Taittiriya Samhita · Chapter 4.7

4.7.1 anuvāka 1 vasordhārā
1 agnāviṣṇū sajoṣasemā vardhantu vāṃ giraḥ / dyumnair vājebhir āgatam // vājaś ca me prasavaś ca me prayatiś ca me prasitiś ca me dhītiś ca me kratuś ca me svaraś ca me ślokaś ca me śrāvaś ca me śrutiś ca me jyotiś ca me suvaś ca me prāṇaś ca me 'pāna
2 śca me vyānaś ca me 'suś ca me cittaṃ ca ma ādhītaṃ ca me vāk ca me manaś ca me cakṣuś ca me śrotraṃ ca me dakṣaś ca me balaṃ ca ma ojaś ca me sahaś ca ma āyuś ca me jarā ca ma ātmā ca me tanūś ca me śarma ca me varma ca me 'ṅgāni ca me 'sthāni ca me parūꣳṣi ca me śarīrāṇi ca me //
4.7.2 anuvāka 2 vasordhārā
1 jyaiṣṭhyaṃ ca ma ādhipatyaṃ ca me manyuś ca me bhāmas ca me 'maś ca me 'mbhaś ca me jemā ca me mahimā ca me varimā ca me prathimā ca me varṣmā ca me drāghuyā ca me vṛddhaṃ ca me vṛddhiś ca me satyaṃ ca me śraddhā ca me jagac ca
2 me dhanaṃ ca me vaśaś ca me tviṣiś ca me krīḍā ca me modaś ca me jātaṃ ca me janiṣyamāṇaṃ ca me sūktaṃ ca me sukṛtaṃ ca me vittaṃ ca me vedyaṃ ca me bhūtaṃ ca me bhaviṣyac ca me sugaṃ ca me supathaṃ ca ma ṛddhaṃ ca ma ṛddhiś ca me klṛptaṃ ca me klṛptiś ca me matiś ca me sumatiś ca me //
4.7.3 anuvāka 3 vasordhārā
1 śaṃ ca me mayaś ca me priyaṃ ca me 'nukāmaś ca me kāmaś ca me saumanasaś ca me bhadraṃ ca me śreyaś ca me vasyaś ca me yaśaś ca me bhagaś ca me draviṇaṃ ca me yantā ca me dhartā ca me kṣemaś ca me dhṛtiś ca me viśvaṃ ca
2 me mahaś ca me saṃvic ca me jñātraṃ ca me sūś ca me prasūś ca me sīraṃ ca me layaś ca ma ṛtaṃ ca me 'mṛtaṃ ca me 'yakṣmaṃ ca me 'nāmayac ca me jīvātuś ca me dīrghāyutvaṃ ca me 'namitraṃ ca me 'bhayaṃ ca me sugaṃ ca me śayanaṃ ca me sūṣā ca me sudinaṃ ca me //
4.7.4 anuvāka 4 vasordhārā
1 ūrk ca me sūnṛtā ca me payaś ca me rasaś ca me ghṛtaṃ ca me madhu ca me sagdhiś ca me sapītiś ca me kṛṣiś ca me vṛṣṭiś ca me jaitraṃ ca ma audbhidyaṃ ca me rayiś ca me rāyaś ca me puṣṭaṃ ca me puṣṭiś ca me vibhu ca
2 me prabhu ca me bahu ca me bhūyaś ca me pūrṇaṃ ca me pūrṇataraṃ ca me 'kṣitiś ca me kūyavāś ca me 'nnaṃ ca me 'kṣuc ca me vrīhayaś ca me yavāś ca me māṣāś ca me tilāś ca me mudgāś ca me khalvāś ca me godhūmāś ca me masurāś ca me priyaṃgavaś ca me 'ṇavaś ca me śyāmākāś ca me nīvārāś ca me //
4.7.5 anuvāka 5 vasordhārā
1 aśmā ca me mṛttikā ca me girayaś ca me parvatāś ca me sikatāś ca me vanaspatayaś ca me hiraṇyaṃ ca me 'yaś ca me sīsaṃ ca me trapuś ca me śyāmaṃ ca me lohaṃ ca me 'gniś ca ma āpaś ca me vīrudhaś ca ma oṣadhayaś ca me kṛṣṭapacyaṃ ca
2 me 'kṛṣṭapacyaṃ ca me grāmyāś ca me paśava āraṇyāś ca yajñena kalpantām / vittaṃ ca me vittiś ca me bhūtaṃ ca me bhūtiś ca me vasu ca me vasatiś ca me karma ca me śaktiś ca me 'rthaś ca ma emaś ca ma itiś ca me gatiś ca me //
4.7.6 anuvāka 6 vasordhārā
1 agniś ca ma indraś ca me somaś ca ma indraś ca me savitā ca ma indraś ca me sarasvatī ca ma indraś ca me pūṣā ca ma indraś ca me bṛhaspatiś ca ma indraś ca me mitraś ca ma indraś ca me varuṇaś ca ma indraś ca me tvaṣṭā ca
2 ma indraś ca me dhātā ca ma indraś ca me viṣṇuś ca ma indraś ca me / aśvinau ca ma indraś ca me marutaś ca ma indraś ca me viśve ca me devā indraś ca me pṛthivī ca ma indraś ca me / antarikṣam ca ma indraś ca me dyauś ca ma indraś ca me diśaś ca ma indraś ca me mūrdhā ca ma indraś ca me prajāpatiś ca ma indraś ca me //
