Taittiriya Aranyaka · Chapter 7

7.1
hariḥ ॐ /
śaṃ no mitraḥ śaṃ varuṇaḥ / śaṃ no bhavatvaryamā / śaṃ na indro bṛhaspatiḥ / śaṃ no viṣṇururukramaḥ, iti / namo brahmaṇe / namaste vāyo / tvameva pratyakṣaṃ brahmāsi / tvameva pratyakṣaṃ brahma vadiṣyāmi / ṛtaṃ vadi ṣyāmi / satyaṃ vadiṣyāmi / tanmāmavantu / tadvaktāramavatu / avatu mām / avatu vaktāram, iti /
ॐ śāntiḥ śāntiḥ śāntiḥ ( १) iti /
satyaṃ vadiṣyāmi pañca ca //
iti kṛṣṇayajurvedīyataittirīyāraṇyake saptamaprapāṭhake prathamo'nuvākaḥ

7.2
ॐ śīkṣāṃ vyākhyāsyāmaḥ / varṇaḥ svaraḥ / mātrā balam / sāma saṃtānaḥ / ityuktaḥ śīkṣādhyāyaḥ ( १, iti / śīkṣāṃ pañca /
iti kṛṣṇayajurvedīyataittirīyāraṇyake saptamaprapāṭhake dvitīyo'nuvākaḥ
7.3
saha nau yaśaḥ / saha nau brahmavarcasam, iti / athātaḥ sam̐hitāyā upaniṣadaṃ vyākhyāsyāmaḥ / pañcasvadhikaraṇeṣu / adhilokamadhijyautiṣamadhividyamadhipraja madhyātmam / tā mahāsaṃhitā ityācakṣate, iti / athādhilokam / pṛthivī pūrvarūpam / dyauruttararūpam / ākāśaḥ saṃdhiḥ ( १) / vāyuḥ saṃdhānam / ityadhilokam, iti /
athādhijyautiṣam / agniḥ pūrvarūpam / āditya uttararūpam / āpaḥ saṃdhiḥ / vaidyutaḥ saṃdhānam / ityadhijyautiṣam, iti /
athādhividyam / ācāryaḥ pūrvarūpam ( २) / antevāsyuttararūpam / vidyā saṃdhiḥ / pravacanaṃ saṃdhānam / ityadhividyam, iti / athādhiprajam / mātā pūrvarūpam / pitottararūpam / prajā saṃdhiḥ / prajananaṃśa saṃdhānam / ityadhiprajam ( ३), iti /
athādhyātmam / adharā hanuḥ pūrvarūpam / uttarā hanuruttararū- pam / vāksaṃdhiḥ / jihvā saṃdhānam / ityadhyātmam, iti / itīmā mahāsaṃhitāḥ, iti / ya evametā mahāsaṃhitā vyākhyātā veda / saṃdhīyate prajayā paśubhiḥ / brahmavarcasenānnādyena suvargyeṇa lokena ( ४), iti // sadhirācāryaḥ pūrvarūpamityadhiprajaṃ lokena // iti kṛṣṇayajurvedīyataittirīyāraṇyake saptamaprapāṭhake tṛtīyo'nuvākaḥ

7.4
yaśchandasāmṛṣabho viśvarūpaḥ / chandobhyo'dhyamṛtātsaṃbabhūva / sa mendro medhayā spṛṇotu / amṛtasya deva dhāraṇo bhūyāsam, iti / śarīraṃ me vicarṣaṇam / jihvā me madhumattamā / karṇābhyāṃ bhūri viśruvam / brahmaṇaḥ kośo'si medhayā'pihitaḥ / śrutaṃ me gopāya, iti /
āvahantī vitanvānā ( १) / kurvāṇā cīramrātmanaḥ / vāsāṃsi mama gāvaśca / annapāne ca sarvadā / tato me śriyamāvaha / lomaśāṃ paśubhiḥ saha svāhā, iti / ā mā yantu brahmacāriṇaḥ svāhā / vi mā''yantu brahmacāriṇaḥ svāhā / pra mā''yantu brahmacāriṇaḥ svāhā / damāyantu brahmacāriṇaḥ svāhā / śamāyantu brahmacāriṇaḥ svāhā ( २), iti / yaśo jane'sāni svāhā / śreyānvasyaso'sāni svāhā, iti / taṃ tvā bhaga praviśāni svāhā / sa mā bhaga praviśa svāhā / tasmintsahasraśākhe / ni bhagāhaṃ tvayi mṛje svāhā, iti / yathā''paḥ pravatā''yanti / yathā māsā aharjaram / evaṃ māṃ brahmacāriṇaḥ / dhātarāyantu sarvataḥ svāhā, iti / prativeśo'si pra mā bhāhi pra mā padyasva( ३), iti / vitanvānā śamāyantu brahmacāriṇaḥ svāhā dhātarāyantu sarvataḥ svāhaikaṃ ca / /
iti kṛṣṇayajurvedīyataittirīyāraṇyake saptamaprapāṭhake caturtho'nuvākaḥ

