Vaisheshika Sutras · Chapter 3.2

ātmendriyārthasannikarṣe jñānasyābhāvo bhāvaś ca manaso liṅgam

dravyatvanityatve vāyunā vyākhyāte

prayatnāyaugapadyāj jñānāyaugapadyāc caikaṃ manaḥ

prāṇāpānanimeṣonmeṣajīvanamanogatīndriyāntaravikārāḥ sukhaduḥkhe icchādveṣau prayatnaś cety ātmaliṅgāni

dravyatvanityatve vāyunā vyākhyāte

yajñadatta iti sati sannikarṣe pratyakṣābhāvād dṛṣṭaṃ liṅgaṃ na vidyate

sāmānyatodṛṣṭāc cāviśeṣaḥ

tasmād āgamikam

aham iti śabdavyatirekān nāgamikam

yadi ca dṛṣṭapratyakṣo 'haṃ devadatto 'haṃ yajñadatta iti

devadatto gacchati viṣṇumitro gacchatīti copacārāc charīrapratyakṣaḥ

sandigdhas tūpacāraḥ

aham iti pratyagātmani bhāvāt paratrābhāvād arthāntarapratyakṣaḥ

na tu śarīraviśeṣād yajñadattaviṣṇumitrayor jñānaviśeṣaḥ

sukhaduḥkhajñānaniṣpattyaviśeṣād aikātmyam

nānā vyavasthātaḥ

śāstrasāmarthyāc ca