Svayaṃbhupurāṇa · Chapter 3

aśokaḥ sasabhālokaḥ prābhyanandaṃ prabodhitaḥ /
iti śrī svayambhūtpatti kathāyā śrī svayambhū bhaṭṭārakoddeśa pūjāvarṇanā nāma dvītīyo 'dhyāya samāpta /
tṛtīya adhyāya mahāhradaśoṣaṇadharmadhātupadmagiri sampratiṣṭhāpanno nāma
athāśoko mahīpālaḥ sāñjaliḥpura āśritaḥ /
tamarhantaṃ yatiṃ natvā prārthayedevamādarāt

bhadanta śrotumicchāmi tad bhūmi satkathāṃ /
tatsamyak samupādiśya saṃbodhayituṃ no bhavān

iti saṃprārthite rājñā so 'rhanyatirmahāmatiḥ /
upagupto narendraṃ taṃ sampaśyannevamādiśat

sādhu śṛṇu mahārāja yathā me guruṇoditaṃ /
tathāhaṃ te pravakṣyāmi sarvalokābhivodhane

tadyathātha mahāsattvo maitreyaḥ sa jinātmajaḥ /
bhagavantaṃ punarnatvā sāṃjalirevamabravīt

bhagavannāvāsosaumahā jalāśrayo hradaḥ /
kadā bhūmi pradeśo 'tra kathaṃ jalāśrayo bhavet

kasya ca samaye deśāgrāmādayaḥ pravarttitāḥ /
tatsarvaṃ samupādiśyansarvānasmānpravodhayan

iti saṃprārthite tena maitreyena saḥ sarvavit /
bhagavānstaṃ mahāsattvaṃ sampaśyannaivamādiśat

sādhu śṛṇu mahāsattvaṃ yadatrābhūt mahītale /
tatpravṛttiṃ samākhyāmi sarvalokābhibodhane

tadyathā bhūvilokānāṃ varṣa ṣaṣṭī sahasrakā /
purābhūt bhagavāñchāstā viśvabhūrnnāmasarvavit

dharmarājo munīndro 'rhastathāgato vināyakaḥ /
sarva vidyādhipastāpī saṃbuddha sugato jinaḥ

so 'nupamānāma pūryāṃ upakaṇṭhe jināśrame /
sarvasattva hitārthena vijahāra sasāṃdhikaḥ

maitreyo 'haṃ tadā bhūvaṃ viśvabhū upāsakaḥ /
parvatākhyo mahāsattvo bodhisattvo hitārthabhṛt

tatra sa bhagavāñchāstā saṃbhāsayaṃ sudhāśuvata /
saddharmma samupādeṣṭuṃ sabhāsane sabhāśrayat

taṃ dṛṣṭā bhikṣavo sarve śrāvakāḥ brahmacāriṇaḥ /
pratyeka sugatāścāpi bodhisattvāścacailakāḥ

bhikṣuṇyā brahmacāriṇyoyatayo 'yogino pica /
triratna bhajanāraktā upāsaka upāsikāḥ

evaṃ manyepi lokāśca saddharmma guṇalālasāḥ /
bhadraśrī sabhāṇāraktā saṃbuddha darśaṇotsukā

tatsudharmmāmṛtaṃ pātuṃ samatyena munīśvaraṃ /
yathākramaṃ samabhyarcya natvā sāñjalāya mudā

parivṛtya puraskṛtya samudvikṣya samādarāt /
tatsabhāyāṃ samāśritya saṃniṣedu samāhitāḥ

evaṃ brahmādayaḥ sarve ṛṣayo brahmacāriṇaḥ /
tīrthikā api sarve tatsaddharmaṃ śrotumāgatāḥ

śakrādayoyidāvāśca sarvalokādhipā api /
grahāstārāgaṇāḥ siddhāḥ sādhyā vidyādharā api

sarve 'pi te sasāgatya bhagavantaṃ yathākramaṃ /
samabhyarcya praṇatvā tata sabhāyāṃ samupāśrayat

evaṃ ca brāhmaṇā vijñā rājāna kṣatriyā api /
vaiśyāśca mantriṇo 'mātyā gṛhasthāśca mahājanāḥ