4.7.7 anuvāka 7 vasordhārā
1 aꣳśuś ca me raśmiś ca me 'dābhyaś ca me 'dhipatiś ca ma upāꣳśuś ca me 'ntaryāmaś ca ma aindravāyavaś ca me maitrāvaruṇaś ca ma āśvinaś ca me pratiprasthānaś ca me śukraś ca me manthī ca ma āgrayaṇaś ca me vaiśvadevaś ca me dhruvaś ca me vaiśvānaraś ca ma ṛtugrahāś ca //
2 me 'tigrāhyāś ca ma aindrāgnaś ca me vaiśvadevaś ca me marutvatīyāś ca me mahendraś ca ma ādityaś ca me sāvitraś ca me sārasvataś ca me pauṣṇaś ca me pātnīvataś ca me hāriyojanaś ca me //
4.7.8 anuvāka 8 vasordhārā
1 idhmaś ca me barhiś ca me vediś ca me dhiṣṇiyāś ca me srucaś ca me camasāś ca me grāvāṇaś ca me svaravaś ca ma uparavāś ca me 'dhiṣavaṇe ca me droṇakalaśaś ca me vāyavyāni ca me pūtabhṛc ca ma ādhavanīyaś ca ma āgnīdhraṃ ca me havirdhānaṃ ca me gṛhāś ca me sadaś ca me puroḍāśāś ca me pacatāś ca me 'vabhṛthaś ca me svagākāraś ca me //
4.7.9 anuvāka 9 vasordhārā
1 agniś ca me gharmaś ca me 'rkaś ca me sūryaś ca me prāṇaś ca me 'śvamedhaś ca me pṛthivī ca me 'ditiś ca me ditiś ca me dyauś ca me śakvarīr aṅgulayo diśaś ca me yajñena kalpantām ṛk ca me sāma ca me stomaś ca me yajuś ca me dīkṣā ca me tapaś ca ma ṛtuś ca me vrataṃ ca me 'horātrayor vṛṣṭyā bṛhadrathantare ca me yajñena kalpetām //
4.7.10 anuvāka 10 vasordhārā
1 garbhāś ca me vatsāś ca me tryaviś ca me tryavī ca me dityavāṭ ca me dityauhī ca me pañcāviś ca me pañcāvī ca me trivatsaś ca me trivatsā ca me turyavāṭ ca me turyauhī ca me paṣṭhavāc ca me paṣṭhauhī ca me / ukṣā ca me vaśā ca me / ṛṣabhaś ca
2 me vehac ca me 'naḍvāñ ca me dhenuś ca me / āyur yajñena kalpatām prāṇo yajñena kalpatām apāno yajñena kalpatām / vyāno yajñena kalpatām / cakṣur yajñena kalpatām / śrotraṃ yajñena kalpatām mano yajñena kalpatām / vāg yajñena kalpatām ātmā yajñena kalpatām / yajño yajñena kalpatām //
4.7.11 anuvāka 11 vasordhārā
1 ekā ca me tisraś ca me pañca ca me sapta ca me nava ca ma ekādaśa ca me trayodaśa ca me pañcadaśa ca me saptadaśa ca me navadaśa ca ma ekaviꣳśatiś ca me trayoviꣳśatiś ca me pañcaviꣳśatiś ca me saptaviꣳśatiś ca me navaviꣳśatiś ca ma ekatriꣳśc ca me trayastriꣳśac ca //
2 me catasraś ca me 'ṣṭau ca me dvādaśa ca me ṣoḍaśa ca me viꣳśatiś ca me caturviꣳśatiś ca me 'ṣṭāviꣳśatiś ca me dvātriꣳśac ca me ṣaṭtriꣳśac ca me catvāriꣳśac ca me catuścatvāriꣳśac ca me 'ṣṭācatvāriꣳśac ca me vājaś ca prasavaś cāpijaś ca kratuś ca suvaś ca mūrdhā ca vyaśniyaś cā''ntyāyanaś cāntyaś ca bhauvanaś ca bhuvanaś cādhipatiś ca //
4.7.12 anuvāka 12 vājaprasavīya homaḥ
1 vājo naḥ sapta pradiśaś catasro vā parāvataḥ / vājo no viśvair devair dhanasātāv ihāvatu // viśve adya maruto viśva ūtī viśve bhavantv agnayaḥ samiddhāḥ / viśve no devā avasā gamantu viśvaṃ astu draviṇaṃ vājo asme // vājasya prasavaṃ devā rathair yātā hiraṇyayaiḥ / agnir indro bṛhaspatir marutaḥ somapītaye // vājevāje 'vata vājino no dhaneṣu
2 viprā amṛtā ṛtajñāḥ / asya madhvaḥ pibata mādayadhvaṃ tṛptā yāta pathibhir devayānaiḥ //
vājaḥ purastād uta madhyato no vājo devāꣳ ṛtubhiḥ kalpayāti / vājasya hi prasavo naṃnamīti viśvā āśā vājapatir bhaveyam // payaḥ pṛthivyām paya oṣadhīṣu payo divyantarikṣe payo dhām / payasvatīḥ pradiśaḥ santu mahyam // sam mā sṛjāmi payasā ghṛtena sam mā sṛjāmy apa

