શ્રીઘનાચારસંગ્રહ · અધ્યાય 3.8

8 ગન્ધમાલ્યવિલેપનવિરતિશિક્ષાપદં
ચન્દનાદિક[ગન્ધં હિ ધારયેદ્] વ્યાધિતો યતિઃ ।
દત્ત્વા [ચ] મુનયે પૂર્વં ભિષગાદેર્વચનેન [સઃ]

ન તિષ્ઠેત્ પ્રકટે દેશે ક્ષાલયિત્વા બહિર્વ્રજેત્ ।
અનેનૈવ વિધાનેન ધારયેત્ કુસુમસ્રજં

નેત્રદુઃખશિરઃશૂલપૂતનાગ્રહરુગ્વતઃ ।
માલયા વેષ્ટયેત્ શીર્ષં મેખલાં ન ચ લંબયેત્

હરિતાલાદિચૂર્ણેન તૈલેન વા સુગન્ધિના ।
ન વદનાદિકં ગાત્રં વર્ણાર્થં મર્ષયેદ્ યતિઃ

યતેરપ્રતિરૂપત્વાદ્ ગન્ધમાલ્ય[વિલેપનં] ।
રાગૌદ્ધત્યકરં યસ્માત્ તસ્માત્તદ્ ગર્હિતં જિનૈઃ

ન દર્પણે નિરીક્ષેત મુખં વા તૈલભાજને ।
મુક્ત્વાન્યેનેક્ષણીયં[હિ] શિરોવ્યથાગદાતુરં

વિભૂષણાય તૈલેનાત્મનો નાભ્યંજયેદ્ મુખં ।
સ્ફુટિતાસ્યશિરોરોગાદન્યેનાભ્યંજનં ન ચ

ન કુંકુમાદિચૂર્ણેન મણ્ડયેદ્ વદનં યતિઃ ।
પિટકશમનાર્થં તુ લેપ ઇષ્ટસ્તિલા[દિભિઃ]