Vaiśeṣikasūtra (another edition) · Chapter 5.1

ātmasaṃyoga prayatnābhyāṃ haste karma

tathā hastasaṃyogācca musale karma

abhighātaje musalādau karmaṇi vyatirekādakāraṇaṃ hastasaṃyogaḥ

tathātmasaṃyogo hastakarmaṇi

abhighātānmusalasaṃyogāddhaste karma

ātmakarma hastasaṃyogācca

saṃyogābhāve gurutvāt patanam

nodanaviśeṣābhāvānnordhvaṃ na tiryaggamanam

prayatnaviśeṣānnodana viśeṣaḥ

nodanaviśeṣādudasanaviśeṣaḥ

hastakarmaṇā dārakakarma vyākhyātam

tathā dagdhasya visphoṭane

yatnābhāve prasuptasya calanam

tṛṇe karma vāyusaṃyogāt

maṇigamanaṃ sūcyabhisarpaṇamadṛṣṭakāraṇam

iṣāvayugapat saṃyogaviśeṣāḥ karmānyatve hetuḥ

nodanādādyamiṣoḥ karma tatkarmakāritācca saṃskārāduttaraṃ tathottaramuttaraṃ ca

saṃskārābhāve gurutvāt patanam