7.5
bhūrbhuvaḥ suvariti vā etāstisro vyāhṛtayaḥ, iti / tāsāmu ha smaitāṃ caturthīm / māhācamasyaḥ pravedayate / maha iti, iti / tadbrahma / sa ātmā / aṅgānyanyā devatāḥ, iti / bhūriti vā ayaṃ lokaḥ / bhuva ityantarikṣam / suvarityasau lokaḥ ( १) / maha ityādityaḥ / ādityena vāva sarve lokā mahīyante, iti / bhūriti vā agniḥ / bhuva iti vāyuḥ / suvarityādityaḥ / maha iti candramāḥ/ candramasā vāva sarvāṇi jyotīṃṣi mahīyante/ bhūriti vā ṛcaḥ / bhuva iti sāmāni / suvariti yajūṃṣi (२) / maha iti brahma / brahmaṇā vāva sarve vedā mahīyante, iti / bhūriti vai prāṇaḥ / bhuva ityapānaḥ / suvariti vyānaḥ / maha ityannam / annena vāva sarve prāṇā mahīyante, iti / tā vā etāścatasraścaturdhā / catasraścatasro vyāhṛtayaḥ, iti / tā yo veda / sa veda brahma / sarve'smai devā balimāvahanti(३), iti / asau loko yajūṃṣi veda dve ca //
iti kṛṣṇayajurvedīyataittirīyāraṇyake saptamaprapāṭhake pañcamo'nuvākaḥ

7.6
sa ya eṣo'ntarhṛdaya ākāśaḥ / tasminnayaṃ puruṣo manomayaḥ / amṛto hiraṇmayaḥ, iti / antareṇa tāluke / ya eṣa stana ivāvalambate / sendrayoniḥ / yatrāsau keśānto vivartate / vyapohya śīrṣakapāle, iti / bhūrityagnau pratitiṣṭhati / bhuva iti vāyau ( १) / suvarityāditye / maha iti brahmaṇi / āpnoti svārājyam / āpnoti manasaspatim / vākpati- ścakṣuṣpatiḥ / śrotrapatirvijñānapatiḥ / etattato bhavati / ākāśaśarīraṃ brahma / satyātma prāṇārāmaṃ mana ānandam / śāntisamṛddhamamṛtam, iti / iti prācīnayogyopāssva ( २), iti / vāyāvamṛtamekaṃ ca //
iti kṛṣṇayajurvedīyataittirīyāraṇyake saptamaprapāṭhake ṣaṣṭho'nuvākaḥ

7.7
pṛthivyantarikṣaṃ dyaurdiśo'vāntaradiśāḥ / agnirvāyurādityaścandramā nakṣatrāṇi / āpa oṣadhayo vanaspataya ākāśa ātmā / ityadhibhūtam, iti / athādhyātmam / prāṇo vyāno'pāna udānaḥ samānaḥ / cakṣuḥ śrotraṃ mano vāktvak / carma māṃsaṃ snāvāsthi majjā, iti / etadadhividhāya ṛṣiravocat / pāṅktaṃ vā idaṃ sarvam / pāṅktenaiva pāṅktaṃ spṛṇotīti ( १), iti / sarvamekaṃ ca //
iti kṛṣṇayajurvedīyataittirīyāraṇyake saptamaprapāṭhake saptamo'nuvākaḥ

7.8
omiti brahma, iti / omitīdaṃ sarvam, iti / omityetadanukṛti ha sma vā apyo śrāvayatyāśrāvayanti / omiti sāmāni gāyanti / oṃ śomiti śastrāṇi śam̐santi / omityadhvaryuḥ pratigaraṃ pratigṛṇāti / omiti brahma prasauti / omityagnihotramanujānāti / omiti brāhmaṇaḥ pravakṣyannāha,-iti /
brahmopāpnavānīti / brahmaivopāpnoti ( १) iti / oṃ daśa //
iti kṛṣṇayajurvedīyataittirīyāraṇyake saptamaprapāṭhake'ṣṭamo'nuvākaḥ

7.9
ṛtaṃ ca svādhyāyapravacane ca / satyaṃ ca svādhyā- yapravacane ca / tapaśca svādhyāyapravacane ca / damaśca svādhyāyapravacane ca / śamaśca svādhyāyapravacane ca / agnayaśca svādhyāyapravacane ca / agnihotraṃ ca svādhyāyapravacane ca/ atithayaśca svādhyāyapravacane ca / mānuṣaṃ ca svādhyāyapravacane ca / prajā ca svādhyāyapravacane ca / prajanaśca svādhyāyapravacane ca / prajātiśca svādhyāyapravacane ca, iti / satyamiti satyavacā rāthītaraḥ / tapa iti taponityaḥ pauruśiṣṭiḥ / svādhyāyapravacane evaiti nāko maudgalyaḥ / taddhi tapastaddhi tapaḥ ( १) iti / prajā ca svādhyāyapravacane ca ṣaṭ ca //
iti kṛṣṇayajurvedīyataittirīyāraṇyake saptamaprapāṭhake navamo'nuvākaḥ

