Vaisheshika Sutras · Chapter 5.1

ātmasaṃyogaprayatnābhyāṃ haste karma

tathā musalakarma hastasaṃyogāc ca

abhighātaje musalakarmaṇi vyatirekād akāraṇaṃ hastasaṃyogaḥ

tathātmasaṃyogo hastamusalakarmaṇi

musalābhighātāt tu musalasaṃyogād dhaste karma

tathātmakarma hastasaṃyogāc ca

saṃyogābhāve gurutvāt patanam

nodanaviśeṣābhāvād nordhvaṃ na tiryag gamanam

prayatnaviśeṣān nodanaviśeṣaḥ

nodanaviśeṣād udasanaviśeṣaḥ

hastakarmaṇā dārakakarma vyākhyātam

tathā dagdhasya visphoṭanam

prayatnābhāve gurutvāt suptasya patanam

tṛṇakarma vāyusaṃyogāt

maṇigamanaṃ sūcyabhisarpaṇam ity adṛṣṭakāritāni

iṣāv ayugapat saṃyogaviśeṣāḥ karmānyatve hetuḥ

nodanād ādyam iṣoḥ karma karmakāritāc ca saṃskārād uttaraṃ tathottaram uttaraṃ ca

saṃskārābhāve gurutvāt patanam