Vaisheshika Sutras · Chapter 4.1

sad akāraṇavat tan nityam

tasya kāryaṃ liṅgam

kāraṇabhāvād dhi kāryabhāvaḥ

anityam iti ca viśeṣapratiṣedhabhāvaḥ

avidyā ca

mahaty anekadravyavattvād rūpāc copalabdhiḥ

adravyavattvāt paramāṇāv anupalabdhiḥ

rūpasaṃskārābhāvād vāyāv anupalabdhiḥ

anekadravyeṇa dravyeṇa samavāyād rūpaviśeṣāc copalabdhiḥ

etena rasagandhasparśeṣu jñānaṃ vyākhyātam

tadabhāvād avyabhicāraḥ

saṃkhyāḥ parimāṇāni pṛthaktvaṃ saṃyogavibhāgau paratvāparatve karma ca rūpidravyasamavāyāc cākṣuṣāṇi

arūpiṣv acākṣuṣatvāt

etena guṇatve bhāve ca sarvendriyajñānaṃ vyākhyātam