સ્મરદીપિકા · શ્લોક 222-230

યસ્ તૂપાનહમ્ આકુઞ્ચ્ય સમાનેન નિયોજયેત્ ।
પાદાઙ્ગુષ્ઠેન ભૂમૌ તાં પીડયેત્ તુ સમાહિતઃ

ભક્ષયેદ્ અથવા દગ્ધૈશ્ ચમ્પકીકદલીયુતમ્ ।
અત્યગ્રભાગસંયુક્તઃ પુના ઋદ્ધિં પ્રયચ્છતિ

કલ્લોલિનીકાનનકન્દરાદૌ દુઃખાશ્રયે ચાર્પિતચિત્તવૃત્તિઃ ।
સમૃદ્ધમ્ આબદ્ધમ્ અભિન્નધૈર્યઃ શ્લથો ઽપિ દીર્ઘં રમતે રતે

પારદં ટઙ્કનં વ્યોષા કાકમાચી તથા મધુ ।
ક્ષિપ્તલિઙ્ગશ્ ચિરં નારીં દ્રાવયેદ્ રમણઃ સદા

તુમ્બીપત્રં ચ લોધ્રં ચ સમભાગેન લેપયેત્ ।
ભગલેપપ્રદત્તે ઽસ્મિન્ પ્રસૂતાપ્ય્ અક્ષતા ભવેત્

પલાશોદુમ્બરં ચાપિ તૈલં કુસુમસમ્ભવમ્ ।
મધુના યોનિસંલેપાદ્ ગાઢીકરણમ્ ઉત્તમમ્

સ્વીયેષ્ટદેવતામન્ત્રો જપ્તઃ સ્વાર્થમ્ અહિંસકઃ ।
યથાવિભૂતિદાનં હિ બ્રહ્મચર્યે ચ તિષ્ઠતિ

કૃત્વાદૌ તત્ર શુદ્ધિં તુ પુનઃ ક્ષેત્રે શુભેક્ષણે ।
સૂર્યોદયપ્રદોષાભ્યાં વિશેષાચ્ ચ સ્વયં બલી

કૃત્વા ચૈકમના વિજ્ઞો યદિ બીજં વિમુઞ્ચતિ ।
સૂતે માસોદયે નૂનં ગુણવન્તં યશસ્વિનમ્