Vamana Purana · Chapter 18

iti śrīvāmanapurāṇe saptadaśo 'dhyāyaḥ
pulastya uvāca /
māsi cāśvayuje brahman yadā padmaṃ jagatpateḥ /
nābhyā niryāti hi tadā deveṣvetānyatho 'bhavan

kandarpasya karāgre tu kadambaścārudarśanaḥ /
tena tasya parā prītiḥ kadambena vivarddhate

yakṣāṇāmadhipasyāpi maṇibhadrasya nārada /
vaṭavṛkṣaḥ samabhavat tasmistasya yatiḥ sadā

maheśvarasya hṛdaye dhattūraviṭapaḥ śubhaḥ /
saṃjātaḥ sa ca śarvasya patikṛt tasya nityaśaḥ

brahmaṇo madhyato dehāñjāto marakataprabhaḥ /
kha daraḥ kaṇṭakī śreyānabhavadviśvakarmaṇaḥ

girijāyāḥ karatale kundasulmastvajāyata /
gaṇādhipasya kumbhastho rājate sindhuvārakaḥ

yamasya kṣiṇe pārśve pālāśo dakṣiṇottare /
kṛṣṇodumbarako rudrājjātaḥ kṣomakaro vṛṣaḥ

skandasya bandhujīvastu raveraśvattha eva ca /
kātyāyanayāḥ śamījātābilvo lakṣmāyāḥ kare 'bhavat

nāgānāṃ pataye brahmañcharastambo vyajāyata /
vāsukervistṛte pucche pṛṣṭhe dūrvā sitāsitā

sādhyānāṃ hṛdaye jāto vṛkṣo haritacandanaḥ /
evaṃ jāteṣu sarveṣu tena tat ratirbhavet

tatra ramye śubhe kāle yā śuklaikādaśī bhavet /
tasyāṃ saṃpūjayed viṣṇuṃ tena khaṇḍo 'sya pūryate

puṣṣaiḥ putraiḥ phalairvāpi gandhavarṇarasnvitaiḥ /
oṣadhībhiśca mukhyābhiryāvatsyāccharadāgamaḥ

ghṛtaṃ tilā brīhiyavā hiraṇyakankādi yat /
maṇimuktāpravālāni vastrāṇi vividhāni ca

rasāni svādukaṭvamlakaṣāyalavaṇāni ca /
tiktāni ca nivedyāni tānyakhaṇḍāni yāni hi

tatpūjārthaṃ pradātavyaṃ keśavāya mahātmane /
yadā saṃvatsaraṃ pūrṇamakhaṇḍaṃ bhavate gṛhe

kṛtopavāso devarṣe dvitīye 'hani saṃyataḥ /
snānena tena snāyīta yenākhaṇḍaṃ hi vatsaram

siddhārtakaistilairvāpi tenaivodvartanaṃ smṛtam /
haviṣā padmanābhasya snānameva samācaret /
home tadeva gaditaṃ dāne śaktirnijā dvija

pūjayetātha kusumaiḥ pādādārabhya keśavam /
dhūpayed vividhaṃ dhūpaṃ yena syād vatsaraṃ param

hiraṇyaratnavāsobhiḥ pūjayeta jagad gurum /
rāgakhāṇḍavacoṣyāṇi haviṣyāṇi nivedayet

tataḥ saṃpūjya deveśaṃ padmanābhaṃ jagad gurum /
vijñāpayenmuniśreṣṭha mantreṇānena suvrata

namo 'stu te padmanābha padmādhava mahādyute /
dharmārthakāmamokṣaṇi tvakhaṇḍāni bhavantu me

vikāsipadmapatrākṣa yathākhaṇḍosi sarvataḥ /
tena satyena dharmādya akhaṇḍāḥ santu keśava

evaṃ saṃvatsaraṃ pūrṇaṃ sopavāso jitendriyaḥ /
aghaṇḍaṃ pārayed brahman vrataṃ vai sarvavastuṣu

asmiṃścīrṇe vrataṃ vyaktaṃ parituṣyanti devatāḥ /
dharmārthakāmamokṣādyāstvakṣayāḥ saṃbhavanti hi