śilpino vaṇijaścāpi sārthavāhāśca paurikāḥ /
grāmyā jānapadāścāpi tathā nye deśavāsinaḥ

sarve te samupāgatya bhagavanta yathākramaṃ /
samabhyarcya praṇatvā ca kṛtvā pradakṣiṇānyapi

guru kṛtya puraskṛtya parivṛtya samantataḥ /
tatsadharmmāmṛtaṃ pātumupatasthuḥ samāhitāḥ

tāndṛṣṭvā samupāsīnān viśvabhūrbhagavāṃjinaḥ /
ādi madhyānta kalyāṇaṃ saddharma samupādiśat

tatsaddharmmāmṛtaṃ pītvā sarve lokāḥ sabhāśritāḥ /
dharmmaviśeṣamājñāya prāpyananda pravodhitāḥ

tasminkṣaṇe mahī sarvā ca cāraddhi saparvatāḥ /
suprasannā diśaḥ sarvā rejuravīndra vahnyaḥ

suradundubhayo nendurnipetuḥ puṣpavṛṣṭayaḥ /
nirutpātaṃ mahotsāhaṃ prāvarttata samantataḥ

tad vilokya sabhālokāḥ sarve te vismayānvitāḥ /
śrotuṃ taddhetu sarvajñamudvīkṣya tasthurāditāḥ

tadā gaganagañjākhyo bodhisattvaḥ samutthitaḥ /
uddhahannuttarāsaṃga purataḥ samupāśrita

sarvajñaṃ taṃ mahābhijñaṃ dharmmarājaṃ vināyakaṃ /
viśvabhuvaṃ muninnatvā sāṃjalirevamabravīt

bhagavantadranaimityaṃ kasyedaṃ jāyate 'dhunā /
tadbhavānsamupādiśya saṃbodhayatu no guroḥ

iti saṃprārthite tena bhagavānsa munīśvaraḥ /
gaganagaṃjamālokya taṃ sabhācaivamabravīt

kulaputra mahad bhadra nimittamidamācarat /
tadahaṃ sapravakṣāmi śṛṇudhvaṃ yūyamādarāt

tadyathā triguṇābhijñā mañjuśrīḥ sugatātmajaḥ /
uttarasyāṃ mahācīne viharati nagāśrame

tasya bhāryā ubhejyeṣṭākeśinī śrīvarapradā /
vidyā sadguṇa saṃbhartrī dvitīyāḥ copakeśinī

ekasmin samaye tatra maṃjuśrīḥ sadguṇodadhiḥ /
lokaṃ saṃdarśana nāma samādhiṃ vidadhe mudā

dhyāna dṛṣṭā dadarśātra mahāhradasaroruhe /
ratnamayaṃ samutpannaṃ dharmmadhātuṃ jinālayaṃ

svayaṃbhuvaṃ tamālokya maṃjudevaṃ susanmatiḥ /
saṃharṣitaḥ purnadhyātvā manasaivaṃ vyacintayet

aho svayaṃ samudbhūto dharmmadhātu jinālayaḥ /
nirjane jalamaye jyotirūpaḥ saṃbhāṣayan sthitaḥ

tat tathāhaṃ kariṣyāmi gatvā tatra mahāhrade /
śoṣayitvā tadambhānsi yathā pṛthvītalo 'bhavat

tadā tatra mahībhūtre nirjale supratiṣṭhite /
śiloccaye pratiṣṭhāpya bhajiṣyāmi tamīśvaraṃ

tathā tatra mahībhūte grāmādi vasatirbhaveta /
tadā sarve 'pi lokāśyaḥ bhajeyustaṃ jinālayaṃ

tathā tat puṇya bhāvena sarvadā tatra maṃgalaṃ /
nirutpātaṃ bhavennūnaṃ lokāśca syūḥ subhāvinaḥ

tataste mānavāḥ sarve tasyaiva śaraṇāśritāḥ /
yathāśakti mahotsāhaiḥ prabhajeyuḥ sadā mudā

tatastatpuṇyaśuddhāste saddharma guṇalālasāḥ /
bodhisattvā mahāsattvāścareyurbodhisaṃvaraṃ

tataste bodhisaṃbhāraṃ purayitvā yathākramaṃ /
trividhāṃ vidhimāsādya nivṛtipadamāpnuyuḥ

evaṃ kṛtvā mahatpuṇyaṃ prāpyāhaṃ trijagatsvapi /
kṛtvā dharmmamayaṃ bodhiprāpya nivṛttipadamāpnuyāṃ

