વૈશેષિકસૂત્ર · અધ્યાય 4.1

સદ્ અકારણવત્ તન્ નિત્યમ્

તસ્ય કાર્યં લિઙ્ગમ્

કારણભાવાદ્ ધિ કાર્યભાવઃ

અનિત્યમ્ ઇતિ ચ વિશેષપ્રતિષેધભાવઃ

અવિદ્યા ચ

મહત્ય્ અનેકદ્રવ્યવત્ત્વાદ્ રૂપાચ્ ચોપલબ્ધિઃ

અદ્રવ્યવત્ત્વાત્ પરમાણાવ્ અનુપલબ્ધિઃ

રૂપસંસ્કારાભાવાદ્ વાયાવ્ અનુપલબ્ધિઃ

અનેકદ્રવ્યેણ દ્રવ્યેણ સમવાયાદ્ રૂપવિશેષાચ્ ચોપલબ્ધિઃ

એતેન રસગન્ધસ્પર્શેષુ જ્ઞાનં વ્યાખ્યાતમ્

તદભાવાદ્ અવ્યભિચારઃ

સંખ્યાઃ પરિમાણાનિ પૃથક્ત્વં સંયોગવિભાગૌ પરત્વાપરત્વે કર્મ ચ રૂપિદ્રવ્યસમવાયાચ્ ચાક્ષુષાણિ

અરૂપિષ્વ્ અચાક્ષુષત્વાત્

એતેન ગુણત્વે ભાવે ચ સર્વેન્દ્રિયજ્ઞાનં વ્યાખ્યાતમ્