Śrīghanācārasaṃgraha · Chapter 3.9

9 vikālabhojanaviratiśikṣāpadaṃ
rātreranyatra[bhuṃjāne mayi babhūvālparogatā] |
tathaiva [khalu] vaḥ kāryaṃ [bhoktavyaṃ dinayevaca]

viṇmūtragarta[ke] pātaḥ caurāhibhiḥ samāgamaḥ |
udarārthaṃ gṛhe no 'ṭantītyavadhyātavān janaḥ

sāyaṃ prātaśca piṇḍārthamaṭanti bhuṃjate [tathā] |
sabhācatvaraśrṛṃgāṭamandireṣu gṛheṣu ca

sugataḥ prāha bhuṃjīta kāle yatiḥ ||
uditādityamadhyāhnakeśamātrānatītake

sakturodanakulmāṣaṃ matsya- māṃsaṃ ca kālikaṃ |
yāvajjīvikatailādipippalīpānavarjitaṃ

yatkiṃcidadyate dantairgalake vā praveśyate |
kukṣiviṣṭabhmakaṃ kāle tattadadyādyathodite

saktvādyāmiṣanirmuktaṃ nīrajaṃ kardamādikaṃ |
varṣopalakamaśnīyāt pipāsārtto yatirhimaṃ

kalpyavārigrahe tāvat prakṣālyau na [saśoṇitau] |
hastau dvau cāṃgulīkṣāle na grāhyaṃ kalpikodakaṃ

māyāśāṭhaya[yutaḥ] kuryāt na ca prakṣālanaṃ tayoḥ |
saśabdau [yadi] tau śuddhau vedyau snigdhatvaco yateḥ

na dāsyatha[mahyaṃ] bhoktuṃ kṣuttṛṣṇāpīḍito [mriye] |
ityevaṃ [sa] viruktaḥ syāt kṣeptavyo maṇḍakuṇḍa[ke]

aṣṭāsu dhautadhānyaṃ yat pātre diśedanāmiṣe |
sphuṭaṃ tu yadi pātuṃ tannaiva glānāya kalpate

lobhotyāpitavākkāyakarmaṇā samupārjitaṃ |
vihāracīvarāhāraṃ varjayed viṣabhaktavat

madyaśastraviṣaprāṇilākṣavikrayaṇaṃ vratī |
na kārayet na kuryānna jīvikāṃ tena kalpayet

satkārārthaṃ [ca lābhārtha] kuhanā hyakṣasaṃvaraḥ |
vastrādikasya prāptayarthaṃ lapanā cāṭuvāditā

naiṣpeṣikatvamannādi-lābhāya parakutsanaṃ |
anyadīyasya pātrādernaimittikaṃ [tu] varṇanaṃ

lābhena lipsā lābhānāṃ vṛddhiṣaryeṣaṇaṃ ca [yat] |
yatirvivarjayedetān mithyājīvān purīṣavat

krīḍāparopaghātaṃ ca kāyavāgucchitaṃ [sadā] |
vratī vivarjayennityaṃ viṭpradigdhamivoragaṃ

vipaṇitaragulmādau dyūtabandhagṛhe tathā |
agocaro yadākhyātastiṣṭhettatra na cellakaḥ