iti dhyātvā viniścitya mañjuśrīḥ sajinātmajaḥ /
mañjudevābhidhācāryarūpaṃ dhṛtvā maharddhimān

keśinī varadā nāma mokṣadākhyo 'pakeśinī /
bhūtvānekaiḥ mahāsattvaiḥ sahasarve 'pinecarat

tataścaran sabhāryāsau mañjudevaḥ sasāṃdhikaḥ /
sarvatra bhadratāṃ kṛtvā mahotsārhaiḥ samācarat

tatra te samupāgatya dūrataḥ saṃprabhāsvaraṃ /
mahāhradāvjamadhyasthaṃ dadṛśustaṃ jinālayaṃ

tatra te taṃ samālokya jyotirūpaṃ samujvalaṃ /
praṇatvā sahasopetyaḥ kṛtvā pradakṣiṇāni ca

tattīre parvate ramye sarve 'pi te samāśritāḥ /
taṃ caityameva saṃvīkṣya nyavasanta pramoditāḥ

tataḥ prātaḥ samutthāya mañjudevaḥ sa ṛddhimān /
bhaktayā paramayāstauṣijjinālayaṃ svayaṃbhuvaṃ

jyotirūpāya caitanyarūpāya bhavate namaḥ /
anādi nidhanāya śrīdātre praṇavarūpiṇe

viśvatomukha rūpāya svāhāsvadhārūpiṇe /
pṛthvyādibhūtanirmātre mahāmahasvarūpiṇe

jagatsraṣṭe jagatpātre jagad dhartre namo namaḥ /
jagat vaṃdyāya jagatamārādhāya ca te namaḥ

atisthūlāya sūkṣmāya vikārāya vikāriṇe /
nirākṛtikṛte tubhyaṃ saccidānaṃdamūrttayai

vaṣaṭkāra svarūpāya hutabhuje svayaṃ namaḥ /
hotre havana rūpāya homadravyāya te namaḥ

bhaktilabhyāya somyāya bhaktavatsalāya te namaḥ /
dhyānagamyāya dhyeyāya catuvargapradāyine

agraratnāya niḥsīmamahimne sarvadā namaḥ /
guṇātītāya yogāya yogine ca sadā namaḥ

evaṃ stutvā mañjudevaḥ punaḥ kṣamārthatāṃ vyadhāt /
prasīda bhagavan yadahaṃ hadaṃ saṃśoṣituṃ yate

ityuktvā candrahāsaṃ sa sajjīkṛtya samaṃ tataḥ /
tridhā pradakṣiṇīkṛtya samantato vyalokayat

vilokya sa mahāsattvo yāmya diśāvṛtaṃ nagaṃ /
candrahāsena khaḍgena chitvā jalāśrayaṃ vyadhāt

tacchinnaśailamārgeṇa tajjalāni samantataḥ /
pranirgatyāśu sarvāṇi gaṃgāsaṃgamamāyayuḥ

tadārabhya nadā nadyo babhūvurbhūtale hradāḥ /
digvidikṣu malāṃbhobhistad dvīpaiḥ paripūritāḥ

tatra nirudhya ye 'mvuni yatra ye śilāḥ sthitāḥ /
tatra tatra satānsarvāśchitvā svūnica cārayet

evaṃ sa sarvataḥ chitvā kṛtvā tajjalanirgamaṃ /
trirātreṇāpi na jalāni sarvāṇi niracārayet

tajjalā dhānamekantu hradaṃ dhanādahābhidhaṃ /
karkkoṭakanāgasya samasthāpa yadāśramaṃ

siṃhenopadrutā yad vada gajendrobhaya vihvalāḥ /
mahārāvai rudanto vai vidravanto diśo daśaḥ

evaṃ tajjalasaṃghātaścandrahāsāsichedanāt /
mārgāntarānniragamata paṃkaśeṣaṃ yathābhavat

tajjalādhānamekentu hradaṃ dharādrahābhidhaṃ /
karkkotakasya nāgasya samasthāpayadāśrayaṃ

tatastasmin jale śuṣkeyadādhārasaroruhaṃ /
tadeva parvatābhūya dharmadhātorvyavasthitaḥ

mañjudevānubhāvena sa sarvaparvatoktamaḥ /
abhedyā vajravaktena vajrakūṭa iti smṛtaḥ

