શ્રીઘનાચારસંગ્રહ · અધ્યાય 3.9

9 વિકાલભોજનવિરતિશિક્ષાપદં
રાત્રેરન્યત્ર[ભુંજાને મયિ બભૂવાલ્પરોગતા] ।
તથૈવ [ખલુ] વઃ કાર્યં [ભોક્તવ્યં દિનયેવચ]

વિણ્મૂત્રગર્ત[કે] પાતઃ ચૌરાહિભિઃ સમાગમઃ ।
ઉદરાર્થં ગૃહે નો ઽટન્તીત્યવધ્યાતવાન્ જનઃ

સાયં પ્રાતશ્ચ પિણ્ડાર્થમટન્તિ ભુંજતે [તથા] ।
સભાચત્વરશ્રૃંગાટમન્દિરેષુ ગૃહેષુ ચ

સુગતઃ પ્રાહ ભુંજીત કાલે યતિઃ ॥
ઉદિતાદિત્યમધ્યાહ્નકેશમાત્રાનતીતકે

સક્તુરોદનકુલ્માષં મત્સ્ય- માંસં ચ કાલિકં ।
યાવજ્જીવિકતૈલાદિપિપ્પલીપાનવર્જિતં

યત્કિંચિદદ્યતે દન્તૈર્ગલકે વા પ્રવેશ્યતે ।
કુક્ષિવિષ્ટભ્મકં કાલે તત્તદદ્યાદ્યથોદિતે

સક્ત્વાદ્યામિષનિર્મુક્તં નીરજં કર્દમાદિકં ।
વર્ષોપલકમશ્નીયાત્ પિપાસાર્ત્તો યતિર્હિમં

કલ્પ્યવારિગ્રહે તાવત્ પ્રક્ષાલ્યૌ ન [સશોણિતૌ] ।
હસ્તૌ દ્વૌ ચાંગુલીક્ષાલે ન ગ્રાહ્યં કલ્પિકોદકં

માયાશાઠય[યુતઃ] કુર્યાત્ ન ચ પ્રક્ષાલનં તયોઃ ।
સશબ્દૌ [યદિ] તૌ શુદ્ધૌ વેદ્યૌ સ્નિગ્ધત્વચો યતેઃ

ન દાસ્યથ[મહ્યં] ભોક્તું ક્ષુત્તૃષ્ણાપીડિતો [મ્રિયે] ।
ઇત્યેવં [સ] વિરુક્તઃ સ્યાત્ ક્ષેપ્તવ્યો મણ્ડકુણ્ડ[કે]

અષ્ટાસુ ધૌતધાન્યં યત્ પાત્રે દિશેદનામિષે ।
સ્ફુટં તુ યદિ પાતું તન્નૈવ ગ્લાનાય કલ્પતે

લોભોત્યાપિતવાક્કાયકર્મણા સમુપાર્જિતં ।
વિહારચીવરાહારં વર્જયેદ્ વિષભક્તવત્

મદ્યશસ્ત્રવિષપ્રાણિલાક્ષવિક્રયણં વ્રતી ।
ન કારયેત્ ન કુર્યાન્ન જીવિકાં તેન કલ્પયેત્

સત્કારાર્થં [ચ લાભાર્થ] કુહના હ્યક્ષસંવરઃ ।
વસ્ત્રાદિકસ્ય પ્રાપ્તયર્થં લપના ચાટુવાદિતા

નૈષ્પેષિકત્વમન્નાદિ-લાભાય પરકુત્સનં ।
અન્યદીયસ્ય પાત્રાદેર્નૈમિત્તિકં [તુ] વર્ણનં

લાભેન લિપ્સા લાભાનાં વૃદ્ધિષર્યેષણં ચ [યત્] ।
યતિર્વિવર્જયેદેતાન્ મિથ્યાજીવાન્ પુરીષવત્

ક્રીડાપરોપઘાતં ચ કાયવાગુચ્છિતં [સદા] ।
વ્રતી વિવર્જયેન્નિત્યં વિટ્પ્રદિગ્ધમિવોરગં

વિપણિતરગુલ્માદૌ દ્યૂતબન્ધગૃહે તથા ।
અગોચરો યદાખ્યાતસ્તિષ્ઠેત્તત્ર ન ચેલ્લકઃ