3 oṣadhībhiḥ / so 'haṃ vājaꣳ saneyam agne // naktoṣāsā samanasā virūpe dhāpayete śiśum ekaꣳ samīcī / dyāvā kṣāmā rukmo antar vi bhāti devā agniṃ dhārayan draviṇodāḥ // samudro 'si nabhasvān ārdradānuḥ śambhūr mayobhūr abhi mā vāhi svāhā māruto 'si marutāṃ gaṇaḥ śambhūr mayobhūr abhi mā vāhi svāhāvasyur asi duvasvāñ chambhūr mayobhūr abhi mā vāhi svāhā //
4.7.13 anuvāka 13 agniyogaḥ
1 agniṃ yunajmi śavasā ghṛtena divyaꣳ suparṇaṃ vayasā bṛhantam / tena vayam patema bradhnasya viṣṭapaꣳ suvo ruhāṇā adhi nāka uttame // imau te pakṣāv ajarau patatriṇo yābhyāꣳ rakṣāꣳsy apahaꣳsy agne / tābhyām patema sukṛtām u lokaṃ yatrarṣayaḥ prathamajā ye purāṇāḥ // cid asi samudrayonir indur dakṣaḥ śyena ṛtāvā / hiraṇyapakṣaḥ śakuno bhuraṇyur mahānt sadhasthe dhruva
2 ā niṣattaḥ // namas te astu mā mā hiꣳsīr viśvasya mūrdhann adhi tiṣṭhasi śritaḥ / samudre te hṛdayam antar āyur dyāvāpṛthivī bhuvaneṣv arpite // udno dattodadhim bhintta divaḥ parjanyād antarikṣāt pṛthivyās tato no vṛṣṭyāvata / divo mūrdhāsi pṛthivyā nābhir ūrg apām oṣadhīnām / viśvāyuḥ śarma saprathā namas pathe // yenarṣayas tapasā sattram //
3 āsatendhānā agniꣳ suvar ābharantaḥ / tasminn ahaṃ ni dadhe nāke agnim etaṃ yam āhur manavaḥ stīrṇabarhiṣam // tam patnībhir anu gacchema devāḥ putrair bhrātṛbhir uta vā hiraṇyaiḥ / nākaṃ gṛhṇānāḥ sukṛtasya loke tṛtīye pṛṣṭhe adhi rocane divaḥ // ā vāco madhyam aruhad bhuraṇyur ayam agniḥ satpatiś cekitānaḥ / pṛṣṭhe pṛthivyā nihito davidyutad adhaspadaṃ kṛṇute
4 ye pṛtanyavaḥ // ayam agnir vīratamo vayodhāḥ sahasriyo dīpyatām aprayucchan / vibhrājamānaḥ sarirasya madhya upa pra yāta divyāni dhāma // sam pra cyavadhvam anu sam pra yātāgne patho devayānān kṛṇudhvam / asmint sadhasthe adhy uttarasmin viśve devā yajamānaś ca sīdata // yenā sahasraṃ vahasi yenāgne sarvavedasam / tenemaṃ yajñaṃ no vaha devayāno ya
5 uttamaḥ // ud budhyasvāgne prati jāgṛhy enam iṣṭāpūrte saꣳ sṛjethām ayaṃ ca / punaḥ kṛṇvaꣳs tvā pitaraṃ yuvānam anvātāꣳsīt tvayi tantum etam // ayaṃ te yonir ṛtviyo yato jāto arocathāḥ / taṃ jānann agna ā rohāthā no vardhayā rayim //
4.7.14 anuvāka 14 vihavyā iṣṭakāḥ
1 mamāgne varco vihaveṣv astu vayaṃ tvendhānās tanuvam puṣema / mahyaṃ namantām pradiśaś catasras tvayādhyakṣeṇa pṛtanā jayema // mama devā vihave santu sarva indrāvanto maruto viṣṇur agniḥ / mamāntarikṣam uru gopam astu mahyaṃ vātaḥ pavatāṃ kāme asmin // mayi devā draviṇam ā yajantām mayy āśīr astu mayi devahūtiḥ / daivyā hotārā vaniṣanta
2 pūrve'riṣṭāḥ syāma tanuvā suvīrāḥ // mahyaṃ yajantu mama yāni havyā''kūtiḥ satyā manaso me astu / eno mā ni gāṃ katamac canāhaṃ viśve devāso adhi vocatā me // devīḥ ṣaḍurvīr uru naḥ kṛṇota viśve devāsa iha vīrayadhvam / mā hāsmahi prajayā mā tanūbhir mā radhāma dviṣate soma rājan // agnir manyum pratinudan purastā