tadāsau bhūtaloramyaḥ samantato nagāvṛtaḥ /
upachandoha ityākhyā himāla yo 'picocyate

sudurjayā svarūpābhūḥ prajñā jñānānubhāvinī /
herukamaṇḍalākārā bhūtvā samavatiṣṭhate

tatrāpi ca pradhānā śrī mahādevī khagānanā /
dharmmodayā samuhutā saṃtiṣṭhate jagaddhite

taṃ dṛṣṭvā sa mahācaryā mañjudevo maharddhimāna /
bodhisattvo mahāsattvaḥ pratyatyānandito 'bhavat

tataḥ sa tāṃ mahādevī samālokya pramoditaḥ /
urasā śirasā dṛṣṭayā vacasā manasā tathā

padbhyāṃ karābhyāṃ jānubhyāṃ aṣṭāṃgo 'pi iti smṛtaḥ /
aṣṭāṃgai praṇītā kṛtvā sāṃjaliḥ samupāśrayan

suprasanna mukhāmbhojaḥ suprabuddho śayāmbujaḥ /
saṃpaśyastāṃ mahādevīṃ stotrairevaṃ mudābhajaṃ

bhagavati mahādevī bhavatyāḥ śaraṇaṃ vraje /
vande pādāmvuje nityaṃ bhajāmi tanprasīdatu

jananī sarvabuddhānāṃ tvameva bodhidāyinī /
sarveṣāṃ bodhisattvānāṃ mātāhitānupālinī

sarvahitārtha saṃbhakti sarvapāpaviśodhanī /
duṣṭa māragaṇākṣobha mahānanda sukhapradā

saddharmmasādhanotsāhavalavīrya guṇapradā /
niḥkleśastimitedhyāna samādhi sukhadāyinī

prajñāguṇa mahāratna śrī samṛddhi pradāyinī /
tad bhaktyāḥ padāmbhoja śaraṇastho bhajāmyaham

iti saṃprārthya sa prājño mañjudeva sa samvarī /
tasyā bhaktī prasannātmā samārādhitumaicchat

atha tatra sa ācāryaḥ sagaṇaḥ saṃpramoditaḥ /
mārga śīrṣaiśitaiḥ pakṣai navamyāṃ ravivāsare

prātaḥ snātvā viśuddhātmā śucivastrāvṛtaḥ sudhīḥ /
poṣadhasamvaraṃ dhṛtvā devīmārādhayaṃ sthitaḥ

rātrau jāgaraṇaṃ kṛtvā dhāraṇī mantrajalpanaiḥ /
stutibhiśca samārādhyaṃ prābhajatāṃ jineśvarīṃ

tataḥ prātaḥ daśamyāṃ sa snātvā gandhodakairmudā /
datvā dānaṃ yathākāmaṃ pariśuddhatrimaṇḍalaḥ

yathāvidhisamabhyarcya tāṃ devīṃ parameśvarīṃ /
mahotsāhaiḥ stutiṃ kṛtvā tridhā pradakṣiṇāni ca

suprasanna mukhāmbhojaḥ saddharmaguṇamānasaḥ /
bhūyo 'ṣṭāṃgaiḥ praṇatvaivaṃ prārthayātsāṃjalimudrā

prasīdatu jaganmātarbhavatyāḥ samupāśritaḥ /
saṃbodhi sādhanotsau bhajāmi sarvadā mudāṃ

iti saṃprārthya saṃprājñau natvāṣṭāṃgairmudā ca tāṃ /
tatpadmāmṛtamādāya tridhyamañjulinā pivet

tadamṛtaṃ nipīyāsau saṃviśuddhatrimaṇḍalaṃ /
aṣṭākṣaṇavinirmuktaḥ saṃbuddhakṣaṇamāpnuvān

evaṃ kṛtvā sa ācārya devyā bhaktiparāyaṇaḥ /
saṃbuddhakṣaṇamāsādya sarva dharmmādhipo 'bhavat

tataḥ śrīmān sa ācāryo bodhisattva jagaddhite /
sa saṃghānyavasat tatra dharmadhātaurūpāśramaiḥ

tatsamabhyaṣitatvāt saṃpradeśaḥ śrī manoharaḥ /
syātsarvatrāpi mañjuśrīparvata iti viśrutaḥ

