Skanda Purana · Chapter 7.92

// īśvara uvāca// //
tato gacchenmahādevi aghoreśvaramuttamam//
ṣaṣṭhaṃ liṃgaṃ samākhyātaṃ tadvaktraṃ bhairavaṃ smṛtam

tryaṃbakeśvaravāyavye dhanuṣāṃ paṃcake sthitam//
sarvakāmapradaṃ puṇyaṃ kalikalmaṣanāśanam//२/.
yastaṃ pūjayate bhaktyā snānapūjādibhiḥ kramāt//
merudānasya kṛtsnasya sa labhenmanujaḥ phalam

dakṣiṇāmūrtimāsthāya yatkiṃcittatra dīyate//
aghoreśvaradevasya tatsarvaṃ cākṣayaṃ bhavet

yaḥ śrāddhaṃ kurute tatra aghoreśvaradakṣiṇe//
ākalpaṃ tṛptimāyāṃti pitarastasya tarpitāḥ

kiṃ śrāddhena gayātīrthe vājimedhena kiṃ priye //
tatra śrāddhena tatsarvaṃ phalamabhyadhikaṃ labhet

truṭimātramapi svarṇaṃ yātrāyāṃ yaḥ prayacchati //
sa sarvaṃ phalamāpnoti mahādānasya bhūriśaḥ

brahmakūrcaṃ caredyastu somāṣṭamyāṃ vidhānataḥ //
aghoreśvarasāṃnidhye aghoreṇābhimaṃtritam //
ṣaḍabdasya mahattena prāyaścittaṃ kṛtaṃ bhavet

iti saṃkṣepataḥ proktamaghoreśamahodayam //
māhātmyaṃ sarvapāpaghnaṃ śrutaṃ sarvārthasādhakam

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśa rudramāhātmye'ghoreśvaramāhātmyavarṇanaṃnāma dvinavatitamo'dhyāyaḥ