Vaiśeṣikasūtra (another edition) · Chapter 5.2

nodanābhighātāt saṃyuktasaṃyogācca pṛthivyāṃ karma

tadviśeṣeṇādṛṣṭakāritam

apāṃ saṃyogābhāve gurutvāt patanam

dravatvāt syandanam

nāḍyā vāyusaṃyogādārohaṇam

nodanāpīḍanāt saṃyuktasaṃyogācca

vṛkṣābhisarpaṇamityadṛṣṭakāritam

apāṃ saṅghāto vilayanaṃ ca tejaḥ saṃyogāt

tatra visphūrjaturliṅgam

vaidikaṃ ca

apāṃ saṃyogādvibhāgācca stanayitnoḥ

pṛthivīkarmaṇā tejaḥ karma vāyukarma ca vyākhyātam

agnerūrdhvajvalanaṃ vāyostiryaggamanaṃ aṇūnāṃ manasaścādyaṃ karmādṛṣṭakāritam

hastakarmaṇā manasaḥ karma vyākhyātam

ātmendriyamanor'thasannikarṣāt sukha duḥkhe

tadanārambha ātmasthe manasi śarīrasya duḥkhābhāvaḥ saṃyogaḥ

apasarpaṇamupasarpaṇamaśita pītasaṃyogāḥ kāryāntara saṃyogāścetyadṛṣṭakāritāni

tadabhāve saṃyogābhāvo 'prādurbhāvaśca mokṣaḥ

dravyaguṇakarmaniṣpattivaidharmyādabhāvastamaḥ

tejaso dravyāntareṇāvaraṇācca

dikkālāvākāśaṃ ca kriyāvadvaidharmyānniṣkriyāṇi

etena karmāṇi guṇāśca vyākhyātāḥ

niṣkriyāṇāṃ samavāyaḥ karmabhyo niṣiddhaḥ

kāraṇaṃ tvasamavāyino guṇāḥ

guṇairdik vyākhyātā

kāraṇena kālaḥ