Tattvasamāsasūtravṛtti or Kramadīpikā · Verses 1-20
Tattvasamāsasūtravṛttiḥ /
pañcaviṃśatitattveṣu janmanā jñānamāptavān /
ādisṛṣṭau namastasmai kapilāya maharṣaye // 1 //
athātastattvasamāsākhyasāṅkhyasūtrāṇi vyākhyāsyāmaḥ |
iha kaścidbrāhmaṇastrividhena duḥkhenābhibhūtaḥ sāṅkhyācāryaṃ kapilamaharṣiṃ śaraṇamupāgataḥ | svakulanāmagotrasvādhyāyaṃ nivedyāha |
bhagavan kimiha paraṃ kiṃ yāthātathyaṃ kiṃ kṛtvā kṛtakṛtyaḥ syāmiti |
kapila uvāca kathayiṣyāmi |
aṣṭau prakṛtayaḥ
ṣoḍaśa vikārāḥ
puruṣaḥ
traiguṇyam
sañcaraḥ
pratisañcaraḥ
adhyātmam adhibhūtam adhidaivataṃ ca
pañcābhibuddhayaḥ
pañcakarmayonayaḥ
pañcavāyavaḥ
pañcakarmātmānaḥ
pañcaparvā 'vidyā
aṣṭāviṃśatidhā 'śaktiḥ
navadhā tuṣṭiḥ
aṣṭadhā siddhiḥ
daśadhā mūlikārthāḥ
anugrahasargaḥ
caturdaśavidho bhūtasargaḥ
trividho dhātusargaḥ
trividho bandhaḥ
Original text: Tattvasamāsasūtravṛtti or Kramadīpikā (cf. final verse), a commentary on the Tattvasamāsa, an abstract of Sāṃkhya philosophy in (23-) 25 sūtras. · Edition: Vindhyesvari Prasada Dvivedin in: Sāmkhyasaṅgrahaḥ (Chowkhamba Sanskrit Series, 50,1 [fasc. 286], pp. 117-140) · Data entry Dhaval Patel · GRETIL (Göttingen) · CC BY-NC-SA 4.0