3 dabdho gopāḥ pari pāhi nas tvam / pratyañco yantu nigutaḥ punas te 'maiṣāṃ cittam prabudhā vi neśat // dhātā dhātṛṇām bhuvanasya yas patir devaꣳ savitāram abhimātiṣāham / imaṃ yajñam aśvinobhā bṛhaspatir devāḥ pāntu yajamānaṃ nyarthāt // uruvyacā no mahiṣaḥ śarma yaꣳsad asmin have puruhūtaḥ purukṣu / sa naḥ prajāyai haryaśva mṛḍayendra mā //
4 no rīriṣo mā parā dāḥ // ye naḥ sapatnā apa te bhavantv indrāgnibhyām ava bādhāmahe tān / vasavo rudrā ādityā uparispṛśam mograṃ cettāram adhirājam akran // arvāñcam indram amuto havāmahe yo gojid dhanajid aśvajid yaḥ / imaṃ no yajñaṃ vihave juṣasvāsya kurmo harivo medinaṃ tvā //
4.7.15 anuvāka 15 aśvamedhīyā yājyānuvākyāḥ
1 agner manve prathamasya pracetaso yam pāñcajanyam bahavaḥ samindhate / viśvasyāṃ viśi praviviśivāꣳsam īmahe sa no muñcatv aꣳhasaḥ // yasyedam prāṇan nimiṣad yad ejati yasya jātaṃ janamānaṃ ca kevalam / staumy agniṃ nāthito johavīmi sa no muñcatv aꣳhasaḥ // indrasya manve prathamasya pracetaso vṛtraghna stomā upa mām upāguḥ / yo dāśuṣaḥ sukṛto havam upa gantā
2 sa no muñcatv aꣳhasaḥ // yaḥ saṃgrāmaṃ nayati saṃ vaśī yudhe yaḥ puṣṭāni saꣳsṛjati trayāṇi / staumīndraṃ nāthito johavīmi sa no muñcatv aꣳhasaḥ // manve vām mitrāvaruṇā tasya vittaꣳ satyaujasā dṛꣳhaṇā yaṃ nudethe / yā rājānaꣳ sarathaṃ yātha ugrā tā no muñcatam āgasaḥ // yo vāꣳ ratha ṛjuraśmiḥ satyadharmā mithuś carantam upayāti dūṣayan / staumi
3 mitrāvaruṇā nāthito johavīmi tau no muñcatam āgasaḥ // vāyoḥ savitur vidathāni manmahe yāv ātmanvad bibhṛto yau ca rakṣataḥ / yau viśvasya paribhū babhūvatus tau no muñcatam āgasaḥ // upa śreṣṭhā na āśiṣo devayor dharme asthiran / staumi vāyuꣳ savitāraṃ nāthito johavīmi tau no muñcatam āgasaḥ // rathītamau rathīnām ahva ūtaye śubhaṃ gamiṣṭhau suyamebhir aśvaiḥ / yayo
4 rvāṃ devau deveṣv aniśitam ojas tau no muñcatam āgasaḥ // yad ayātaṃ vahatuꣳ sūryāyās tricakreṇa saꣳsadam icchamānau / staumi devāv aśvinau nāthito johavīmi tau no muñcatam āgasaḥ // marutām manve adhi no bruvantu premāṃ vācaṃ viśvām avantu viśve / āśūn huve suyamān ūtaye te no muñcantv enasaḥ // tigmam āyudhaṃ vīḍitaꣳ sahasvad divyaꣳ śardhaḥ
5 pṛtanāsu jiṣṇu / staumi devān maruto nāthito johavīmi te no muñcantv enasaḥ // devānām manve adhi no bruvantu premāṃ vācaṃ viśvām avantu viśve / āśūn huve suyamān ūtaye te no muñcantvenasaḥ // yad idam mābhiśocati pauruṣeyeṇa daivyena / staumi viśvān devān nāthito johavīmi te no muñcantv enasaḥ // anu no 'dyānumatira
6 nvidanumate tvam / vaiśvānaro na ūtyā pṛṣṭho divi ye aprathetām amitebhir ojobhir ye pratiṣṭhe abhavatāṃ vasūnām / staumi dyāvāpṛthivī nāthito johavīmi te no muñcatam aꣳhasaḥ // urvī rodasī varivaḥ kṛṇotaṃ kṣetrasya patnī adhi no brūyātam / staumi dyāvāpṛthivī nāthito johavīmi te no muñcatam aꣳhasaḥ // yat te vayam puruṣatrā yaviṣṭhāvidvāꣳsaś cakṛmā kaccanā
7 ''gaḥ / kṛdhī sv asmāꣳ aditer anāgā vy enāꣳsi śiśratho viṣvag agne // yathā ha tad vasavo gauryaṃ cit padi ṣitām amuñcatā yajatrāḥ / evā tvam asmat pra muñcā vy aꣳhaḥ prātāry agne pratarāṃ na āyuḥ //
4.7.1 anuvāka