tatra śritaḥ sadāpyaspa dharmmadhātorūpāsakaḥ /
sarvasattva hitārthena prābhajansa jinātmajaḥ

tatsamīkṣāmalā sarvebrahmendrapramukhāapi /
sarvelokādhipāścāpi mudā tatra samāgatāḥ

tatraivo poṣaḍhaṃ dhṛtvā kṛtvā jāgaraṇaṃ niśi /
uṣitvā dhāraṇī mantraḥ dhyātvā tāṃ śrī jineśvarīṃ

yathāvidhi samabhyarcya kṛtvā pradakṣiṇāni ca /
kṛtvāṣṭāṃga praṇāmāni stutibhiścā bhajaṃ mudā

evaṃ tasyāmahādevyāḥ sarve tai śaraṇāśritāḥ /
dharmaśrīguṇasaṃpatti maharddhisiddhimāpnuvan

tataste cāmarāḥ sarve sendra brahmādayādhipāḥ /
vajrakūṭaṃ nagāvjaṃ taṃ samīkṣyante jinālayaṃ

anumodyābhinandante stasyāpi śaraṇe gatāḥ /
mahotsāhaiḥ samabhyarcya prabhajanta samādaraṃ

tataḥ sarve 'marāstaica sarvailokādhipāśca te /
asyāpi mañjuedevasya vajrācāryasya sadguroḥ

śaraṇe samupāsṛtya divya pūjopahārakaiḥ /
samabhyarcya mahotsāhaiḥ prābhajanta pramoditāḥ

evaṃ manvādayaḥ sarve manuyopiyaḥmaharṣayaḥ /
yatayoginaścāpi bhikṣavo brahmacāriṇaḥ

cailakā bodhisattvāśca mahāsattvā jinātmajāḥ /
te sarve samupāgatya tasyā devyā upāsakāḥ

yathāvidhi samabhyarcya prābhajanta pramoditāḥ /
tataste dharmmadhātauśca sarve 'pi śaraṇāśritāḥ

samabhyarcya mahotsāhaiḥ natvā kṛtvā pradakṣiṇāṃ /
suprasanna mukhāmbhojānta pramoditanaḥ

tataste ca mahāsattva mañjudevaṃ mahaddhiṃkim /
ācārya samutsāhaiḥ samarcayaṃ pramoditāḥ

pratyeka sugatāścāpi sarve tatra samāgatāḥ /
tāṃ devī dharmmadhātuṃ tamācāryaṃ ca samārcayaṃ

sarve tathāgatāścāpi pūjāmeghasarjanaiḥ /
tāṃ devīṃ dharmadhātuṃ tamācāryaṃ ca samācaryaṃ

evaṃmanyepi lokāśca praduṣṭvā samupāgatāḥ /
tāṃ devīṃ dharmadhātuṃ ca tamācāryaṃ ca prābhajan

etatpuṇyānubhāvena calitā sāvdhinagā mahī /
puṣpavṛṣṭiḥ śubhotsāhaṃ pravarttate samantataḥ

ityādiṣṭa munīndreṇa viśvabhūvā niśamyate /
sarve samāśritā lokā vismayaṃ samupāyayuḥ

tataḥ sarve 'pi te lokāstāṃ devīṃ śrīmaheśvarī /
dharmmadhātutamācāryaṃ draṣṭumabhiva vāñchire

tadāśayaṃ parijñāyaḥ gagaṇagañja utthitaḥ /
bhagavantantamānaspaśyannevamavravīt

bhagavan sarvamicchanti draṣṭuṃ tāṃ sugeśvarīṃ /
dharmmadhātuṃ tamācāryaṃ tadanujñāṃ dadātu naḥ

iti saṃprārthitaṃ tena bhagavānsa munīśvaraḥ /
gagaṇagañjamātmajña taṃ paśyannevamādiśat

sādhu sādhyāmahādevīṃ khagānanājineśvarīṃ /
dharmadhātuṃ tamācāryamapirdaṣṭuṃ yadīcchatha

tatra himālaye gatvā tāṃ śrī devīṃ khagānanāṃ /
dharmadhātuṃ tamācāryaṃ saṃbhajadhvaṃ yathā vidhi

ityādiṣṭaṃ munīndreṇa viśvabhuvā niśamyate /
sarve lokā mahotsāhai ratrāyayuḥ pramoditāḥ

ahamapi munīndrasya prāpyānujñāṃ pramoditaḥ /
taiḥsārddhaṃ prasthitau dūrātpaśyannimaṃmāyayau

atra prāpno 'haṃ samālokya dharmmadhātunnimaṃ mudā /
samabhyarcya mahotsāhaistai lokaiḥ prābhajaṃ saha