etāni te mayoktāni vratānyuktāni kāmibhiḥ /
prakṣyāmyadhunā tvetadvaiṣṇavaṃ pañjaraṃ śubham

namo namaste govinda cakraṃ gṛhya sudarśanam /
prācyāṃ rakṣasva māṃ viṣṇo tvāmāhaṃ śaraṇaṃ gataḥ

gadāṃ kaumodakīṃ gṛhya padmanābhāmitadyute /
yāmyāṃ rakṣasva māṃ viṣṇo tvamāhaṃ śaraṇaṃ gataḥ

halamādāya saunandaṃ namaste puraṣottama /
pratīcyāṃ rakṣa me viṣṇo bhavantaṃ śaraṇaṃ gataḥ

musalaṃ śātanaṃ gṛhya puṇḍarīkākṣa rakṣa māma /
uttarasyāṃ jagannātha bhavantaṃ śaraṇaṃ gataḥ

śārṅgamādāya ca dhanurastraṃ nārāyaṇaṃ hare /
namaste rakṣa rakṣaghna aiśānyāṃ śaraṇaṃ gataḥ

pāñcajanyaṃ mahāśaṅkhamantarbodhyaṃ ca paṅkajam /
pragṛhay rakṣa māṃ viṣṇo āgneyyāṃ yajñasūkara

carma sūryaśataṃ gṛhya khaṅgaṃ candramasaṃ tathā /
nairṛtyāṃ māṃ ca rakṣasva divyamūrte nṛkesarin

vaijayantīṃ pragṛhya tvaṃ śrīvatsaṃ kaṇṭhabhūṣaṇam /
vāyavyāṃ rakṣa māṃ deva aśvaśīrṣa namo 'stu te

vainateyaṃ samāruhya antarikṣe janārdana /
māṃ tvaṃ rakṣājita sadā namaste tvaparājati

viśālākṣaṃ samāruhya rakṣa māṃ tvaṃ rasātale /
akūpāra namastubhyaṃ mahāmoha namo 'stu te

karaśīrṣāṅghrarveṣu tathāṣṭabāhupañjaram /
kṛtvā rakṣasva māṃ deva namaste puruṣottama

etaduktaṃ bhagavatā vaiṣṇavaṃ pañjaraṃ mahat /
purā rakṣārthamīśena kātyāyanyā dvijottama

nāśayāmāsa sā yatra dānavaṃ mahiṣāsuram /
namaraṃ raktabījaṃ ca tathānyān surakaṇṭakān

nārada uvāca /
kāsau kātyāyānī nāma yacā jaghne mahiṣāsuram /
namaraṃ raktabījaṃ ca tathānyān kurakaṇṭakān

kaścasau mahiṣo nāma kule jātaśca kasya saḥ /
kaścāsau raktabījākhyo namaraḥ kasya cātmajaḥ /
etadvistaratastāta yathāvad vaktumarhasiḥ

pulastya uvāca/ /
śrūyatāṃ saṃpravakṣyāmi kathāṃ pāpapraṇāśinīm /
sarvadā varadā durgā yeyaṃ kātyāyanī mune

purāsuravarau raudrau jagatkṣobhakarāvubhau /
rambhaścaiva karambhaś ca dvāvāstāṃ sumābalau

tāvaputrau ca devarṣe putrārthaṃ tepatustapaḥ /
bahūn varṣagaṇān daityau sthitau pañcanade jale

tatraiko jalamadhyastho dvitīyo 'pyagnipañcamī /
karambhaścaiva rambhaśca yakṣaṃ mālapaṭaṃ prati

ekaṃ mimagnaṃ salile grāharūpeṇa vāsavaḥ /
caraṇābhyāṃ samādāya nijaghāna yathecchayā

tato bhrātari naṣṭe ca rambhaḥ kopapariplutaḥ /
vahnau svaśīrṣaṃ saṃkṣidya hotumaiccan mahābalaḥ

tataḥ pragṛhya keśeṣu khaṅgaṃ ca ravisaprabham /
chettukāmo nijaṃ śīrṣaṃ vahninā pratiṣedhitaḥ

uktaśca mā daityavara nāśayātmānamātmanā /
dustarā paravadhyāpi svavadhyāpyatidustarā