vasordhārā

agnāviṣṇū sajoṣasemā vardhantu vāṃ giraḥ / dyumnair vājebhir āgatam //
vājaś ca me prasavaś ca me prayatiś ca me prasitiś ca me dhītiś ca me kratuś ca me svaraś ca me ślokaś ca me śrāvaś ca me śrutiś ca me jyotiś ca me suvaś ca me prāṇaś ca me 'pāna

śca me vyānaś ca me 'suś ca me cittaṃ ca ma ādhītaṃ ca me vāk ca me manaś ca me cakṣuś ca me śrotraṃ ca me dakṣaś ca me balaṃ ca ma ojaś ca me sahaś ca ma āyuś ca me jarā ca ma ātmā ca me tanūś ca me śarma ca me varma ca me 'ṅgāni ca me 'sthāni ca me parūꣳṣi ca me śarīrāṇi ca me //
4.7.2 anuvāka

vasordhārā

jyaiṣṭhyaṃ ca ma ādhipatyaṃ ca me manyuś ca me bhāmas ca me 'maś ca me 'mbhaś ca me jemā ca me mahimā ca me varimā ca me prathimā ca me varṣmā ca me drāghuyā ca me vṛddhaṃ ca me vṛddhiś ca me satyaṃ ca me śraddhā ca me jagac ca

me dhanaṃ ca me vaśaś ca me tviṣiś ca me krīḍā ca me modaś ca me jātaṃ ca me janiṣyamāṇaṃ ca me sūktaṃ ca me sukṛtaṃ ca me vittaṃ ca me vedyaṃ ca me bhūtaṃ ca me bhaviṣyac ca me sugaṃ ca me supathaṃ ca ma ṛddhaṃ ca ma ṛddhiś ca me klṛptaṃ ca me klṛptiś ca me matiś ca me sumatiś ca me //
4.7.3 anuvāka

vasordhārā

śaṃ ca me mayaś ca me priyaṃ ca me 'nukāmaś ca me kāmaś ca me saumanasaś ca me bhadraṃ ca me śreyaś ca me vasyaś ca me yaśaś ca me bhagaś ca me draviṇaṃ ca me yantā ca me dhartā ca me kṣemaś ca me dhṛtiś ca me viśvaṃ ca

me mahaś ca me saṃvic ca me jñātraṃ ca me sūś ca me prasūś ca me sīraṃ ca me layaś ca ma ṛtaṃ ca me 'mṛtaṃ ca me 'yakṣmaṃ ca me 'nāmayac ca me jīvātuś ca me dīrghāyutvaṃ ca me 'namitraṃ ca me 'bhayaṃ ca me sugaṃ ca me śayanaṃ ca me sūṣā ca me sudinaṃ ca me //
4.7.4 anuvāka

vasordhārā

ūrk ca me sūnṛtā ca me payaś ca me rasaś ca me ghṛtaṃ ca me madhu ca me sagdhiś ca me sapītiś ca me kṛṣiś ca me vṛṣṭiś ca me jaitraṃ ca ma audbhidyaṃ ca me rayiś ca me rāyaś ca me puṣṭaṃ ca me puṣṭiś ca me vibhu ca