śraddhayā śaraṇaṃ gatvā kṛtvā cainaṃ pradakṣiṇāṃ /
stutvāṣṭāṃgaiḥ praṇatvā ca prārthayaṃ bodhisamvaraṃ

tato 'haṃ mañjudevākhyaṃ tamācārya samīkṣya ca /
samabhyarcya mahotsāhaiḥ prābhajadhvaṃ sahānujaiḥ

tatastasyopadeśa tāṃ śrīdevīṃ khagānanāṃ /
yathāvidhi samārādhya mahotsāhaiḥ samarcayaṃ

kṛtvā pradakṣiṇāṃ cāpi natvāṣṭāṅgaiḥ pramoditaḥ /
stutvā dhyātvā ca saṃbodhiṃ saṃprārthaya jagaddhite

etatpuṇyānubhāvena pariśuddha trimaṇḍalāḥ /
aṣṭākṣaṇa vinirmukto bodhisattvo bhavaṃ kṛtī

tataḥ sambodhisaṃbhāraṃ pūrayitvā yathākramaṃ /
jitvā māragaṇān arhan kalāvapi jinobhave

evamasyā mahādevyāḥ ye ye śaraṇa āśritāḥ /
yathāvidhi samārādhya bhajeyu bodhimānasāḥ

te te sarve mahāsattvāḥ pariśuddha trimaṇḍalāḥ /
bodhisattvā mahābhijñā bhaveyu striguṇādhipāḥ

kutrāpi te nagacchet durggatiñca kadācana /
sadāsaṅgatisaṃjāta bhaveyuḥ śrī guṇāśrayāḥ

yathābhivācchitaṃ dravyaṃ datvārthibhyo samādarāt /
yathākāmaṃ sukhaṃ bhuktvā sañcarerañjagaddhite

tato viśuddhaśīlāste caturbrahma vihāriṇaḥ /
bodhisattvasamvaramādhāya saṃcareran sadā śubhe

tataste syu rmahāsattvāḥ saddharmma sukhalālasāḥ /
svaparātmahitādhārakṣāntivratasamāratāḥ

tataste sadguṇādhārā vīryavanto vicakṣaṇāḥ /
saddharmma sādhanodyuktā bhaveyu striguṇādhipāḥ

tataste sudhiyo dhīrā niḥkleśā vijitendriyāḥ /
samādhi guṇasampannā bhaveyubodhiyoginaḥ

tataste vimalātmānaḥ sarvavidyā guṇādhipāḥ /
prajñāśrī ratna saṃprāpto bhaveyuḥ sugatātmajāḥ

tataśca te sahāsattvāḥ sarve sattvā hitotsukāḥ /
sarvāpāya vidhi prājñā bhaveyuśtriguṇādhipāḥ

tataste bodhisaṃbhāra praṇidhiratnasāgarāḥ /
sarvasattvahitaṃ kṛtvā saṃcareraṃ sadāśubhe

tataśca te mahābhijñāḥ bhadraśrī satguṇānvitāḥ /
valiṣṭhā duṣṭa jetāro bhaveyu stribhaveśvarāḥ

tataste trividhāṃ bodhimāsādya bhadracāriṇaḥ /
sambodhijñānasadrantasamṛddhāḥ syu rmunīśvarāḥ

tataste sugatāḥ buddhāḥ daśabhūmīśvarājināḥ /
bodhimārge pratiṣṭhāpya kūryuḥ sarvānsudharmmiṇaḥ

evaṃ dharmamayaṃ kṛtvā sarvatra bhuvaneṣvapi /
sunivṛrtipadaṃ prāpya saṃprayāyurjinālayaṃ

evamasyā mahādevyā bhajano hūtamuktamaṃ /
puṇyaṃ mahattaraṃ siddhaṃ sambuddhapadasādhanaṃ

iti satyaṃ samākhyātaṃ sarvai rapi munīśvaraiḥ /
vijñāyāsyā mahādevyā bhajadhvaṃ śaraṇe sthitā

