Śrīghanācārasaṃgraha · Chapter 3.8
8 gandhamālyavilepanaviratiśikṣāpadaṃ
candanādika[gandhaṃ hi dhārayed] vyādhito yatiḥ |
dattvā [ca] munaye pūrvaṃ bhiṣagādervacanena [saḥ]
na tiṣṭhet prakaṭe deśe kṣālayitvā bahirvrajet |
anenaiva vidhānena dhārayet kusumasrajaṃ
netraduḥkhaśiraḥśūlapūtanāgraharugvataḥ |
mālayā veṣṭayet śīrṣaṃ mekhalāṃ na ca laṃbayet
haritālādicūrṇena tailena vā sugandhinā |
na vadanādikaṃ gātraṃ varṇārthaṃ marṣayed yatiḥ
yaterapratirūpatvād gandhamālya[vilepanaṃ] |
rāgauddhatyakaraṃ yasmāt tasmāttad garhitaṃ jinaiḥ
na darpaṇe nirīkṣeta mukhaṃ vā tailabhājane |
muktvānyenekṣaṇīyaṃ[hi] śirovyathāgadāturaṃ
vibhūṣaṇāya tailenātmano nābhyaṃjayed mukhaṃ |
sphuṭitāsyaśirorogādanyenābhyaṃjanaṃ na ca
na kuṃkumādicūrṇena maṇḍayed vadanaṃ yatiḥ |
piṭakaśamanārthaṃ tu lepa iṣṭastilā[dibhiḥ]
Original text: Śrīghanācārasaṃgraha · Edition: the reconstruction by Sanghasena Singh from Jayaraksita's Srighanacarasamgrahatika (see separate file) [cf. Sanghasena Singh: "On the restauration of the Śrighanācārasaṃgraha", in: Philosophy, Grammar and Indology, Essays in Honour of Professor Gustav Roth, ed. H.S. Prasad, Delhi 1992, pp. 283-301] · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0