4.7.5

me prabhu ca me bahu ca me bhūyaś ca me pūrṇaṃ ca me pūrṇataraṃ ca me 'kṣitiś ca me kūyavāś ca me 'nnaṃ ca me 'kṣuc ca me vrīhayaś ca me yavāś ca me māṣāś ca me tilāś ca me mudgāś ca me khalvāś ca me godhūmāś ca me masurāś ca me priyaṃgavaś ca me 'ṇavaś ca me śyāmākāś ca me nīvārāś ca me //
4.7.5 anuvāka

vasordhārā

aśmā ca me mṛttikā ca me girayaś ca me parvatāś ca me sikatāś ca me vanaspatayaś ca me hiraṇyaṃ ca me 'yaś ca me sīsaṃ ca me trapuś ca me śyāmaṃ ca me lohaṃ ca me 'gniś ca ma āpaś ca me vīrudhaś ca ma oṣadhayaś ca me kṛṣṭapacyaṃ ca

4.7.6

me 'kṛṣṭapacyaṃ ca me grāmyāś ca me paśava āraṇyāś ca yajñena kalpantām /
vittaṃ ca me vittiś ca me bhūtaṃ ca me bhūtiś ca me vasu ca me vasatiś ca me karma ca me śaktiś ca me 'rthaś ca ma emaś ca ma itiś ca me gatiś ca me //
4.7.6 anuvāka

vasordhārā

agniś ca ma indraś ca me
somaś ca ma indraś ca me
savitā ca ma indraś ca me
sarasvatī ca ma indraś ca me
pūṣā ca ma indraś ca me
bṛhaspatiś ca ma indraś ca me
mitraś ca ma indraś ca me
varuṇaś ca ma indraś ca me
tvaṣṭā ca

4.7.7

ma indraś ca me
dhātā ca ma indraś ca me
viṣṇuś ca ma indraś ca me /
aśvinau ca ma indraś ca me
marutaś ca ma indraś ca me
viśve ca me devā indraś ca me
pṛthivī ca ma indraś ca me /
antarikṣam ca ma indraś ca me
dyauś ca ma indraś ca me
diśaś ca ma indraś ca me
mūrdhā ca ma indraś ca me
prajāpatiś ca ma indraś ca me //
4.7.7 anuvāka

vasordhārā

aꣳśuś ca me raśmiś ca me 'dābhyaś ca me 'dhipatiś ca ma upāꣳśuś ca me 'ntaryāmaś ca ma aindravāyavaś ca me maitrāvaruṇaś ca ma āśvinaś ca me pratiprasthānaś ca me śukraś ca me manthī ca ma āgrayaṇaś ca me vaiśvadevaś ca me dhruvaś ca me vaiśvānaraś ca ma ṛtugrahāś ca

4.7.8

me 'tigrāhyāś ca ma aindrāgnaś ca me vaiśvadevaś ca me marutvatīyāś ca me mahendraś ca ma ādityaś ca me sāvitraś ca me sārasvataś ca me pauṣṇaś ca me pātnīvataś ca me hāriyojanaś ca me //
4.7.8 anuvāka

vasordhārā

4.7.9

idhmaś ca me barhiś ca me vediś ca me dhiṣṇiyāś ca me srucaś ca me camasāś ca me grāvāṇaś ca me svaravaś ca ma uparavāś ca me 'dhiṣavaṇe ca me droṇakalaśaś ca me vāyavyāni ca me pūtabhṛc ca ma ādhavanīyaś ca ma āgnīdhraṃ ca me havirdhānaṃ ca me gṛhāś ca me sadaś ca me puroḍāśāś ca me pacatāś ca me 'vabhṛthaś ca me svagākāraś ca me //
4.7.9 anuvāka

vasordhārā

4.7.10

agniś ca me gharmaś ca me 'rkaś ca me sūryaś ca me prāṇaś ca me 'śvamedhaś ca me pṛthivī ca me 'ditiś ca me ditiś ca me dyauś ca me śakvarīr aṅgulayo diśaś ca me yajñena kalpantām
ṛk ca me sāma ca me stomaś ca me yajuś ca me dīkṣā ca me tapaś ca ma ṛtuś ca me vrataṃ ca me 'horātrayor vṛṣṭyā bṛhadrathantare ca me yajñena kalpetām //
4.7.10 anuvāka

vasordhārā

garbhāś ca me vatsāś ca me
tryaviś ca me tryavī ca me
dityavāṭ ca me dityauhī ca me
pañcāviś ca me pañcāvī ca me
trivatsaś ca me trivatsā ca me
turyavāṭ ca me turyauhī ca me
paṣṭhavāc ca me paṣṭhauhī ca me /
ukṣā ca me vaśā ca me /
ṛṣabhaś ca