asyāpi dharma dhātauśca bhajanodbhūtamuktamaṃ /
puṇyaṃ mahattaraṃ siddhaṃ sambuddhapadasādhanaṃ

asyāpi mañjudevasyaḥ bhajanod bhūtamuktamaṃ /
puṇyaṃ mahattaraṃ siddhaṃ sambuddhapadasādhanaṃ

matveti yadi vo vāṃcchā vidyate saugate pade /
sarve yūyaṃ samādhāya bhajatāntra jinālaye

khagānanāsyāyā mahādevyāḥ śaraṇe ca samāśritāḥ /
dhyātvā smṛtvā samuccārya nāmāpi bhajatābhavaṃ

ya eṣāṃ śaraṇe sthitvā dhyātvā smṛtvā samāhitāḥ /
nāmāpi samudāhṛtya bhajanti sarvadābhave

te sabhadrā nagacchanti durggatiṃ ca kadācana /
sadā sadgati saṃjātā bhaveyuḥ śrī guṇāśrayāḥ

bodhisattvā mahāsattvā saddharma bodhi cāriṇaḥ /
sarvasattva hitodyuktā bhaveyuḥ sugatātmajāḥ

evanteṣāṃ mahatsaukhyaṃ bhadraśrī sadguṇānvitaṃ /
sarvadāpi nirutpātaṃ pravarktate samāhitaḥ

daivotpātabhayanteṣāṃta vidyate samantataḥ /
yaktāndṛṣṭvā surāḥ sarve rakṣantīndrādayomudā

agnyutpātaṃbhayaṃ teṣāṃ vidyate na kadācana /
yat tāndṛṣṭvā prasīdanto rakṣeyurvahnayaḥ sadā

akāla maraṇād bhītisteṣānnavidyate kvacit /
yadyamopi samalokya rakṣati tāṃ prasāditaḥ

rākṣasasyābhayaṃ teṣāṃ vidyate na samantataḥ /
yad vāyavo 'pi tā vījya rakṣeyuḥ sarvadānugāḥ

yakṣasyāpi bhayaṃ teṣāṃ vidyate na sadā kvacit /
yakṣā samīkṣya rakṣeyuḥ sarve yakṣādhipā api

bhūtebhyo 'pi bhayanteṣāṃ vidyate na samantataḥ /
yadīśānopi tānpaśya saṃrakṣetsaṃpramoditāḥ

gandharvotpati to bhītisteṣānnavidyate kvacit /
dhṛtarāṣṭo 'pi tānpaśyat saṃrakṣetsaṃ prasāditaḥ

kumbhāṇḍebhyo 'pi nāstyevaṃ bhayanteṣāṃ kadācana /
viruḍhakohitān paśyanabhirakṣan prasādataḥ

nāgebhyo 'pi bhayanteṣāṃ vidyate na sadā kvacita /
virupākṣo hi samyaśyantānrakṣansamprasāditaḥ

yakṣebhyo 'pi sadā teṣāṃ vidyate na bhayaṃ kvacita /
kuvero hi samālokya saṃrakṣastān prasāditaḥ

bhayaṃ na kinnarebhyopi teṣāmasti kadācana /
drumo hitān mahāsattvā saṃvīkṣavat prasāditaḥ

guhyakebhyopi nāstyeva bhayanteṣāṃ sudharmmaṇāṃ /
vajrapāṇirhitānvīkṣya prasāditā bhavet sadā

tathā vidyādharebhyo 'pi bhayanteṣānna vidyate /
yataḥ sarvārthasiddho 'pi samyaśyanstān vetsadā

grahotpāta bhayanteṣāṃ vidyate na kadācana /
grahādhipāhi sarve 'pi samīkṣya tānavetsadā

tathā tārāgaṇotpātabhayaṃ teṣānnavidyate /
sarvāstā rāhi tānvīkṣya sarvatrā veyurābhavaṃ

siddhāḥ sādhyāścarudrāśca vīkṣyāveyuḥ sadāpi tān /
tattebhyopi bhayaṃ kvāpi teṣāṃ nāsti kadācana

tathā ca mātṛkotpātaṃ bhayaṃ nāsti kadācana /
sarvāhi mātṛkān dṛṣṭvā rakṣeyu stāṃ prasāditāḥ

mahākālo gaṇeśa skandaśca bhairavā api /
sarvadā tānsamālokya rakṣeyuḥ saṃprasāditāḥ

