Smaradīpikā · Verses 1-20

harakopānalenaiva bhasmībhūyākarot smaraḥ /
arddhaṃ nārīśarīraṃ hi yaś ca tasmai namo 'stu te

samyag ārādhitaḥ kāmaḥ sugandhikusumādibhiḥ /
vidadhāti varastrīṇāṃ mānagranthivimocanam

smaran nirjitya rudreṇa paścād uddīpitaḥ smaraḥ /
tena tannāmadheyena nirmitā smaradīpikā

anekakāmaśāstrāṇāṃ sāram ākṛṣya yatnataḥ /
bālavyutpattaye strīṇāṃ cittasantoṣaṇāya ca /
prabodhāya varastrīṇāṃ tuṣṭyai ratisukhāya ca

gargeṇābhāṣitāṃ samyag vakṣyāmi smaradīpikām /
yasya vijñānamātreṇa mūrkho 'pi ratiraṅgadhīḥ

bālikā taruṇī prauḍhā vṛddhā ceti viśeṣataḥ /
jñātavyo hy anvitaḥ kāmo dhruvaṃ śṛṅgāram icchatā

kāmaśāstrasya tattvajñā jāyante sundarīpriyāḥ /
kāmaśāstram ajānanto ramante paśuvat striyam

nānānibandhaiḥ suratopacāraiḥ krīḍāsukhaṃ janmaphalaṃ narāṇām /
kiṃ saurabheyīśatamadhyavartī vṛṣo 'pi saṃbhogasukhaṃ na bhuṅkte

svanārīrakṣaṇaṃ puṃsāṃ paranāryanurañjanam /
bandhabhedeṅgitajñānam etat phalam udāhṛtam

yena saṃvatsaro dṛṣṭaḥ sakṛt kāmaḥ susevitaḥ /
tena sarvam idaṃ dṛṣṭaṃ punar āvartitaṃ jagat

prathamaṃ lakṣaṇaṃ puṃsāṃ strīṇāṃ ca tadanantaram /
dhvajasya lakṣaṇaṃ proktaṃ bhagalakṣaṇasaṃyutam

kāmasthānāni saṃlakṣya punaḥ samyakpracālanam /
punaḥ ṣoḍaśa bandhāś ca tathaivādhomukhāś ca ṣaṭ

dvau bandhau sundarīṇāṃ ca paścān mukharataṃ tathā /
bāhyaṃ rataṃ tataḥ kuryād rataṃ deśaviśeṣajam

iṅgitasya parijñānaṃ dūtyāś ca tadanantaram /
tathāṣṭanāyikāyāś ca mantrauṣadhisutodayaḥ

śaśo mṛgo vṛṣaś caiva caturthas tu hayas tathā /
kathayāmi kramāt puṃsām etaj jāticatuṣṭayam

mṛducapalasuśīlaḥ komalāṅgaḥ suveṣaḥ sakalaguṇanidhānaṃ satyavādī śaśo 'sau

vadati madhuravāṇīṃ nṛtyagītānuraktaḥ /
dvijasuragurubhakto bandhuyukto dhanāḍhyaḥ

strījito gāyanaś caiva nārīsattvaparaḥ sukhī /
ṣaḍaṅgulo bhaven meḍhraḥ śrīmāṃś ca śaśako mataḥ

vadati madhuravāṇīṃ raktanetraḥ suśīlaḥ calamatiratibhīruḥ śīghragāmī mṛgo 'sau

udarakaṭikṛśaḥ syād dīrghabimbādharauṣṭho daśanavadanadīrgho dīrghabāhuḥ pratāpī