4.7.11

me vehac ca me 'naḍvāñ ca me dhenuś ca me /
āyur yajñena kalpatām
prāṇo yajñena kalpatām
apāno yajñena kalpatām /
vyāno yajñena kalpatām /
cakṣur yajñena kalpatām /
śrotraṃ yajñena kalpatām
mano yajñena kalpatām /
vāg yajñena kalpatām
ātmā yajñena kalpatām /
yajño yajñena kalpatām //
4.7.11 anuvāka

vasordhārā

ekā ca me tisraś ca me pañca ca me sapta ca me nava ca ma ekādaśa ca me trayodaśa ca me pañcadaśa ca me saptadaśa ca me navadaśa ca ma ekaviꣳśatiś ca me trayoviꣳśatiś ca me pañcaviꣳśatiś ca me saptaviꣳśatiś ca me navaviꣳśatiś ca ma ekatriꣳśc ca me trayastriꣳśac ca

4.7.12

me
catasraś ca me 'ṣṭau ca me dvādaśa ca me ṣoḍaśa ca me viꣳśatiś ca me caturviꣳśatiś ca me 'ṣṭāviꣳśatiś ca me dvātriꣳśac ca me ṣaṭtriꣳśac ca me catvāriꣳśac ca me catuścatvāriꣳśac ca me 'ṣṭācatvāriꣳśac ca me
vājaś ca prasavaś cāpijaś ca kratuś ca suvaś ca mūrdhā ca vyaśniyaś cā''ntyāyanaś cāntyaś ca bhauvanaś ca bhuvanaś cādhipatiś ca //
4.7.12 anuvāka

vājaprasavīya homaḥ

vājo naḥ sapta pradiśaś catasro vā parāvataḥ / vājo no viśvair devair dhanasātāv ihāvatu //
viśve adya maruto viśva ūtī viśve bhavantv agnayaḥ samiddhāḥ / viśve no devā avasā gamantu viśvaṃ astu draviṇaṃ vājo asme //
vājasya prasavaṃ devā rathair yātā hiraṇyayaiḥ / agnir indro bṛhaspatir marutaḥ somapītaye //
vājevāje 'vata vājino no dhaneṣu

viprā amṛtā ṛtajñāḥ / asya madhvaḥ pibata mādayadhvaṃ tṛptā yāta pathibhir devayānaiḥ //
vājaḥ purastād uta madhyato no vājo devāꣳ ṛtubhiḥ kalpayāti / vājasya hi prasavo naṃnamīti viśvā āśā vājapatir bhaveyam //
payaḥ pṛthivyām paya oṣadhīṣu payo divyantarikṣe payo dhām / payasvatīḥ pradiśaḥ santu mahyam //
sam mā sṛjāmi payasā ghṛtena sam mā sṛjāmy apa

4.7.13

oṣadhībhiḥ / so 'haṃ vājaꣳ saneyam agne //
naktoṣāsā samanasā virūpe dhāpayete śiśum ekaꣳ samīcī / dyāvā kṣāmā rukmo antar vi bhāti devā agniṃ dhārayan draviṇodāḥ //
samudro 'si nabhasvān ārdradānuḥ śambhūr mayobhūr abhi mā vāhi svāhā māruto 'si marutāṃ gaṇaḥ śambhūr mayobhūr abhi mā vāhi svāhāvasyur asi duvasvāñ chambhūr mayobhūr abhi mā vāhi svāhā //
4.7.13 anuvāka

agniyogaḥ

agniṃ yunajmi śavasā ghṛtena divyaꣳ suparṇaṃ vayasā bṛhantam / tena vayam patema bradhnasya viṣṭapaꣳ suvo ruhāṇā adhi nāka uttame //
imau te pakṣāv ajarau patatriṇo yābhyāꣳ rakṣāꣳsy apahaꣳsy agne / tābhyām patema sukṛtām u lokaṃ yatrarṣayaḥ prathamajā ye purāṇāḥ //
cid asi samudrayonir indur dakṣaḥ śyena ṛtāvā / hiraṇyapakṣaḥ śakuno bhuraṇyur mahānt sadhasthe dhruva

ā niṣattaḥ //
namas te astu mā mā hiꣳsīr viśvasya mūrdhann adhi tiṣṭhasi śritaḥ / samudre te hṛdayam antar āyur dyāvāpṛthivī bhuvaneṣv arpite //
udno dattodadhim bhintta divaḥ parjanyād antarikṣāt pṛthivyās tato no vṛṣṭyāvata / divo mūrdhāsi pṛthivyā nābhir ūrg apām oṣadhīnām / viśvāyuḥ śarma saprathā namas pathe //
yenarṣayas tapasā sattram

āsatendhānā agniꣳ suvar ābharantaḥ / tasminn ahaṃ ni dadhe nāke agnim etaṃ yam āhur manavaḥ stīrṇabarhiṣam //
tam patnībhir anu gacchema devāḥ putrair bhrātṛbhir uta vā hiraṇyaiḥ / nākaṃ gṛhṇānāḥ sukṛtasya loke tṛtīye pṛṣṭhe adhi rocane divaḥ //
ā vāco madhyam aruhad bhuraṇyur ayam agniḥ satpatiś cekitānaḥ / pṛṣṭhe pṛthivyā nihito davidyutad adhaspadaṃ kṛṇute