pretā bhūtāḥ piśāścāśca vetāḍā ḍākinīgaṇāḥ /
api tānsarvadālokya saṃrakṣeyuḥ prasāditāḥ

tebhyo 'pi bhayanteṣāṃ vidyate na kadācana /
sarve 'pi rtesahāyāḥ syu saṃvodhi dharmmasādhane

siṃhādi sarvajantubhyoḥ pakṣibhyo 'pi samantataḥ /
sarpādi kṛmikīṭebhyo bhayanteṣāṃ sadāpi na

duṣṭa pratyarthikebhyo 'pi taskarebhyopi sarvataḥ /
śatrubhyo 'pi bhayanteṣāṃ vidyate na samantataḥ

yadetatpuṇyaliptāstāṃ samīkṣya te prasāditāḥ /
sarve maitrī kṛpā sneha nivaddhāḥ syuhitārthinaḥ

evaṃ sarve 'pi satvāstāndṛṣṭvā saṃprasāditāḥ /
snigdhaciktāprasannāsyāḥ paśyeyu maitrībhāvataḥ

rājāno 'pi ca tāndṛṣṭvā maitrī snehasabhāvitāḥ /
suprasannāśayāḥ prītā mānayeyuḥ sadā mudā

mantrīṇo 'pi sadā teṣāṃ maitrīsneha sabhāṣitāḥ /
mānayeyuḥyathākāmaṃ saddharmma vratasādhanaṃ

brāmhaṇā api sarve ca teṣāṃ saddharmma sādhanaṃ /
dṛṣṭvānumoditātmāno dadhu bhadrāśivaṃ sadā

ṛṣayo 'pi tathā sarve tāṃ dṛṣṭvā saṃprasāditāḥ /
paśyantaḥ kṛpayā dṛṣṭvā modayeyuḥ subhāśiṣā

evaṃ ca yoginaḥ siddhā yatayo bramhacāriṇaḥ /
tīrthikāstāpasāścāpi vratinaścāpyupāsakāḥ

cairakā bhikṣavoścāpi bhikṣuṇyaścāpyupāsikāḥ /
api tāṃ sudṛśālokya nandayeyuḥ śubhāśiṣāḥ

evaṃ ca śrāvakāḥ sarve pratyeka sugatā api /
bodhisatvāśca sarve 'pi tān dṛṣṭvā saṃprasāditāḥ

kṛpayā dṛṣṭavānupaśyanto maitrī snehasubhāvinaḥ /
rakṣitvā bodhimārgeṣu niyājeyuḥ sadā bhavaṃ

evaṃ sarve 'pi saṃbuddhā dṛṣṭvā tāṃ saṃprasāditāḥ /
sarvadā kṛpayā rakṣyucārayeyurjjagaddhite

evaṃ teṣāṃ mahatpuṇyaṃ sambuddha padasādhanaṃ /
bhadraśrīguṇasaṃpatti samṛddhi siddhisaṃpradaṃ

evaṃ yūyamapi jñātvā sarvadā śaraṇāśritāḥ /
yathāśakti samabhyarcya bhajataitāṃstriratnikān

smṛtvā dhyātvāpi nāmāpi samuccārya sadā mudā /
eṣāmeva triratnānāṃ bhajadhvaṃ śaraṇe sthitā

etatpuṇyaviliptā ye pariśuddhatrimaṇḍalāḥ /
bhadraśrīguṇasaṃpannā bhaveste śubhāśayā

durgatiṃ te na gaccheyuḥ sadā sadgatisaṃbhavāḥ /
bodhisatvā mahāsatvā bhaveryubhadracāriṇaḥ

tataste sarvasatvānāṃ hitārtha sādhanodyatāḥ /
sudhīrā bodhisambhāraṃ pūrayitvā yathākramaṃ

tato māragaṇāñjitvā niḥkleśā vijitendriyāḥ /
arhanta trividhāṃ bodhiṃprāpya yāyu jinālayaṃ

etsarva mayā khyātaṃ sarvairapi munīśvaraiḥ /
śrutvānumodanāṃ kṛtvā pracaradhvaṃ sadāśubhe

ityādiṣṭaṃ munīndreṇa niśamyate sabhāśritāḥ /
sarve tathānumodantaḥ prāpyānandatpravodhitāḥ