pakṣirahite jāto devāsuro raṇaḥ

saṃnipātastayo raudraḥ sainyayorabhavanmune /
mahīdharottame pūrvaṃ yathā vānarahastinoḥ

raṇareṇu rathoddhūtaḥ piṅgalo raṇamūrdhani /
saṃdyānuraktaḥ sadṛśo meghaḥ khe suratāpasa

tadāsīt tumulaṃ yuddhaṃ na prājñāyata kiñcana /
śrūyate tvaniśaṃ śabdaḥ chindhi bhindhīti sarvataḥ

tato viśasano raudro daityānāṃ daivataiḥ saha /
jāto rudhiraniṣyando rajaḥsayamanātmakaḥ

śānte rajasi devādyāstad dānavabalaṃ mahat /
abhidravanti sahitāḥ samaṃ skandena dhīmatā

nijaghnurdānavān devāḥ kumārabhujapālitāḥ /
devān nijaghnurdaityāśca mayaguptāḥ prahāriṇaḥ

tato 'mṛtarasāsvādād vinā bhūtāḥ surattamāḥ /
nirjitāḥ samare daityaiḥ samaṃ skandena nārada

vinirjitān surān dṛṣṭvā vainateyadhvajo 'rihā /
śārṅgamānamya bāṇaighairnijaghāna tatastataḥ

te viṣṇunā hanyamānāḥ patattribhirayomukhaiḥ /
daiteyāḥ śaraṇaṃ jagmuḥ kālanemiṃ mahāsurām

tebhyaḥ sa cābhayaṃ dattvā jñātvājeyaṃ ca mādhavam /
vivṛddhimagamad brahman yathā vyādhirupekṣitaḥ

yaṃ yaṃ kareṇa spṛśati devaṃ yakṣaṃ sakinnaram /
taṃ tamādāya cikṣepa vistṛte vadane balī

saṃrambhād dānavendro vimṛdati ditijaiḥ saṃyuto devasainyaṃ sendraṃ sārka sacandraṃ karacaraṇanakhairaskṣatrahīno 'pi vegāt /
cakrairvaiśvānarābhaistvavanigaganayostiryagūrdhvaṃ samantāt prāpte 'nte kālavahnerjagadakhilamidaṃ rūpamāsīd didhakṣoḥ

taṃ dṛṣṭvā varddhamānaṃ ripamatibalinaṃ devagandharvamukhyāḥ siddhāḥsādhyāśvimukhyā bhayataraladṛśaḥ prādravan dikṣu sarve /
poplūyantaśca daityā harimamaragaṇairarcitaṃ cārumauliṃ nānāśastrāstrapātairvigalitayaśasaṃcakrurutsiktadarpāḥ

tānitthaṃprekṣya daityān mayabalipuragān kālanemipradhānān bāṇairākṛṣya śārṅga tvanavaratamurobhedibirvajrakalpaiḥ /
kopādāraktadṛṣṭiḥ sarathagajahayān dṛṣṭinirdhūtavīryān nārācakhyaiḥ supuṅkhairjalad iva girīn chādayāmāsa viṣṇuḥ

tairvāṇaiśchādyamānā harikaranuditaiḥ kāladaṇḍaprakāśairnārācairardhacandrairbālimayapurāgā bhītabhītāstvārantaḥ /
prārambe dānavendraṃ śatavadanamatho preṣayan kālanemiṃ sa prāyād devasainyaprabhumamitabalaṃ keśavaṃ lokanātham

taṃ dṛṣṭvā śataśīrṣamudyatagadaṃ śailendraśṛṅgākṛtiṃ viṣṇuḥ śārṅgamapāsya satvaramatho jagrāha cakraṃ kare /
so 'pyenaṃ prasamīkṣya daityaviṭapapracchedanaṃ māninaṃ provācātha vihasya taṃ ca suciraṃ meghasvano dānavaḥ

ayaṃ sa danuputrasainyavitrāsakṛdriṣuḥ paramakopitaḥ sa madhorvighātakṛt /
hiraṇyanayanāntakaḥ kusumapūjāratiḥ kva yāti mama dṛṣṭigocare nipatitaḥ khalaḥ

yadyeṣa saṃprati mamāhavamabhyuṣaiti nṛnaṃ na yāti nilayaṃ nijamambujākṣaḥ /
manmuṣṭipiṣṭaśithilāṅgamupāttabhasma saṃdrakṣyate surajano bhayakātarākṣaḥ

ityevamuktvā madhusūdanaṃ vai sa kālanemiḥ sphuritādharoṣṭhaḥ /
gadāṃ khagendropari jātakopo mumoca śaile kuliśaṃ yathendraḥ

tāmāpatantīṃ prasamīkṣya viṣṇurghorāṃ gadāṃ dānavabāhumuktām /
cakreṇa ciccheda sudurgatasya manorathaṃ pūrvakṛtena karma

gadāṃ chittvā dānavābhyāśametya bhujau pīnau saṃpraciccheda vegāt /
bhujābhyāṃ kṛttābhyāṃ dagdhaśailaprakāśaḥ saṃdṛśyetāpyaparaḥ kālanemi

tato 'sya mādhavaḥ kopāt śiraścakreṇa bhūtale /
chittvā nipātayāmāsa pakvaṃ tālaphalaṃ yathā

tathā vibāhurviśirā muṇḍatālo yathā vane /
tasthau merurivākampyaḥ kabandhaḥ kṣmādhareśvaraḥ

taṃ vainateyo 'pyupasā khagottmo nipātayāmāsa mune dharaṇyām /
yathāmbarād bāhuśiraḥ praṇaṣṭabalaṃ mahendraḥ kuliśena bhūmyām

tasmin hate dānavasainyapāle saṃpīḍyamānāstridaśaistu daityāḥ /
vimuktaśastrālakacarmavastrāḥ saṃprādravan bāṇamṛte 'surendrāḥ