4.7.5

ye pṛtanyavaḥ //
ayam agnir vīratamo vayodhāḥ sahasriyo dīpyatām aprayucchan / vibhrājamānaḥ sarirasya madhya upa pra yāta divyāni dhāma //
sam pra cyavadhvam anu sam pra yātāgne patho devayānān kṛṇudhvam / asmint sadhasthe adhy uttarasmin viśve devā yajamānaś ca sīdata //
yenā sahasraṃ vahasi yenāgne sarvavedasam / tenemaṃ yajñaṃ no vaha devayāno ya

4.7.14

uttamaḥ //
ud budhyasvāgne prati jāgṛhy enam iṣṭāpūrte saꣳ sṛjethām ayaṃ ca / punaḥ kṛṇvaꣳs tvā pitaraṃ yuvānam anvātāꣳsīt tvayi tantum etam //
ayaṃ te yonir ṛtviyo yato jāto arocathāḥ / taṃ jānann agna ā rohāthā no vardhayā rayim //
4.7.14 anuvāka

vihavyā iṣṭakāḥ

mamāgne varco vihaveṣv astu vayaṃ tvendhānās tanuvam puṣema / mahyaṃ namantām pradiśaś catasras tvayādhyakṣeṇa pṛtanā jayema //
mama devā vihave santu sarva indrāvanto maruto viṣṇur agniḥ / mamāntarikṣam uru gopam astu mahyaṃ vātaḥ pavatāṃ kāme asmin //
mayi devā draviṇam ā yajantām mayy āśīr astu mayi devahūtiḥ / daivyā hotārā vaniṣanta

pūrve'riṣṭāḥ syāma tanuvā suvīrāḥ //
mahyaṃ yajantu mama yāni havyā''kūtiḥ satyā manaso me astu / eno mā ni gāṃ katamac canāhaṃ viśve devāso adhi vocatā me //
devīḥ ṣaḍurvīr uru naḥ kṛṇota viśve devāsa iha vīrayadhvam / mā hāsmahi prajayā mā tanūbhir mā radhāma dviṣate soma rājan //
agnir manyum pratinudan purastā

dabdho gopāḥ pari pāhi nas tvam / pratyañco yantu nigutaḥ punas te 'maiṣāṃ cittam prabudhā vi neśat //
dhātā dhātṛṇām bhuvanasya yas patir devaꣳ savitāram abhimātiṣāham / imaṃ yajñam aśvinobhā bṛhaspatir devāḥ pāntu yajamānaṃ nyarthāt //
uruvyacā no mahiṣaḥ śarma yaꣳsad asmin have puruhūtaḥ purukṣu / sa naḥ prajāyai haryaśva mṛḍayendra mā

4.7.15

no rīriṣo mā parā dāḥ //
ye naḥ sapatnā apa te bhavantv indrāgnibhyām ava bādhāmahe tān / vasavo rudrā ādityā uparispṛśam mograṃ cettāram adhirājam akran //
arvāñcam indram amuto havāmahe yo gojid dhanajid aśvajid yaḥ / imaṃ no yajñaṃ vihave juṣasvāsya kurmo harivo medinaṃ tvā //
4.7.15 anuvāka

aśvamedhīyā yājyānuvākyāḥ

agner manve prathamasya pracetaso yam pāñcajanyam bahavaḥ samindhate / viśvasyāṃ viśi praviviśivāꣳsam īmahe sa no muñcatv aꣳhasaḥ //
yasyedam prāṇan nimiṣad yad ejati yasya jātaṃ janamānaṃ ca kevalam / staumy agniṃ nāthito johavīmi sa no muñcatv aꣳhasaḥ //
indrasya manve prathamasya pracetaso vṛtraghna stomā upa mām upāguḥ / yo dāśuṣaḥ sukṛto havam upa gantā

sa no muñcatv aꣳhasaḥ //
yaḥ saṃgrāmaṃ nayati saṃ vaśī yudhe yaḥ puṣṭāni saꣳsṛjati trayāṇi / staumīndraṃ nāthito johavīmi sa no muñcatv aꣳhasaḥ //
manve vām mitrāvaruṇā tasya vittaꣳ satyaujasā dṛꣳhaṇā yaṃ nudethe / yā rājānaꣳ sarathaṃ yātha ugrā tā no muñcatam āgasaḥ //
yo vāꣳ ratha ṛjuraśmiḥ satyadharmā mithuś carantam upayāti dūṣayan / staumi