7.10
ahaṃ vṛkṣasya rerivā / kīrtiḥ pṛṣṭhaṃ gireriva / ūrdhvapavitro vājinīva svamṛtamasmi / draviṇaṃ savarcasam / sumedhā amṛtokṣitaḥ / iti triśaṅkorvedānuvacanam ( १), iti / ahaṃ ṣaṭ //
iti kṛṣṇayajurvedīyataittirīyāraṇyake saptamaprapāṭhake daśamo'nuvākaḥ

7.11
satyaṃ vada / dharmaṃ cara, iti / svādhyāyānmā pramadaḥ / ācāryāya priyaṃ dhanamāhṛtya prajātantuṃ mā vyavacchetsīḥ / satyānna pramaditavyam / dharmānna pramaditavyam / kuśalānna pramaditavyam / bhūtyai na pramaditavyam / svādhyāyapravacanābhyāṃ na pramadi- tavyam (१) / devapitṛkāryābhyāṃ na pramaditavyam, iti / mātṛdevo bhava / pitṛdevo bhava / ācārya- devo bhava / atithidevo bhava, iti / yānyanavadyāni karmāṇi / tāni sevi- tavyāni / no itarāṇi, iti / yānyasmākaṃ sucaritāni / tāni tvayopāsyāni ( २) / no itarāṇi, iti / ye ke cāsmacchreyāṃso brāhmaṇāḥ / teṣāṃ tvayā''sanena praśvasitavyam, iti / śraddhayā deyam / aśraddhayā'deyam / śriyā deyam / hriyā deyam / bhiyā deyam / saṃvidā deyam, iti / atha yadi te karmavicikitsā vā vṛttavicikitsā brā syāt ( ३) / ye tatra brāhmaṇāḥ saṃmarśinaḥ / yuktā āyuktāḥ / alūkṣā dharmakāmāḥ syuḥ / yathā te tatra varteran / tathā tatra vartethāḥ, iti / athābhyākhyāteṣu / ye tatra brāhmaṇāḥ saṃmarśinaḥ / yuktā āyuktāḥ / alūkṣā dharmakāmaḥ syuḥ / yathā te teṣu varteran / tathā teṣu vartethāḥ, iti / eṣa ādeśaḥ / eṣa upadeśaḥ / eṣā vedopaniṣat / etadanruśāsanam / evamupāsitavyam / evamu caitadupāsyam ( ४), iti / svādhyāyapravacanābhyāṃ na pramaditavyaṃ tāni tvayopāsyāni syātteṣu varterantsapta ca //
iti kṛpṇayajurvedīyataittirīyāraṇyake saptamaprapāṭhaka ekādaśo'nuvākaḥ

7.12
śaṃ no mitraḥ śaṃ varuṇaḥ / śaṃ no bhavatvaryamā / śaṃ na indro bṛha- spatiḥ / śaṃ no viṣṇururukramaḥ / namo brahmaṇe / namaste vāyo / tvameva pratyakṣaṃ brahmāsi / tvāmeva pratyakṣaṃ brahmāvādiṣam / ṛtamavādiṣam / satyamavādiṣam / tanmāmāvīt / tadvaktāramāvīt / āvīnmām / āvīdvaktāram / ॐ śāntiḥ śānti śāntiḥ(१),iti/ satyamavādiṣaṃ pañca ca //
iti kṛṣṇayajurvedīyataittirīyāraṇyake saptamaprapāṭhake dvādaśo'nuvākaḥ

śaṃ naḥ śīkṣāṃ saha nau yaśchandasāṃ bhūḥ sa yaḥ pṛthivyomityṛtaṃ cāhaṃ vedamanūcya śaṃ no dvādaśa

śaṃ no maha ityādityo no itarāṇi trayovim̐śatiḥ

śaṃ no mitraḥ śaṃ varuṇaḥ // śaṃ no bhavatvaryamā / śaṃ na indro bṛhaspatiḥ / śaṃ no viṣṇururukramaḥ / namo brahmaṇe / namaste vāyo / tvameva pratyakṣaṃ brahmāsi / tvameva pratyakṣaṃ brahma vadiṣyāmi / ṛtaṃ vadiṣyāmi / satyaṃ vadiṣyāmi / tanmāmavatu / tadvaktāramavatu / avatu mām / avatu vaktāram /
ॐ śāntiḥ śāntiḥ śāntiḥ //
hariḥ ॐ /
iti kṛṣṇayajurvedīyataittirīyāraṇyake saptamaḥ prapāṭhakaḥ samāptaḥ