yacca prārthayase vīra taddadāmi yathepsitam /
mā mriyasva mṛtasyeha naṣṭā bhavati vai kathā

tato 'bravīd vaco rambho varaṃ cenme dadāsi hi /
trailokyavijayī putraḥ syānme tvattejasādhikaḥ

ajeyo daivataiḥ sarvaiḥ pubhirdaityaiśca pāvaka /
mahābalo vāyuriva kāmarūpī kṛtāstravit

taṃ provāca kavirbrahman bāñamevaṃ bhaviṣyati /
yasyāṃ cittaṃ samālambi kariṣyasi tataḥ sutaḥ

ityevamukto devena vahninā dānavo yayau /
draṣṭuṃ mālavaṭaṃ yakṣaṃ yakṣaiśca parivāritam

teṣāṃ padmanidhistatra vasate nānyacetanaḥ /
gajaśca mahiṣāścāśvā gāvo 'jāvipariplutāḥ

tān dṛṣṭvaiva tadā cakre bhāvaṃ dānavapārthivaḥ /
mahiṣyāṃ rūpayuktāyāṃ trihāyaṇyāṃ tapodhana

sā samāgācca daityaindraṃ kāmayantī tarasvinī /
sa cāpi gamanaṃ cakre bhavitavyapracoditaḥ

tasyāṃ samabhavad garbhastāṃ pragṛhyātha dānavaḥ /
pātālaṃ praviveśātha tataḥ svabhavanaṃ gataḥ

dṛṣṭaśca dānavaiḥ sarvaiḥ parityaktaśca bandhubhiḥ /
akāryakāraketyevaṃ bhṛyo mālavaṭaṃ gataḥ

sāpi tenaiva patinā mahiṣī cārudarśanā /
samaṃ jagāma tat puṇyaṃ yakṣamaṇḍalamuttamam

tatastu vasatastasya śyāmā sā suṣuve mune /
ajījanat sutaṃ śubhraṃ mahiṣaṃ kāmarūpiṇam

etāmṛtumatīṃ jātāṃ mahiṣo 'nyo dadarśa ha /
sā cābhyagād ditivaraṃ rakṣantī śīlamātmanaḥ

tamunnāmitanāsaṃ ca mahiṣaṃ vīkṣya dānavaḥ /
khaṅga niṣkṛṣya tarasā mahiṣaṃ samupādravat

tenāpi daityastīkṣṇābhyāṃ śṛṅgābhyāṃ hṛdi tāḍitaḥ /
nirbhinnahṛdayo bhūmau nipapāta mamāra ca / /
18.63 mṛte bhartari sā śyāmā yakṣāṇāṃ śaraṇaṃ gatā /
rakṣitā guhyakaiḥ sādhvī nivārya mahiṣaṃ tataḥ

tato nivārito yakṣairhayārirmadanāturaḥ /
nipapāta saro divyaṃ tato daityai'bhavanmṛtaḥ

namaro nāma vikhyāto mahābalaparākramaḥ /
yakṣānāśritya tasthau sa kālayan śvāpadān mun

sa ca daityeśvaro yakṣairmālavaṭapurassaraiḥ /
citāmāropitaḥ sā ca śyāmā taṃ cāruhat patim

tato 'gnimadhyāduttasthau puruṣo raudradarśanaḥ /
vyadrāvayat sa tān yakṣān khaṅgapāṇirbhayaṅkaraḥ

tato hatāstu mahiṣāḥ sarva eva mahātmanā /
ṛte saṃrakṣitāraṃ hi mahiṣaṃ rambhanandanam

sa nāmataḥ smṛto daityo raktabījo mahāmun /
yo 'jayat sarvato devān sendrarudrārkamārutān

evaṃ prabhāvā danupuṅgavāste tejo 'dhikastatra babhau hayāriḥ /
rājye 'bhiṣiktaśca mahāsurendrairvinirjitaiḥ śambaratārakādyaiḥ

aśaknuvadbhiḥ sahitaiśca devaiḥ salokapālaiḥ sahutāśabhāskaraiḥ /
sthānāni tyaktāni śaśīndrabhāskarairdharmaśca dūre pratiyojitaśca